陳家祠站
| 陳家祠 Chen Clan Academy | |
| |
| 陳家祠站（1號綫）嘅站名 | |
| 概覽 | |
|---|---|
| 冧巴 | 107 812 |
| 位置 | 荔灣區中山七路同埋康王北路、康王中路嘅十字路口之間 |
| 座標 | 23°7′31.8″N 113°14′47.7″E / 23.125500°N 113.246583°E |
| 車站色 | 1： + 花崗岩 8： 玻璃牆 |
| 經過路線 | 1 8 |
| 啟站 | 1號綫：1999年6月28號 8號綫：2020年11月26號 |
| 月台數 | 2 |
| 站口數 | 7 |
| 營運資訊 | |
| 車站服務時間 | 06:07～23:53 |
| 列車服務時間 | 06:12～23:48 |
| 廣州地鐵1號綫 西塱 ◄長壽路 （1.1km） （940m）西門口► 廣州東站 | |
| 廣州地鐵8號綫 滘心 ◄彩虹橋 （980m）華林寺► 萬勝圍 | |
陳家祠站（祠字讀「詞」，粵拼：can4 gaa1 ci4 zaam6；英文：Chen Clan Academy Station）係廣州地鐵1號綫同8號綫嘅轉車站，喺荔灣區中山七路同康王北路、康王中路嘅十字路口之間偏西嘅地底。不過兩個站廳同月台嘅開放時間都唔同：其中1號綫喺1999年6月28號開放，而8號綫喺2020年11月26號開放。
呢個站東北邊冇幾遠有個地下商場，成日見到有好多遊客上落（因為附近有間陳家祠）。
結構[編輯]
樓層[編輯]
呢個站一共有3層樓嘅地下區域，其中地下1樓係站廳，有票務設施，客務中心同商鋪；地下2樓係1號綫嘅月台；地下3樓係8號綫嘅月台。雖然車站冇休息室，但係有廁所同母嬰室，兩個都喺8號綫站廳西邊嘅D、E出入口通道之間嘅位置。
打掂[編輯]
| 地下 一樓 |
站廳 | 站廳、售票機、客服中心、警務室、安檢設施 |
| 地下 二樓 |
2月台 | ←1號綫列車去長壽路站（行西塱嗰邊） |
| 1月台 | 1號綫列車去西門口站（行廣州東站嗰邊）→ | |
| 地下 三樓 |
3月台 | ←8號綫列車去彩虹橋站（行滘心嗰邊） |
| 4月台 | 8號綫列車去華林寺站（行萬勝圍嗰邊）→ | |
打橫[編輯]
 |
 |
 |
 |
 |
 |
站廳[編輯]
陳家祠站嘅站廳收費區喺車站北邊，南邊係過街通道。收費區有好多部扶手電梯同樓梯往返月台。雖然喺8號綫站廳同月台範圍之間都有專用𨋢往返，但係1號綫站廳東邊嘅專用𨋢未劃入收費區，所以乘客有需要時可以嗌工作人員幫手用。
月台[編輯]
呢個站有2個島式月台，其中1號綫喺中山七路嘅地底；而8號綫喺康王北路地底，前康王商業城廢棄咗嘅地下火車存車綫位置。
商鋪同自助服務[編輯]
而家嘅陳家祠站入面有好多唔同類嘅鋪頭畀乘客買嘢同埋食嘢，好似有便利檔、麵包檔同涼茶舖、洗衫舖等。
另外，陳家祠站入面重有好多自助服務設施畀乘客用，包括咗羊城通充值機、自動販賣機、自動影相機等；重有可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引同畀乘客登記做廣州地鐵薈嘅會員嚟查獎分、換獎品嘅服務。
|
|
出入口[編輯]
| 陳家祠站冚唪唥嘅出入口 | ||||||||||||
|---|---|---|---|---|---|---|---|---|---|---|---|---|
|
