巨匠造物主
巨匠造物主，又有譯做德謬哥，係源於上古時代（公元五世紀前）嘅哲學同神學概念。喺最基本上，巨匠造物主係想像中一位受上帝所造、負責創造宇宙嘅神祇。包括柏拉圖在內嘅多位古希臘思想家，都有討論巨匠造物主相關嘅諗法[1]。
嗌法
[編輯]巨匠造物主喺各語言入邊嘅叫法如下：
- 粵港地區嘅中文：
- 巨匠造物主，讀音係粵拼：geoi6 zoeng6 zou6 mat6 zyu2
- 德謬哥，讀音係粵拼：dak1 mau6 go1
- 英文：Demiurge
- 希臘文：δημιουργός / Dēmiourgos
定義
[編輯]睇埋：上帝
唔同派別對巨匠造物主嘅睇法都有些少出入。响最基本上，巨匠造物主係上帝嘅「手下」：根據呢種見解，巨匠造物主受上帝創造，所以同人類一樣係受造物，屬上帝嘅奴僕；而巨匠造物主嘅職責就好似一位工匠噉，按上帝嘅意思郁手創造同維持宇宙。
靈知派有提到巨匠造物主：靈知派係响公元一世紀尾興起嘅一套宗教思想，及後衰落；喺思想上，佢哋建基於當時嘅猶太教同基督教主流信仰，但又同呢啲主流信仰明顯有別；唔少靈知派信徒主張[註 1]希伯來聖經或者舊約聖經裏面嗰個「上帝」查實係巨匠造物主，呢個巨匠造物主係邪惡嘅，而佢所創造嘅世界亦反映佢嘅性格－呢個世界同巨匠造物主一樣咁殘酷無情，成日都會出現大洪水殺晒所有人（挪亞方舟相關嘅故仔）噉嘅殘忍事；相比之下，新約聖經入面裏面嘅上帝－耶穌稱之為天父嗰位－明顯仁慈敦厚好多，而呢位天父至係真正嘅上帝[2]。
主流基督徒一般視呢種睇法為異端。主流基督徒會批評：如果創造世界嘅神係邪惡嘅，所以佢所做嘅世界就係邪惡嘅；噉創造「創造世界嘅神」嘅神都係邪惡嘅，噉樣根本就唔會有全善嘅神存在。
睇埋
[編輯]註釋
[編輯]- ↑ 不過靈知派又再細分做幾派，唔係派派都信呢套。
引咗
[編輯]- ↑ Demiurge. Encyclopedia Britannica.
- ↑ The Gnostic Demiurge.
拎
[編輯]- （英文） Demiurge. Encyclopedia Britannica.