湯丸
湯丸（粵拼：tong1 jyun2）[1][2]（如「女人湯丸」[3]），意謂團圓，係一種用糯米粉整嘅中國嘢食。啲糯米粉加少少水，整成一個波形，跟住再用滾水淥熟，響適中嘅溫度享用。而有一啲甜嘅餡響個湯丸入面嘅又嗌佢做元宵（粵拼：jyun4 siu1）。
煮湯丸嘅方法可以有好多種，響廣東同埋臺灣就會用糖水；而糖水亦可以用紅豆，抑或薑加冰糖整成嘅。
有餡嘅湯丸（元宵）係可以加入好多種餡，包括紅豆沙、花生碎粒同糖、芝麻餡（黑芝麻糊加埋豬油同埋糖）同埋冰糖（係整一個熱嘅，好似焦糖咁嘅餡）等。
呢種嘢食成年都有得食，舊時呢樣嘢食係同冬至、農曆新年同埋元宵節有啦掕。
