靈知派
｢諾斯底主義｣ 一詞源於聖愛任紐使用希臘文形容詞 gnostikos（古希臘文：γνωστικός，｢博學｣、｢知識分子｣ 噉解）（約公元185年）將 Valentinus 學派描述為佢嘅 legomene gnostike haeresis ｢所謂的異端邪說｣（諾斯底教）。[2]
基督教諾斯底主義嘅起源同演變
[編輯]諾斯底主義強調個人精神知識（靈知）高於「正統」基督教嘅教義、傳統同宗教機構嘅權威。由於，基督教諾斯底主義者主張造物主喺次等神嚟嘅，只有耶穌先係主神「無名之神」所派落來嘅，基督被視為一種有神性嘅存在，佢來到世界受死，喺為咗引導人類重新認識自己嘅神性。只有修補好同耶穌嘅關係，同埋認識「神性」先可以被得救，回歸「無名之神」嘅懷抱。
由於對基督嘅理解相近，諾斯底主義喺兩世紀左右喺地中海世界嘅某啲基督教團體中蓬勃發展。但係，由於諾斯底主義嘅信徒根本就唔認同福音派（即係正統基督教）個套講法，所以經常都有矛盾出現，例如早期教會嘅福音派教父都已經譴責呢啲思想喺異端。[3]為咗消滅曬呢班異端，教父都破壞咗好多諾斯底主義文本，搞到得少數諾斯底神學家嘅作品得以倖存。
但係，雖然呢班「異端」被教父逼害緊，但依然有班諾斯底主義者認為佢哋嘅信仰同基督教係一致嘅（例如瓦倫蒂努斯），原因都係因為佢地認為「大家都只係要透過耶穌基督回歸真神嘅懷抱，都係要認識神，親近神」。
而由於基督教諾斯底主義者受到福音派基督徒大規模嘅逼害，佢哋開始傳播到其他地方，例如古中國、古希臘等地。
例如，諾斯底思想變成咗古波斯帝國嘅摩尼教傳播到當時嘅中國，後來變成咗係古代僅有嘅兩種倖存嘅諾斯底宗教之一嘅萬代教，至今喺伊拉克、伊朗同散居社區都有出現。
而另外一邊，傳咗到古希臘嗰陣，諾斯底主義開始同希臘、羅馬嘅神秘學聯繫埋一齊，成為咗希臘術語 musterion 嘅代名詞。 對於有人猜測傳到去外邦嘅可能係福音派基督徒，實際上係冇可能嘅。 因為上邊提到嘅希臘術語 musterion呢隻形容詞喺新約聖經中冇被人用到，但亞歷山大嘅克萊門特[4]講到咗所謂「博學嘅」（gnostikos）基督徒[5] ，反映個時亞歷山大嘅克萊門特接觸嘅好可能係基督教諾斯底主義者。
有研究愛任紐嘅學者認為，將「gnostikos」係形容緊異端。 但有另一部分學者[6]認為愛任紐有時會使用 gnostikos 來簡單咁表示「知識分子」， 但「諾斯底主義」呢隻單字並冇出現喺古代嘅文獻入邊，反映都係唔可以直接反映佢話緊靈知派基督徒。
真正用到「諾斯底主義」呢個字，最早係 17 世紀嘅亨利·莫爾，係佢評論啟示錄七封信嘅時候作嘅一個字，但係其他人用呢個字通常係特別指推雅推喇嘅異端。[7]
現代嘅諾斯替主義
[編輯]幾個世紀以來，由於前邊提及嘅基督徒打壓，普遍人對關於諾斯替主義嘅大多數學術知識，僅來自於正統基督教人物嘅反異端著作，例如里昂嘅愛任紐同羅馬嘅希波呂托斯。
較大嘅改變發生喺1945 年發現埃及嘅拿戈瑪第經集（英文：Nag Hammadi library）。由於發現該第經集收藏咗罕見嘅早期基督教同諾斯底教文獻（包括多馬福音同約翰密傳），現代人對諾斯替教重新產生咗興趣，唔同嘅學者都開始對呢批文獻進行分析，比較有代表性嘅喺 Elaine Pagels 注意到來自希臘化猶太教、瑣羅亞斯德教同柏拉圖主義嘅資料對 拿戈瑪第經集 嘅影響。 而自 1990 年代以來，有關諾斯替主義嘅嘢，開始受到學者越來越多嘅思考。 佢哋開始討論應該點樣理解諾斯替主義，包括究竟諾斯底主義係咪應該被視為早期基督教嘅一種形式？定佢應該被視為係一種宗教界嘅自然現象？（例如人類好中意用自己理解到嘅方法去解釋一樣野）定或者佢係一種獨立嘅宗教？
諾斯底派嘅創世觀
[編輯]諾斯底宇宙起源學通常區分咗至高無上、隱藏嘅上帝同惡毒嘅次要神（有時同聖經舊約嘅耶和華有關）[8]，後者負責創造物質宇宙。
諾斯底派認為物質存在係有缺陷同邪惡嘅，並認為被拯救嘅主要因素喺對隱藏嘅神性嘅直接認識，需要通過神秘或者深奧嘅洞察力獲得。所以，好多諾斯替教嘅著作唔涉及罪同悔改嘅概念，而係涉及幻覺同啟蒙。 [9]
