不能說的秘密
| 不能說的·秘密 Secret | |
|---|---|
 | |
| 資料明細 | |
| 導演 | 周杰倫 |
| 監製 | 黃志明 江志強 |
| 編劇 | 周杰倫 杜緻朗 |
| 主演 | 周杰倫 桂綸鎂 黃秋生 曾愷玹 |
| 配樂作曲 | 周杰倫 托德薩克·加潘 |
| 攝影 | 李屏賓 |
| 剪輯 | 張嘉輝 |
| 製片商 | 縱橫影視股份有限公司[1] 黑白鍵製作有限公司 |
| 片長 | 101分鐘 |
| 產地 |  臺灣 香港 |
| 話 | 國語、英語 |
| 上畫同發行 | |
| 上畫日期 |  2007年7月27號 🇲🇾 2007年7月31號 2007年8月2號 🇬🇧🇹🇭🇻🇳 2007年9月17號🇰🇷 2008年1月10號  2008年8月23號 2008年10月17號 |
| 發行商 | 博偉電影股份有限公司 索尼影業 安樂影片 |
| 預算 | NT$6,500萬新台幣[2] |
| 票房 | US$896.8萬 |
《不能說的秘密》（英文：Secret）係由周杰倫執導嘅2007年台灣電影[3]，呢齣戲係由周杰倫自編自導自演嘅第一套戲[4]，除咗周杰倫本人之外，其他主演包括桂綸鎂同黃秋生，仲喺台灣新北市淡水區嘅淡江中學同真理大學做外景拍攝，而淡江中學亦都係周杰倫嘅母校。成套戲嘅拍攝成本大約係新臺幣NT$6,500萬[2]，入面超過七成由安樂影片公司去俾，餘額由周杰倫自己承擔，周杰倫到而家為止仲未攞到導演、演出同相關嘅音樂創作費，所以周杰倫就掌握咗呢套戲近半嘅版權。
呢套戲嘅同名主題曲由周杰倫作曲、方文山作詞，由周杰倫自己唱返。
角色
[編輯]| 演員 | 角色 | 粵語配音 | 備註 |
|---|---|---|---|
| 周杰倫 | 葉湘倫 | 黃榮璋 | 男主角，一直同老豆相依為命，因為老豆嘅關係轉校去到淡江學院嘅音樂系，1999年識得路小雨仲同佢拍拖，喺同年畢業。最後透過時空旅程返到去1979年，同路小雨相戀仲停留喺當時嚟生活。 |
| 桂綸鎂 | 路小雨 | 何璐怡 | 女主角，1979年淡江學院音樂系嘅畢業生，同阿媽相依為命，因為時空旅程而遇到1999年嘅葉湘倫仲同佢拍拖。原本佢喺1979年畢業當日因為傷心過度而引致氣喘發作喺課室度死咗，後嚟因為葉湘倫穿越時空返到去1979年改變咗歷史而同葉湘倫一齊順利畢業。 |
| 黃秋生 | 葉老師 | 梁志達 | 葉湘倫嘅老豆，1979年嗰時曾經係路小雨嘅老師，路小雨向佢透露咗穿梭時空嘅事之後，因為擔心佢而將呢單嘢話俾路媽媽同班長知，點知反而搞到件事越嚟越禍。1999年嗰陣仲係學校嘅老師。 |
| 曾愷玹 | 晴依 | 高可慧 | 電影開場嗰陣帶住葉湘倫參觀學校嘅女同學，佢之後一直暗戀住葉湘倫。 |
| 蘇明明 | 路媽媽 | 陸惠玲 | 1999年同葉湘倫見過幾次面，佢一直都以為自己個女所講穿越時空嘅故仔係因為佢精神病嗰種幻覺。 |
| 楊瑞代 | 同學 | 葉湘倫嘅同學，坐喺晴依前面。 * 現實中佢係南拳媽媽嘅前成員，兼周杰倫嘅錄音師。 | |
| 黃俊郎 | 阿郎 | 劉奕希 | 葉湘倫同阿寶嘅老友，出名係品行唔好嘅學生，係風靡校園嘅學校橄欖球隊隊長，鍾意懶型咁樣。 * 現實中佢係個填詞人，曾經幫周杰倫幾首歌填詞。 |
| 宋健彰 | 阿寶 | 張預東 | 葉湘倫同阿郎嘅老友，出名係品行唔好嘅學生，學校橄欖球隊隊員，曾經組band仲舉辦咗一場舞會。 * 現實中是係南拳媽媽嘅成員「彈頭」。 |
| 杜國璋 | 大勇 | 馮錦堂 | 淡江學院嘅學校清潔工，同路小雨幾friend。1979年嘅佢仲係正常嘅，路小雨俾班上面嘅同學恰，大勇見到就聲援小雨，但係就被集體圍毆搞到後嚟行動功能失調。佢係唯一識得仲相信路小雨嘅人。 * 現實中係周杰倫嘅「御用」化妝師。 |
