7月8號

7月8號係公曆年嘅第189日（閏年第190日），離年尾重有176日。

呢幾年嘅今日

大件事 [編輯]

1967年：香港沙頭角邊境發生槍戰，幾百個中國邊防部隊人員帶住武器，由中國大陸越過邊界，襲擊沙頭角警崗同埋駐守鄉聯會嘅警察，有三個華裔同埋兩個巴基斯坦裔警員喪生，另外12人重傷。呢宗槍戰持續幾個鐘頭，直至唉晚黃昏，駐港英軍出動啹喀兵，趕到邊境佈防，邊界一帶先至恢復平靜，中方邊防部隊退入華界。
1987年：香港島太古城中心第二期商場爆發生炸彈爆炸，14人受傷，呢次係當年本港喺幾個月之內，第三宗炸彈爆炸。炸彈放置喺櫈下面嘅，當日下晝一點幾發生，當時附近有好多人，場面非常混亂。第二日警方再喺太古城商場一個洗手間發現一枚爆過嘅炸彈。事後一個自稱「香港恐怖主義者組織」寫信畀報館，承認炸彈係佢哋放嘅。
1994年：美式足球運動員辛普森俾美國法院起訴，控以謀殺罪名。