靈知
[編輯]靈知（英文：gnosis）係指基於人個人經驗或者感知嘅知識。
喺宗教背景底下，靈知係基於認識神，同神直接相處嘅一門神秘或深奧嘅知識。
喺大多數諾斯底派嘅體系中，救贖嘅充分原因係「認識」神性。
所謂認識神性係一種內在嘅「知道」，同 普羅提諾 所鼓勵嘅（新柏拉圖主義）相媲美，並且唔同原始正統基督教嘅觀點。 [10]諾斯底派係一班「信奉知識同個人理解，並以此為人生導向」嘅人，佢哋主要會用感知同學習嘅模式為佢地嘅生活模式。[11]
靈知派對正統基督教嘅批評
[編輯]佢哋認為所謂正統基督徒口中嘅「耶和華神」其實係邪惡嘅神（巨匠造物主），甚至懷疑基督教可能本來喺多神宗教，為此都引用咗一定嘅聖經原文去論證。
「耶和華神」其實係次等、邪惡嘅神
[編輯]佢哋會認為下邊呢番話（語體中文），反映嘅係創世神嘅自私，唔想比人同佢一樣長生，反映佢嘅心胸狹窄。
耶和華神說：「那人已經與我們相似，能知道善惡；現在恐怕他伸手又摘生命樹的果子吃，就永遠活着。」 耶和華神便打發他出伊甸園去，耕種他所自出之土。 於是把他趕出去了；又在伊甸園的東邊安設基路伯和四面轉動發火焰的劍，要把守生命樹的道路。[12]
喺「耶和華」變亂語言嘅動機入邊，佢地都認為係一個心胸狹窄嘅神來嘅。
那時，天下人的口音、言語都是一樣。 他們往東邊遷移的時候，在示拿地遇見一片平原，就住在那裏。 他們彼此商量說：「來吧！我們要做磚，把磚燒透了。」他們就拿磚當石頭，又拿石漆當灰泥。 他們說：「來吧！我們要建造一座城和一座塔，塔頂通天，為要傳揚我們的名，免得我們分散在全地上。」 耶和華降臨，要看看世人所建造的城和塔。 耶和華說：「看哪，他們成為一樣的人民，都是一樣的言語，如今既做起這事來，以後他們所要做的事就沒有不成就的了。 我們下去，在那裏變亂他們的口音，使他們的言語彼此不通。[13]
同樣噉，佢哋都會引用創世紀6章5-6節，反映創世神必然唔係全知，因為全知嘅神係唔會後悔嘅。
耶和華見人在地上罪惡很大，終日所思想的盡都是惡，耶和華就後悔造人在地上，心中憂傷。[14]
懷疑基督教可能本來喺多神宗教
[編輯]佢地認為，基督教嘅舊約有好多被扭曲過嘅痕跡，可能係後人為左迎合某種政治需要而成的；因此先前嘅舊約聖經如創世紀、出埃及記總係將差唔多嘅野重覆幾次。
呢啲扭曲包括，佢地認為同亞伯拉罕，係男神El嘅妻子Asherah，喺雙峰女神，即係生育之神；所以當初個應許之地迦南先被稱為「奶與蜜之地」。
靈知派人士都認為，帶領以色列人出埃及嘅，亦都係Asherah，論證如下：
摩西對神說：「我到以色列人那裏，對他們說：『你們祖宗的神打發我到你們這裏來。』他們若問我說：『他叫甚麼名字？』我要對他們說甚麼呢？」 神對摩西說：「我是自有永有的」；又說：「你要對以色列人這樣說：『那自有的打發我到你們這裏來。』」 [15]
普遍嘅諾斯底派人會認為，人地摩西問你叫咩名，換作係一個正常嘅人，都知道要答自己嘅名，而耶和華神係度答埋咩「我是自有永有的」（I am who I am）簡直係牛頭唔答馬嘴，根本唔合邏輯。但如果用翻希伯來文來諗，再解密翻，就可以發現其實個時神答緊嘅係Asherah，就顯得合理好多。
靈知派代表作
[編輯]賽特著作，著作包括有：
- 《約翰密傳》
- 《亞當啟示錄》
- 《掌權者的本質》
- 《雷：完美的思想》
- 《三形的普洛特諾尼亞》
- 《科普特語埃及人福音|埃及人福音》
- 《唆斯特利阿努》
- 《阿羅基耐》
- 《塞特三柱》
多馬著作係按聖多馬嘅學派所命名。就此學派嘅著作包括：
- 《珍珠之歌》
- 《多馬福音》
- 《爭戰者多馬書》
華倫提努著作係主教及諾斯底師傅華倫提努嘅著作，佢係賽特傳統外發展了一部複雜嘅宇宙觀。他的著作包括（有*者為代表唔完整）：
- 《The Divine Word Present in the Infant》(Fragment A) *
- 《On the Three Natures》(Fragment B) *
- 《Adam's Faculty of Speech》(Fragment C) *
