香港動植物公園

出自維基百科,自由嘅百科全書
跳去: 定向搵嘢

香港動植物公園(英文:Hong Kong Zoological and Botanical Gardens),減筆爲動植物公園,人稱兵頭花園,舊書亦寫公家花園(英文Public Gardens),係香港最耐歷史嘅公園。公園響香港島中環雅賓利道,俾羅便臣道己連拿利上亞厘畢道花園道等幾條街圍住。公園佔地5.6公頃。公園大門口響雅賓利道。以前係由市政局管轄,後改由康樂及文化事務署管理。

公園喺正香港禮賓府側。

歷史[編輯]

公園東北,近上亞厘畢道入口,有支1928年起嘅紀念碑

1841到1842年之間,兵頭花園係香港總督官邸。去到1848年香港政府已經有起植物公園嘅計劃,之不過,因為冇錢而押後,最後要 1853年先開始起[1]。1864年8月6號,個公園第一期開放畀公眾用。由於公園以北係上亞厘畢道,係港督府嘅所在地,而香港總督名義係三軍統帥,所以就叫佢做兵頭。因為咁,人人都叫呢個公園做兵頭花園。1871年,公園全面開放,改咗個名做香港植物公園

顧名思義,當時香港植物公園內以植物為主。但由1876年起,公園開始養埋雀鳥哺乳動物,畀遊客觀賞。

當時公園佈局,可分爲下中上三層,斜喺山上。中層有大噴水池,當時叫水景,公園屢次重建,但必定原地再建水景。喺十九世紀時,好多西人細路、僕婢喺度玩。黃昏有西樂演奏。而中層尚有養雀巢同果園。1876年,香港總督堅尼地卸任。喺上層1877年,公園立咗前港督堅尼地嘅銅像,由香港總督德輔親自點題。立像紀念堅尼地促成公園全面開放,同埋佢響香港嘅貢獻。喺1890年,公園職員人工支出,係銀八千零七十五員六毫九仙[1]

公園響1931年到1933年暫停開放,以便響公園底起水庫。

香港日治時期,公園俾日軍改名做大正公園,重起埋香港神社。公園裏面堅尼地銅像都運咗去日本熔咗。戰後1958年,就改咗放英王佐治六世嘅銅像。後尾公園擴建,留畀哺乳動物同爬蟲類居住。為咗反映公園裏面多咗好多動物,喺1975年就改名做香港動植物公園

過去亦有一啲世界知名人士以野生動物基金會嘅名義前往公園參觀,例如愛丁堡公爵(1983年)同英國安妮公主(1988年)。

開放時間[編輯]

開放時間
  • 噴泉平臺花園:每日上晝6點到下晝10點
  • 植物溫室:每日上晝9點到下晝4點半
  • 其他部分:每日上晝6點到下晝7點

地理環境[編輯]

設施[編輯]

喺公園嘅英王佐治六世銅像
  • 公園東部(舊公園):已故英王佐治六世全身銅像、兒童遊樂場、鳥舍、植物溫室、噴泉平臺花園
  • 養動物嘅歷史可追溯至1876年,飼養品種同模式仿傚自英國澤西動物園(Jersey Zoo)。當中包括雀鳥靈長目爬蟲類等。
教育及展覽中心(2008年12月影)
展覽中心入面嘅主角,係美洲豹小花,佢以前嚮動植物公園住咗19年
  • 公園南部設有「藥用植物園」。
  • 2008年12月,全新嘅「教育及展覽中心」開幕,位置喺新公園舊美洲豹籠嗰度。

附近觀光熱點[編輯]

[編輯]

[編輯]

出面網頁[編輯]