長頸鹿

出自維基百科,自由嘅百科全書
跳去: 定向搵嘢
en:Wikipedia:How to read a taxoboxHow to read a taxobox
長頸鹿
Giraffe-closeup-head.jpg
物種分類
界 (Regnum): 動物界
門 (Phylum): 脊索動物門
綱 (Classis): 哺乳綱
目 (ordo): 偶蹄目
科 (familia): 長頸鹿科
屬 (genus): Giraffa
種 (species): G. camelopardalis
二元學名
Giraffa camelopardalis
Linnaeus1758年
長頸鹿分佈圖
長頸鹿分佈圖

長頸鹿係一種生活喺非洲反芻偶蹄動物,亦係現時世上最高嘅陸上動物。公可以去到4.8到5.5米高,重達900公斤。乸身形一般細啲。

長頸鹿係非洲特有嘅動物,同鹿等有親緣關係,但係唔同科,即長頸鹿科。長頸鹿科包括長頸鹿同霍加狓兩種動物。

長頸鹿學名為camelopardalis,源於早期羅馬帝國時期啲人同佢起嘅名,意思係駱駝嘅混合體,因為佢嘅外形類似呢兩種動物嘅混合體。

中國明朝鄭和嘅船隊航行到東非,就曾經帶兩隻長頸鹿返到北京,俾當時嘅人認為係麒麟明成祖以此祥瑞之兆嚟表明自己施政嘅偉大。時至今日,日文韓文仍然叫長頸鹿做麒麟

中國典籍關於長頸鹿嘅記載,最早出自晉代李石所寫嘅《續博物志》,記錄咗非洲索馬里沿岸撥拔力古國出產嘅異獸,身高一丈餘頸長九尺。宋代趙汝適寫嘅《諸番志》中就話非洲長頸鹿係徂蠟:「狀如駝馳,而大如牛,色黃,前腳高五尺,後低三尺,頭高向上」。

分類[編輯]

長頸鹿根據顏色、花紋變化同分布範圍等嘅差別可分為9個亞種

  • 網紋長頸鹿,或者稱為索馬里長頸鹿(G.c. reticulata);大而呈多邊形嘅褐色斑點,有明亮嘅白色網紋。斑點有時呈深紅色,有時擴散到腳部。分布肯雅東北部、埃塞俄比亞索馬里
  • 安哥拉長頸鹿(G.c. angolensis);斑點大,邊緣有缺口,延伸至整個下肢。分布安哥拉贊比亞
  • 蘇丹長頸鹿(G.c. antiquorum);斑點紋小,較不規則,覆蓋腿內側。分布蘇丹西部同西南部。
  • 馬賽長頸鹿,或者稱為乞利馬扎羅長頸鹿(G.c. tippelskirchi);斑點似葡萄葉,邊緣呈鋸齒狀。底色為深朱古力色。分布肯雅中部同南部、坦桑尼亞
長頸鹿分布圖
  • 努比亞長頸鹿(G.c. camelopardalis);斑點呈四方形,栗色;底色為白色。腿內側同上肢以下無斑點。分布蘇丹東部、剛果東北部。
  • 羅氏長頸鹿,或烏干達長頸鹿(G.c. rothschildi);斑點深褐色呈長方形,網紋模糊。下肢有時帶斑點。分布烏干達、肯雅北部同中部。
  • Thornicroft 長頸鹿(G.c. thornicrofti);星狀斑點,延伸至下肢。分布贊比亞。
  • 西非長頸鹿,或尼日利亞長頸鹿(G.c. peralta);淺黃色斑點。分布乍得
清代陳璋根據明代沈度原作瑞應麒麟圖臨摹而成嘅《榜葛剌進麒麟圖》。原作描繪鄭和喺公元1414年永樂十二年)由非洲帶來嘅長頸鹿