呢個站一共有7個出入口，分別係A、B、C、D、E、F，G。不過D同E兩個出入口嘅位置非常之近，淨得50m到。而C、G兩個出入口分別喺康王商業城1號同3號出入口隔籬。安檢方面，除咗往返A、D之間，及B、C之間啲出入口係唔使入站安檢之外，其它嗰拃出入口單純當過街通過嘅話，都必須要入站安檢（即使係入站到免費區範圍內搵廁所都要噉做）。
| 冧巴 | 標記 | 方位 | 去到邊度 |
|---|---|---|---|
| 1號綫站廳 | |||
出入口A   |
中山七路 | 西南 | 中山七路、土興巷、陳家祠（東行）巴士站 |
| 出入口B |
中山七路 | 東南 | 康王中路、城光薈、和業廣場、廣州市荔灣公證處、新光城市廣場新光百貨、康王中路巴士站 |
| 出入口C |
中山七路 | 東北 | 中山七路、康王北路、陳家祠綠化廣場、新光城市廣場新光百貨、廣州市人民來訪接待廳、康王•柏德來商城紅樹灣傢俱、華爾街英語新光百貨中心、韋博國際英語陳家祠中心、陳家祠巴士總站、康王北路巴士站 |
出入口D   |
荔灣路 | 西北偏西 | 荔灣路、陳家祠正門、廣州醫學院荔灣分院、陳家祠（西行）巴士站 |
| 8號綫站廳 | |||
| 出入口E |
中山七路 | 西北偏西 | 廣東民間工藝博物館（陳家祠） |
出入口F  |
康王北路 | 西北偏北 | 廣州市人民來訪接待廳、廣州市第四中學、康王北路巴士站 |
| 出入口G | 康王北路 | 西北 | 康王商業城 |
| 註： 有盲人引導徑 | 有斜道 | 有輪椅升降臺 | 有扶梯 | 有𨋢
| |||
頭尾班車信息同配線圖[編輯]
| 配線圖 | |||||
|---|---|---|---|---|---|
|
█ 1號綫 | |||||
|
|||||
|
|||||
|
|||||
|
|||||
|
|||||
|
▼長壽路站 | |||||
.svg){kind=small}
.svg){kind=small}
| 配線圖 | |||||
|---|---|---|---|---|---|
|
█ 8號綫 | |||||
|
|||||
|
|||||
|
|||||
|
|||||
|
|||||
|
▼華林寺站 | |||||
| 行去邊頭 | 頭班車 | 尾班車 | |||||
|---|---|---|---|---|---|---|---|
| 每日 | |||||||
| 1號綫 | |||||||
| 西塱站 | 06:19 | 23:48 | |||||
| 廣州東站 | 06:12 | 23:06 | |||||
| 8號綫 | |||||||
| 滘心站 | 06:06 | 23:32 | |||||
| 萬勝圍站 | 06:23 | 23:23 | |||||
| 注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。 | |||||||
高峰客流控制[編輯]
呢個站嘅高峰客流控制時間係：星期一至星期五（工作日）8:00~8:45
車站歷史[編輯]
規劃[編輯]
1號綫[編輯]
其實呢個站喺1988年嘅地下鐵道路網規劃嘅初步方案入面就冇呢個站嘅。嗰時凈係得個嗌「中山八路站」嘅站，就喺中山八路嘅荔灣路口西邊。不過後嚟徵求咗市民意見之後就搞咗個「十字線網」規劃，而嗰時嘅1號綫黃沙以北到中山路以南嘅路線向東移咗過去而家呢度，重改咗名嗌「中山七路站」，不過最後因為附近有間陳家祠響度而改咗名嗌「陳家祠站」。
8號綫[編輯]
