犀鳥

出自維基百科,自由嘅百科全書
跳去: 定向搵嘢
en:Wikipedia:How to read a taxoboxHow to read a taxobox
犀鳥科
雙角犀鳥(Buceros bicornis)
雙角犀鳥Buceros bicornis
物種分類
界 (Regnum): 動物界 Animalia
門 (Phylum): 脊索動物門 Chordata
綱 (Classis): 鳥綱 Aves
目 (ordo): 佛法僧目 Coraciiformes
科 (familia): 犀鳥科 Bucerotidae
Rafinesque, 1815

犀鳥Bucerotidae)係一種既珍貴外型又靚嘅大雀,嘴嘅長度佔咗身長嘅 1/3 到一半,響犀鳥嘅頭上生有一個銅盔狀嘅突起,叫做盔突,形狀就好似犀牛角咁,因而得名犀鳥。分類上同戴勝啄木鳥有親緣關係。

分佈[編輯]

一般分布於非洲撒哈拉沙漠以南)經東南亞去到菲律賓索羅門群島。全世界有 57 種,當非洲有 9 種。中國的犀鳥有 4 種,大多集中生活響雲南西南部如勐臘縣金平縣,以及廣西南部,分別係白喉犀鳥棕頸犀鳥冠斑犀鳥雙角犀鳥,4 種均為中國國家二級受保護動物

生活習性[編輯]

佢哋身型雖然大份,但可以棲息在密林深處的參天巨樹(例如熱帶雨林茂密嘅樹上面)。拍翼聲好大,而且仲會不斷發出喇叭咁嘅共鳴聲。

犀鳥係實行一夫一妻制,響繁殖季節多成對活動,而在非繁殖季節則大群活動。每年夏天,成對嘅犀鳥,會選擇高大樹幹裏面嘅窿築巢產卵。產完卵之後佢哋就用雀屎室住洞口,只留低一個可以畀雀伸嘴尖入去嘅細窿,保護雀之餘,雀可以安心孵化犀鳥仔。而犀鳥公就負責為老婆同鳥仔不斷咁提供充足嘅食物,保證雌鳥得到足夠嘅營養,同滿足犀鳥仔生長發育嘅需要。

食啲乜[編輯]

犀鳥係雜食性動物,一啲體型較細隻嘅非洲犀鳥會以昆蟲為食,而亞洲犀鳥就以果實(特別係無花果為主)。當啲樹木結果嗰時,佢哋就會聯群結隊,同其他馬騮松鼠呢啲動物一齊響樹頂上面食餐飽。

此外,犀鳥亦會捕獵各類小動物為副食,同時亦會食細小雀鳥嘅幼鳥同鳥蛋。例如飛行能力較弱金絲雀蝙蝠,都可以喺飛行時被犀鳥捕食。犀鳥嘅食物仲包括一啲響樹上活動嘅蜥蜴青蛙老鼠同大型昆蟲。有啲品種犀鳥會突然飛落森林地下,捕捉蝸牛無脊椎動物

響食嘢時,犀鳥會將食物含響咀邊,然後拋高送入張開嘅喉嚨,把食物成個吞落肚。

繁殖動向[編輯]

幾千年前嘅香港,曾經係熱帶雨林,可能亦係犀鳥嘅分佈地。

現時響香港公園九龍公園海洋公園香港動植物公園都有養犀鳥。前兩者養嘅係馬來犀鳥,後者養嘅係紅喙犀鳥香港動植物公園另外亦養咗黃盔犀鳥

睇埋[編輯]