韃靼利亞

1705年荷蘭外交官Nicolaes Witsen繪制嘅韃靼利亞地圖

1806年區分開獨立嘅韃靼利亞（黃色）同中國韃靼利亞 (紫色)嘅地圖。

韃靼利亞（拉丁文：Tartaria，粵拼：taat3 daat3 lei6 aa3 ）並唔係一個政權術語，佢係啲歐洲人由中世紀到20世紀初對中亞裏海同烏拉爾山，去到東北亞韃靼海峽，兼埋中國印度同伊朗北方邊界成笪地頭嘅通稱。呢個講法係13到19世紀間經常喺地名學方面用到，呢成長段時期啲歐洲地理學家都唔係幾熟呢帶啲情形，故而之就一路用佢當花名。喺歐洲啲信源度，韃靼利亞係成咗最通用嘅中亞代名詞，兼且係冇同當地現實政治或族群之間存在聯繫。 直到去19世紀歐洲度對於呢片區域嘅認知係再轉變，可以話去到極為稀疏同零散嘅程度。

仲特指蒙古帝國沒落後泛突厥人同蒙古人呢啲遊牧民散居嘅區域，嗰陣時語境度個講法係包埋咗中亞啲汗國、天山南北路、突厥各部、蒙古各部、滿洲等地頭。 「韃靼利亞」主要係啲歐洲探險家繪制地圖度用開嘅地理用詞。

啲歐洲文獻有時仲將「China」理解成漢人聚居嘅關內十八省，而將元、明、清境內北部嘅蒙古同滿洲列入「韃靼利亞」，即係兩者並列。譬如1857年法國傳教士古伯察出版嘅《Christianity in China, Tartary, and Tibet》就有話「喺印度，拜火嘅摩尼教徒俾埋啲印度教徒驅逐咗，至尾去到咗韃靼利亞、西藏同中國本土度，喺當地人當中苟延殘存。」

睇埋

• 東韃靼利亞
• 小韃靼利亞
• 中國韃靼