薯片

出自維基百科,自由嘅百科全書
跳去: 定向搵嘢
薯片
薯片

薯片美式英文Potato chip英式英文Potato crisp),係指由薯仔製成嘅零食。製作方法係把薯仔切成薄片,然後到脆口並加以調味就得。除咗最簡單攞來調味之外,市面上買到唔同口味嘅薯片,亦會用味精同唔同香料調味。

原味[編輯]

1853年8月24號,佐治靲(George Crum)喺美國紐約州一流嘅度假勝地 Saratoga Springs 做廚師。嗰度嘅月光湖旅館餐廳(Moon Lake Lodge)提供法國薯條,而佐治就按照標準嘅法國尺寸製作薯條。呢種食品喺17世紀風靡法國,嗰時湯瑪斯傑佛遜係美國駐法大使,佢好鍾意食薯條。於是乎就將製作方法帶到美國,並喺蒙蒂些露(Monticello)將炸薯條當作一道晚宴菜肴招待客人。

喺月光湖旅館,一個人客(有啲文獻稱係百萬富翁范德比爾特)認為廚師佐治做嘅炸薯片太厚,佢唔鍾意,唔肯畀錢。於是佐治再做咗啲薄一啲嘅,佢一樣唔滿意。激到嬲嘅佐治就決定教訓呢位客人,佢將薯條非常薄,炸到非常脆,用都拮唔起。噉做達唔到佢嘅預期目的,嗰位人客反而好鍾意呢種淺黃色、似紙咁薄嘅薯片。其他人客亦要求佐治幫佢哋做呢種薯片。從此之後,菜單上出現咗薩拉托加薯片,並成為特色食品。

無幾耐,呢種薯片就包裝出售,啱啱開始嘅時候只係喺當地發售,即刻就風靡整個新英格蘭地區。終於佐治開咗佢自己嘅餐廳,餐廳嘅最大特色就係薯片。嗰時馬鈴薯要手人批皮同切片。喺1920年代薯仔批皮機嘅發明令到薯片從小規模製作變成銷售量最大嘅零食。

薯片批皮機嘅發明,令薯片加快流行。一個南方嘅旅行推銷員靴曼利(Herman Lay)幫助推廣呢種嘢食。佢帶住皮喼喺美國南部嘅雜貨店賣呢種機器,之後佢更開咗公司,令佢個名幾乎成為薯片嘅同義詞。利氏薯片係第一個成功市場化嘅美國品牌。由1960年代開始,薯片開始於全世界流行起來。

喺密封包裝發明之前,薯片係存喺大桶或罐頭度,喺底部嘅薯片成日會唔新鮮或受潮。之後Laura Scudder發明咗將兩張蠟紙燙埋一齊嘅袋,從此創造咗密封包裝並且保存薯片嘅新鮮度到開封嘅時候。時至今日,薯片係以乾燥空氣充入膠袋後密封包裝,防止壓碎。

調味薯片[編輯]

過去嘅史密斯薯片廣告

薯片一直無加入調味料,咁減少咗佢嘅魅力,直到一間叫Tayto嘅愛爾蘭薯片公司嘅擁有者,喺1950年代發明咗加入調味料嘅方法。雖然佢只有一間小公司(呢間公司嘅組成幾乎係佢製作薯片嘅家人),但係呢個老闆一直證明佢自己係個創新嘅人。試完又試(trial and error)之後,佢製造咗世界上第一批加咗調味料嘅薯片,芝士洋蔥(Cheese and Onion)同(Salt and Vinegar)。

首先賣出用食鹽調味嘅薯片,不過鹽係包喺另一個封好嘅包裝再放進薯片袋度,有需要嘅時候先加入。佢嘅發明一夜間成為食品工業嘅大事,重有一啲規模大嘅美國薯片公司老闆來到小小嘅 Tayto 公司,要睇下呢項產品並且商談用呢項新科技嘅版權。最後Tayto公司被賣出,咁令改變薯片製造方法嘅公司老闆同呢個小家庭非常有錢。全球嘅公司都想要買 Tayto 公司呢項技巧嘅版權。

Tayto 公司嘅發明改變咗成個薯片嘅發展。嗰時之後薯片製造商喺薯片度加入天然或人工調味料,都有唔同程度嘅成功,受到唔同程度嘅歡迎。連發明人George Crum都感到好意外嘅係:一個本來只有好細嘅市場份額嘅產品,而家擁有咗好多唔同嘅口味同好大嘅市場。最受歡迎嘅薯片包括酸奶油洋蔥(sour cream and onion)、燒烤乳酪口味嘅薯條。喺其他嘅一啲地方重有好多其他口味嘅薯片。好似係愛爾蘭最大嘅薯片製造商Tayto 公司生產嘅傳統口味嘅「食鹽(salt and vinegar)」薯片。

一啲薯片製造商,好似利事(Lay's),針對唔同地區嘅喜好出產唔同嘅口味。喺北美洲特別值得注意嘅係,喺部分加拿大地區有好多種口味可以選擇,包括酸瓜(dill pickle),番茄醬,甚至係布甸口味。呢啲特別嘅口味偶爾會喺美國限時發行。

除咗以上之外,重有牛扒海苔芝士椒鹽海鮮麻辣等口味。不過好多時候,佢哋都係以食品添加劑去調配出類似嘅味道,甚至係用阿斯巴甜糖精

睇埋[編輯]