有啲資料將蘇丹長頸鹿、西非長頸鹿、努比亞長頸鹿、羅氏長頸鹿同安哥拉長頸鹿、南非長頸鹿列入一個亞種。

另有四種長頸鹿亞種存在爭議。即開普長頸鹿,拉多長頸鹿,剛果長頸鹿同埋Transvaal長頸鹿。更有科學家認為除咗馬賽長頸鹿以外,其他亞種可以併為一個亞種。

長頸鹿體長12-15英尺,高15-17英尺。公重1700-4200磅。乸矮過公1-2英尺,輕幾百磅。公乸均長角。乸隻角細啲。網紋長頸鹿比其他亞種稍為細。體色隨亞種同埋年齡有深淺變化。

特點[編輯]

長頸鹿最令人熟悉嘅特點就係長頸。頸長令佢哋食到樹上嘅葉。四肢亦相當長。長頸鹿頸嘅骨結構基本上同其他偶蹄動物差唔多。長頸鹿有七個變長嘅頸部脊椎(數目同馬同埋人相同)。角係骨質,俾皮膚噙實。

長頸鹿嘅循環系統與眾不同。10公斤重嘅可以產生比其他動物多兩倍嘅血壓,保證個頭有血到。頸上面一個複雜嘅組織結構可以避免長頸鹿低頭喝水嗰時個腦血壓過高造成腦出血。下肢嘅血管承受好高嘅血壓,換轉係其他動物可能會造成毛細血管爆裂,而長頸鹿嘅下肢俾又厚又實嘅皮包實,避咗呢尾嘢。

長頸鹿有長睫毛,眼呈深啡色,係所有陸上動物中最大嘅。視力敏銳,再加上身高嘅優勢,能夠睇到一公里遠嘅嘢。長頸鹿冇淚腺,佢用脷去清潔眼球表面。德國法蘭克福動物園嘅研究人員發現長頸鹿得有限嘅色覺,分到一啲色。

長頸鹿有32隻牙,齒式為I 0/3, C 0/1, P 3/3, M 3/3;同一樣冇上門齒,口腔內因冇犬齒,令門齒與前臼齒間有空位,叫做齒虛位(diastema),可用嚟儲埋植物咁嘅嘢。

繁殖[編輯]

長頸鹿公會通過品嘗乸嘅尿嚟判斷乸嘅發情狀態。呢種行為係一個被稱為Flehman反應嘅過程。長頸鹿嘅懷孕期為14-15個月,每次產一胎。乸係企喺度生仔;羊膜破裂,幼鹿落地而生。幼鹿約1.8米高。出世幾個鐘頭後幼鹿就可以奔跑,同其他出咗世幾個禮拜嘅鹿仔冇分別。然而出世之後頭兩個禮拜幼鹿多數時候會伏響地上靜卧,由阿媽保護。雖然成年長頸鹿由於個頭碩大唔怕敵害嘅侵襲,但幼鹿就可能俾獅子鬣狗攻擊。長頸鹿嘅花紋被認為係有偽裝功能。只有大概25-50%嘅幼鹿可以活到成年。野外嘅長頸鹿,壽命有20-25年,喺動物園裏面養就可以活到28年。

香港,以前荔園動物園未結業以前,養左兩隻長頸鹿,結業之後(1993年7月31日),嗰兩隻長頸鹿就送咗畀深圳動物園養。

習性[編輯]

長頸鹿飲水姿勢

喺野外,長頸鹿係食樹葉,尤其係含羞草屬嘅樹葉;但其實佢完全能夠以食用其他種類嘅樹枝為生。一頭長頸鹿每日可以食63公斤樹枝同嫩枝。

長頸鹿行路姿態悠閑。行路嗰時一側嘅前後肢向前挪動而另一側嘅前後肢着地。呢個係大型四足動物常用嘅運動方式,比如大都係用呢種方式行。但係長頸鹿遇到敵害攻擊能夠以60公里時速進行短距離奔跑,奔跑姿勢好笨拙,前後肢交替着地。長頸鹿心臟太細,令佢做唔到長距離奔跑。

當受到威脅時,長頸鹿嘅的防禦方法係用蹄猛踢敵害,踢一下足以將獅子嘅頭骨踢碎或者肋骨粉碎。

長頸鹿每天的瞓覺時間是所有哺乳動物中最短嘅。一般認為只有20分鐘到兩小時之間。佢可以擘大眼瞓覺。

長頸鹿用長達40厘米嘅脷來清理面部嘅蟲仔。長頸鹿條脷唔怕荊棘,可以自如咁進食多刺嘅葉。南非長頸鹿偏好金合歡屬(Acacia)嘅植物,尤其係Acacia erioloba呢種植物,條脷甚至能夠抵禦這種植物帶有嘅毒刺。