- 《To Agathopous: Jesus' Digestive System》(Fragment D) *
- 《Annihilation of the Realm of Death》(Fragment F) *
- 《On Friends: The Source of Common Wisdom》(Fragment G) *
- 《Epistle on Attachments》(Fragment H) *
- 《Summer Harvest》*
- 《真理的福音》*
- 《托密勒的諾斯底神話》
- 《使徒保羅禱文》
- 《Ptolemy's Epistle to Flora》
- 《論復活》
- 《腓力福音》
巴西利得著作係以巴西利得來命名，只有從反對者嘅聲音中，如愛任紐嘅《反異端》及革力免嘅著作先可以得知其內容：
- 《The Octet of Subsistent Entities》(Fragment A)
- 《The Uniqueness of the World》(Fragment B)
- 《Election Naturally Entails Faith and Virtue》(Fragment C)
- 《The State of Virtue》(Fragment D)
- 《The Elect Transcend the World》(Fragment E)
- 《轉世》(Fragment F)
- 《Human Suffering and the Goodness of Providence》(Fragment G)
- 《Forgivable Sins》(Fragment H)
睇埋
[編輯]攷
[編輯]- ↑ Magris, Aldo. "Gnosticism: Gnosticism from its origins to the Middle Ages (further considerations)". Macmillan Encyclopedia of Religion. 2ed. ISBN 978-0028657332.
- ↑ Stephen Charles Haar Simon Magus: the first gnostic? p. 231
- ↑ The Social World of the First Christians. 1995.
- ↑ Ferguson (1974), pp. 117–9
- ↑ Morton Smith History of the term gnostikos 1973
- ↑ Rousseau and L. Doutreleau, translators of the French edition (1974)
- ↑ Pearson 2004, p. 210
- ↑ ""One God, One Bishop: The Politics of Monotheism"". The Gnostic Gospels. Vintage.: 28–47.
- ↑ "The Gnostic Gospels" (PDF).
{{cite web}}: CS1 maint: url-status (link) - ↑ Ehrman, Bart D. (2003), Lost Christianities, Oxford University Press
- ↑ Richard Valantasis (2006). The Beliefnet guide to Gnosticism and other vanished Christianities. Internet Archive. Three Leaves Press. ISBN 978-0-385-51455-2.
- ↑ 《和合本》 (神版)。創世紀 3:22-24。
- ↑ 《和合本》 (神版)。創世記 11:1-7。
- ↑ 《和合本》 (神版)。創世紀 6:5-6。
- ↑ 《和合本》 (神版)。出埃及記 3:13-14。