馬頭角

《北京條約》大清割九龍半島畀英國，中部「馬頭涌」一字，右方有突出地方，就係馬頭角，同牛頭角遙遙相對。查實馬頭涌係稍北嘅地方。

馬頭角（Ma Tau Kok）係香港一地，係一村，亦係一海角，喺九龍半島東邊，九龍城以南，土瓜灣之北。西便係靠背壟，東面對住九龍灣。海角原本分開土瓜灣同馬頭涌。而角之形，早已湮沒喺填地之中，村亦不復在。

按原海角山仔來睇，馬頭角約莫係馬頭角道、土瓜灣道、上鄉道、馬頭涌道一帶嘅地方。由於市區發展，屋宇同周圍絕無疆界，有時會其他地名混雜。如北面近宋皇臺嘅馬頭涌，南面嘅土瓜灣。北面更出名嘅九龍城。

馬頭角內有牛棚藝術村，近新碼頭路嘅九龍城碼頭、巴士總站，以及馬頭角公眾碼頭。

名

馬頭角之嘅馬頭，有傳舊時九龍寨城有碼頭出海，用以接送大清官員。寨城之南，馬頭圍、馬頭涌、馬頭角，皆以馬頭爲名。

地理

市區移山填海，原地貌亦不復見。

原本馬頭角係海邊一角，向東伸入九龍灣中，指向牛頭角。馬頭角本身稍高，有二百零三呎。海角突出，分開兩灣仔。北面一灣，係由兩涌水積沙而成灘。一名馬頭涌，由馬頭圍後山，涌水經聖山稍南嘅馬頭涌村，注入九龍灣。另一涌由靠背壟出，經馬頭角村出灣。而南面一灣，就係土瓜灣。灣對出，角之南，有海心島。而馬頭角以東，亦見九龍石。

史

牛棚藝術村，原爲屠房

馬頭角未成市區之前，佢南北兩灣，都係耕田同水上人聚居處。馬頭角北便，靠背壟涌口，有馬頭角村。而南便有土瓜灣村。

英國人一八四一年得香港島後，需要大量石材。土瓜灣西面石山，成爲石塘，客家人來此開石，土瓜灣人丁興盛。英國人一八六零年得九龍半島，亦漸次開拓半島西岸，開山填海。土瓜灣一邊開先，馬頭角村一邊，亦開始填海。起咗馬頭角屠房同皮革廠，兩者夾住條村。與此同時北面南咗今日嘅馬頭角路，而南面開咗土瓜灣道。屠房係劏牛嘅，原本喺紅磡，由於起九廣鐵路，一九零八年搬來馬頭角。皮革廠得牛皮之便，亦在此開業。

舊樓重建

二零零八年，市區重建局宣布重建馬頭角展首批兩項目，分別係浙江街/下鄉道同北帝街/木廠街項目。項目喺街角地盤，毗連新山道及炮仗街，總地盤面積約一千一百七十平方米。地盤內樓宇，建於一九五七年，普遍殘舊，樓高六層無電梯。

二零零九年五月廿九號，局又宣布重建馬頭角新山道/炮仗街，按法定程序規劃，改善約莫一百卅四戶住屋。是項係局區內第三項目。。