一般人誤以為長頸鹿係啞嘅。但有研究表明長頸鹿之間用(人耳聽唔到嘅)次聲波來進行非常複雜嘅交流。

起源[編輯]

霍加狓

根據化石記錄,長頸鹿最早由中新世初期由鹿科動物分化而來。最早嘅長頸鹿科化石係ClimacocerasCanthumeryx。後來演化出古麟(Paleotragus),一種中新世早期生有短角、短頸嘅長頸鹿祖先。到中新世晚期古麟進化為薩摩獸(Samotherium)。喺上新世,薩摩獸分化為兩支,一支係霍加狓,另一支係最早嘅現代長頸鹿。霍加狓係長頸鹿科僅存嘅兩種動物之一,相貌基本上反映中新世長頸鹿類動物個樣。

長頸鹿類動物進化上重有一支,稱為西洼獸,係一種生有四隻角、體態粗壯嘅動物。而家已絕種。喺蘇美爾(Summarian)文化遺址亦發現咗一啲動物嘅青銅像,酷似西洼獸。說明西洼獸好可能喺中東一直殘存至幾千年前。

長頸鹿嘅地史譜系如下:

  • 全新世
      • Giraffa camelopardalis
      • Okapia johnstoni
  • 更新世
      • Giraffa camelopardalis
      • Giraffa jumae
      • Giraffa gracilis
      • Giraffa sivalensis
      • Okapia stillei
      • Sivatherium giganteum
      • Sivatherium maurusium
  • 上新世
      • Giraffa attica
      • Giraffa punjabiensis
      • Giraffa priscilla
      • Samotherium boissieri
      • Samotherium sp.
  • 中新世
    • 晚中新世
      • Amotherium africanum
      • Samotherium sp.
      • Palaeotragus germaini
      • Palaeotragus primaevus
    • 中中新世
      • Palaeotragus primaevus
    • 早中新世
      • Prolibytherium magnieri
  • 漸新世
      • Eumeryx sp.

進化[編輯]

長頸鹿條頸同腿按比例都比其他有蹄動物長。目前重未確定到係長頸鹿條頸同腿點解咁長,但可以通過觀察現存長頸鹿嘅行為嚟推測點解佢哋會生咁長條頸。

長頸的確可以畀長頸鹿食到樹冠上嘅葉。然而長頸鹿乸矮過公,往往食低處嘅樹葉,所以好難講長頸僅僅只係為咗食果方面的原因。此外,長頸會令長頸鹿飲水造成相當嘅困難。長頸鹿佔據嘅生態位只有非洲象一個競爭物種,所以並無選擇壓力嚟迫使長頸鹿喺咁長時間保持長頸嘅狀態。一個可能嘅解釋係長頸鹿喺進化初期非洲存在其他體形高大嘅有蹄動物競爭者,而呢啲有蹄動物現在已經滅絕。長頸鹿條頸就係同呢啲大型有蹄動物競爭中變長嘅。今日嘅長頸係遠古競爭嘅遺留。

長頸鹿嘅前肢亦都好長。呢啲長腿可以令長頸鹿快速奔跑,並用來禦敵。重未清楚嘅係,係唔係長腿同長腳並用喺抵禦獅子嘅襲擊方面有優勢。

最後啲人觀察到,長頸鹿公係用長頸嚟戰鬥。長頸鹿有顯著嘅兩性異形特徵。乸條頸比公更加短。乸條頸一到咗十歲就唔再生長,而公條頸就可以維持生長達二十年以上。公之間用頸搏鬥,搏鬥結果可以係致命嘅,但好少會到呢個地步。頸越長,頭越重,搏鬥嘅時候力量亦都越強。搏鬥能力越強嘅長頸鹿公越容易獲得同長頸鹿乸交配嘅機會。從性選擇嘅角度睇長頸鹿條頸亦係公同乸競爭嘅結果。

參考[編輯]

睇埋[編輯]