豆瓣醬
豆瓣醬係一隻四川式辣醬，用辣椒、蠶豆、黃豆去發酵整成，好多四川嘢食都用佢調味，好似回鍋肉、麻婆豆腐咁。
傳說范蠡喺17歲嘅時候，喺一個有錢佬屋企打理廚房，成日都會剩低好多嘢食，擺耐咗就熬臭。財主發現咗之後鬧咗佢一餐，限佢十日內將呢啲發臭嘅食物變成有用嘅嘢。醒目嘅范蠡首先將啲發咗霉嘅食物處理好，跟住曬乾再用鑊炒熟，去味殺菌，再加溫水攪拌成糊狀，攞嚟餵豬。後嚟，有條友整蠱范蠡，將呢啲食物放喺范蠡兜麵入面俾佢食，點知，啲麵特別好味。范蠡得到啟發之後，就用呢種發臭嘅食物創製咗好食嘅豆瓣醬。[1]
- ↑ 〈副本〉。原著喺2023-07-08歸檔。喺2023-07-08搵到。
