香港日治時期

出自維基百科,自由嘅百科全書
跳去: 定向搵嘢
1945年8月29號香港重光後,中華民國國旗同埋英國國旗中環皇后像廣場飄揚。

香港日治時期係指第二次世界大戰嗰時日軍香港嘅時期,經過香港攻防戰,由1941年12月25號香港總督楊慕琦投降起,到1945年8月15號日本戰敗投降為止。香港人俗稱呢段時期「三年零八個月」。

香港響英國殖民地統治下嘅發展因為日軍佔領而斷咗。日軍響1941年12月8號偷襲珍珠港嗰日,由酒井隆指揮由深圳打落嚟香港。負責守住香港嘅包括駐港英軍、由加拿大印度支援香港嘅軍隊同埋香港義勇軍。雖然港府多番宣傳英軍作戰能力,但係英國響歐洲戰場都自己顧唔掂自己,駐港軍隊始終響好不利嘅防守位置。經過多番激戰,英軍最後冇埋最後一個水塘,唯有投降。1941年12月25號,港督楊慕琦代表英國殖民地官員,向當時總部響九龍半島酒店3樓嘅日軍投降。

日軍響佔領香港後即刻成立軍政廳,由酒井隆做最高長官,直到磯谷廉介嚟到做頭一位管香港嘅日本籍總督。酒井隆管香港嗰陣,日軍響香港殺人唔眨眼;又響香港搞「皇民教育」,除咗唔畀用英文同埋迫人用日文外,香港嘅街道地區名稱亦都畀佢哋改做日文。香港市民響經濟民生等方面都受到摧殘。因為香港畀日軍佔領後唔夠食,日軍迫人返鄉下。唔少人行路時餓死病死。就算留響度嘅市民,普遍都對日軍反感,更加不時有平民響香港島山頭偷襲日軍將領。到咗日軍佔領嘅中期,有香港居民參與東江縱隊抗日武裝組織,響新界等地方對抗日軍。

最後響1945年8月15號,昭和天皇宣佈日本無條件投降,第二次世界大戰完咗,英國就攞番香港嘅主權。1945年9月,英國皇家海軍少將夏愨軍政府總督身份統治香港。

連出去[編輯]