喺1997年嗰份《廣州市城市快速軌道交通線網規劃研究（最終報告）》話佢係1號綫同嗰時嘅4號綫嘅轉車車站，但無耐取消咗。2009年份規劃改成8號綫北延段嘅車站，但嗰時8號綫最北邊總站去到而家嘅文化公園站。2011年底改咗規劃向北延長到白雲區石井北邊嘅白雲湖，途中經過呢個站，重喺2012年俾國家發改委通過咗。
施工[編輯]
1號綫[編輯]
1993年12月28號，1號綫全路線段開始逳手起。期間重試過拆咗附近一大堆建築同民宅，將居民安置到同德圍或棠溪一帶居住，連電車同巴士改道到東風路一帶行，期間重造成主幹道大塞車而引起一系列社會問題。工程直到1999年春起好嗮。
8號綫[編輯]
.jpg)
原先呢個站設計喺1號綫南邊嘅廣州捲煙二廠嚿地皮入面[1]。但由於廣州市規劃局同卷煙二廠溝通過之後，重係冇共識[2]，令車站向北搬到陳家祠東廣場近康王商業城3號出入口附近[3]，原先計劃喺東廣場入面搞鋪軌基地又話唔起得。
2014年10月15號，廣州地鐵公司話起8號綫北延段車站而將2009年起好咗無耐嘅陳家祠廣場拆咗一半，俾好多街坊猛咁鬧。嗰時8號綫嘅北延段凈係去到而家嘅文化公園站而未向北繼續延長落去。而所謂嘅8號綫北延段嘅工程喺2012年嗰陣先至俾國家發改委話通過咗，而荔灣區政府因為冇考慮到呢方面而拆呢個廣場[4]，隨後喺2014年11月14號正式開始施工，工程直到2018年6月底先至搞掂主體部份[5]。從2019年1月15號開始，1號綫站廳北邊部份牆面開始搞圍蔽而搞接入轉車大廳的施工直到2020年11月19號先至解除圍蔽。而8號綫範圍嘅三權直到2020年9月30號先至轉手畀地鐵[6]。
開通[編輯]
1999年6月28號隨住1號綫全線通車而正式開放。期間一直係1號綫嘅中途站，而8號綫喺2020年11月26號開通之後先至變成轉車站[7]。
加裝月台幕門[編輯]
地鐵公司為咗慳能源同防止乘客墮軌，由2005年開始喺行緊嘅成條1號綫入面加裝月台幕門、半高式安全門。月台幕門喺2007年啟用。
出入口[編輯]
呢個站由開通到2020年11月26號中午為止，淨係開咗A、C、D呢3個出入口，而附近嘅康王商業城都係喺地鐵站開通咗無耐之後先開埋，自從2020年11月26號開通8號綫北延段後，呢個站又多咗E、F、G三個出入口。而東南邊嘅B出入口從地鐵開通爲止，因地鐵總公司同埋廣州市規劃局未同廣州捲煙二廠傾掂條數而冇搞到。直到2020年3月27號，荔灣區人民政府同捲煙二廠所屬嘅廣東中煙工業簽約搞合作公司嚟激活捲煙二廠地皮搞產業園[8][9]，而B出入口會以地皮開發嘅形式重新用返[10]。
2021年1月16號，原先喺捲煙二廠東北角嘅涼亭附近棟牆亦正式開始拆走[11]。施工隊喺2021年放完農曆新年假期後正式開搞B出入口，同年4月16號揭蓋[11]；扶梯喺同年5月14號起好[11]，而出面嘅地面地磚裝飾同埋條柱桿標識分別喺同年6月12號、7月11號搞出[11]。原先地底嘅出入口標識喺同年7月27號搞出[11]。不過裝飾方面重係繼續用返1999年嘅馬賽克拼貼裝飾，而出面嘅地面出入口裝飾用咗18號綫嘅風格。直到2021年9月18號，街坊等到頸都長埋嘅B出入口終於都開通[12]。
𨋢[編輯]
站內[編輯]
呢個站開通之後一直到2017年10月8號晚黑收車為止，由於專用𨋢喺免費區入面，啲傷殘人士好多時要將車飛畀黃衫黑褲啲工作人員睇先至畀用。不過喺2017年10月9號嗰日，地鐵方開始圍蔽咗唯一嘅專用𨋢位，令傷殘人士用專用𨋢出入站好唔方便。後嚟經地鐵方得知，原嚟呢個站嘅專用𨋢已經用咗超過廿年，部份元件出現損壞情況，要圍蔽施工2個月嚟換𨋢先至得，工程直到同年12月8號先至搞掂。
