香港公園

公園金鐘入口

由香港公園仰望中環區大廈

公園裏面嘅表演者

開放時間

奧林匹克廣場

香港公園（Hong Kong Park）係香港香港島一個大型公園，響中環尾金鐘山邊。呢個公園用咗三億九千萬蚊起，佔地8公頃。

[編輯] 歷史

香港公園位於前域多利兵房上半部。1979年，香港政府決定將域多利兵房嘅下半部，留畀商業用，其他部份就用來做公園。當年英皇御准香港賽馬會有份捐錢起一部分。公園最後喺1991年5月由港督衛奕信爵士主持揭幕儀式。

公園地勢相當斜，而起嗰陣，原有嘅樹大部分都保留。

有5個入口，連接法院道，紅棉路山頂纜車總站，堅尼地道。法院道有扶手電梯連接太古廣場同港鐵金鐘站。

公園文化設施有視覺藝術中心同茶具文物館，重有好多康體設施，好似香港壁球中心、室內運動場同太極園。公園裏面有好多動植物畀人睇，有尤德觀鳥園、溫室等。其他地方重有花園廣場、奧林匹克廣場、兒童遊樂場同食堂。

公園近紅綿路重有紅棉路婚姻登記處，係結婚熱門地點。