站外[編輯]
呢個站從1999年6月28號開通1號綫之後一直都冇專用𨋢，本嚟地鐵方諗住喺A出入口搞𨋢方便畀乘客出入，但因地鐵總公司同埋廣州市規劃局未同廣州捲煙二廠傾掂條數而冇搞到。結果呢個站一直冇站外嘅𨋢，直到2020年11月26號中午，因8號綫北延段開通，呢個站終於出現專用𨋢，喺F出入口附近。而A出入口嘅𨋢一直到而家都重未開。
利用狀況[編輯]
呢個站每次喺旅遊旺季嗰陣，都幾繁忙下。因為附近有間陳家祠嘅建築響度。重有喺呢個站冇幾遠就有廣州市第四中學同埋廣州市達德綜合高級中學響度，喺呢兩間學校讀書嘅學生仔成日嚟呢個站坐車嘅。附近重有間康王商業城同埋家樂福康王店呢兩間嘢就喺車站嘅附近。所以人流都幾多下。
附近嘅建築同景區[編輯]
博物館[編輯]
廣場同商場[編輯]
學校[編輯]
醫院[編輯]
- 廣州醫學院荔灣醫院
- 荔灣區口腔醫院
政府部門[編輯]
- 荔灣區人民政府
- 廣東省林業服務中心
工廠[編輯]
體育館[編輯]
- 荔灣體育場
- 荔灣區青少年業餘體校游泳館
文化裝飾[編輯]
攷[編輯]
- ↑ 〈广州市轨道交通八号线北延段工程（文化公园-白云湖）【施工2标】〉. 原著喺2019年1月22號歸檔. 喺2017年11月5號搵到.
- ↑ 〈市规划局组织专题会研究解决水西停车场、陈家祠站规划问题〉. 原著喺2019年1月22號歸檔. 喺2017年11月5號搵到.
- ↑ 〈陈家祠广场围蔽施工〉. 广州日报. 2014-09-04. 原著喺2014-09-04歸檔. 喺2014-09-06搵到.
- ↑ 〈8亿改造陈家祠广场 建好4年又要拆一半〉. 南方都市報. 2014-10-16.
{{cite news}}: CS1 maint: url-status (link) - ↑ 〈八号线北延段陈家祠站封顶〉. 原先內容歸檔喺2018-07-12. 喺2018-07-12搵到.
- ↑ 双节长假好消息，这11座车站开始运营调试.广州地铁微信公众号.2020-10-03.[2020-10-04]
- ↑ 广州地铁微信公众号. 〈今天14：00，同德突"围"而出！〉. 《微信公众平台》. 喺2020-11-26搵到.
- ↑ 〈陈家祠旁原广州卷烟二厂将迎"旧改"，重点发展高科技产业_腾讯新闻〉. new.qq.com.
- ↑ 〈原广州卷烟二厂改造计划敲定！将打造国家级创新示范基地_〉. news.timedg.com. 原先內容歸檔喺2020-04-02. 喺2020-08-18搵到.
- ↑ 〈尘封21年!陈家祠站B出口将重见天日!或随卷烟二厂旧改一同改造!〉. gz.news.fang.com (中國中文). 原著喺2021年2月14號歸檔. 喺2020年11月30號搵到.
- ↑ 11.0 11.1 11.2 11.3 11.4 〈【1号线】 回顾陈家祠B口建设历程〉. 原著喺2021年9月19號歸檔. 喺2021年9月19號搵到.
- ↑ 〈地铁陈家祠站B出口今日开通将有7个出入口供市民进出〉. 中华网. 2021-09-18. 原著喺2021-09-19歸檔.
上一站·下一站[編輯]
| 上一站⇚⇚ 廣州地鐵 ⇛⇛下一站 | ||
| 長壽路站 西塱站← |
陳家祠站 1號綫 |
西門口站 →廣州東站 |
| 彩虹橋站 滘心站← |
陳家祠站 8號綫 |
華林寺站 →萬勝圍站 |
| |||||