| 詹宇豪 | 雨豪 | 周良鴻 | 音樂系嘅同學，綽號係「鋼琴王子」，佢係琴藝高強嘅學生，曾經同葉湘倫鬥琴。 * 現實中佢係南拳媽媽嘅前成員，周杰倫嘅中學師弟兼好友。 |
| 黃心昱 | 雪糕 | 關令翹 | 雨豪嘅老友，喺葉湘倫同雨豪嘅鬥琴比賽入面做司儀。 * 現實中係周杰倫嘅舞蹈教練。 |
| 鍾瑤 | 小花 | 曾佩儀 | 路小雨嗰班嘅女班長，佢將路小雨嘅狀況傳出去仲夾埋啲同學恰佢。 |
| 吳清俊 | 音樂老師 | 陳廷軒 | 電影裡面批評葉湘倫上堂唔專心嘅老師。 |
| 林邁可 | 英文老師 | 喺5個月後嘅上堂場景入面要求湘倫同晴依出嚟示範嘅老師。 | |
| 周耀中 | 生物老師 | 朱子聰 | 生物科老師，喺電影入面著住件藍色衫同戴著直間偵探帽嘅老師（出現喺5個月後嘅上堂場景）。 * 現實中係周杰倫嘅老豆。 |
| 張訓瑋 | 數學老師 | 潘文柏 | * 現實中係呢齣戲嘅副導演，同埋製作英文字幕。 |
| 張傑 | CD舖職員 | 麥皓豐 | 電影裡面嘅CD舖員工。 * 現實中係南拳媽媽嘅前成員。 |
| Michael Boyen （米高·拜恩） |
校長 | 電影裡面淡江學院嘅校長。 | |
| 宮桂菊 | 賣菜大嬸 | 林丹鳳 | 電影開始同後期喺舖頭準備要買嘅菜俾湘倫。 |
| 黃幹東 | 教練 | 林保全 | 電影裡面淡江學院嘅橄欖球隊教練。 |
劇情
[編輯]劇情講述出身喺單親家庭嘅高中生葉湘倫一直同佢老豆相依為命，由於湘倫熱愛音樂，而且佢對鋼琴演奏有高超嘅技巧，而湘倫阿爸教書嘅淡江中學對於培育有音樂才華嘅學生（特別喺彈琴方面）好出名，於是佢就轉去淡江學院讀書，成為主修鋼琴嘅音樂班學生。
葉湘倫喺轉校第一日由女同學晴依帶住佢參觀學校。佢哋分開咗之後，湘倫行吓行吓就去到琴樓，佢聽到一首極之優美好聽嘅神秘旋律《Secret》，然後佢就遇到同樣主修音樂而且又鬼咁鍾意彈琴嘅同學路小雨。湘倫後嚟喺上堂嗰陣時發現小雨竟然係自己嘅同班同學，佢喺落堂嗰陣問小雨頭先喺度彈嘅嗰首歌，小雨細細聲咁話呢個係唔講得嘅秘密。小雨走開咗之後，湘倫問佢叫咩名，不過小雨已經竄走咗，行喺小雨前面嘅晴依以為湘倫係問緊佢，行喺湘倫後面嘅老師鬧佢上堂唔專心（偷睇小雨），認為佢喺度溝女（晴依）而對佢訓話咗一餐。放學嗰陣，小雨喺學校門口外面遇著落雨，湘倫送佢返屋企，佢哋兩個嘅情感就係咁樣萌芽...
有一日，湘倫喺琴樓練習嗰陣，阿郎同阿寶為咗逃避教練嘅責罰而衝咗入去琴房仲匿咗入去櫃裡面，佢哋三個因為咁而互相識咗。另一日，小雨同湘倫喺學校走廊傾閒計仲享受住陽光嘅溫暖，佢哋兩個睇見葉老師正喺度處分犯咗錯嘅阿郎同阿寶，令到小雨覺得驚訝...有一日，小雨
有一日嘅英文堂上面，老師邀請晴依同湘倫做示範，晴依喺落堂之後問湘倫可唔可以送佢返屋企，但係湘倫遲疑嘅態度令到晴依話佢自己只係講笑。喺後面聽到晒所有嘢嘅小雨就有啲呷醋... 佢哋兩個落堂之後去到一間唱片舖，湘倫將佢自己鍾意嘅歌俾小雨聽吓，呢個令到小雨覺得好開心，佢突然錫咗湘倫一啖就衝出舖頭跑返屋企... 佢哋兩個行上小雨屋企嘅天台，小雨覺得氣喘到要用藥先至平復到。小雨講笑話自己同唔到其他人錫錫，但係又單住隻眼睇吓湘倫有咩反應... 湘倫後嚟將喺鬥琴比賽度贏返嚟嘅《天鵝》樂譜送俾小雨，已經搵咗呢份樂譜好耐嘅小雨覺得好開心，佢哋兩個更輕輕咁錫咗。
喺學校嘅畢業舞會上，喺台上面負責鋼琴部分嘅湘倫受到小雨嘅邀請而去到台下跳舞... 舞會過後，小雨同湘倫去到有兩部鋼琴嘅房，小雨教湘倫彈奏《Secret》，而晴依喺同一時間喺琴樓彈奏緊其他歌；
晴依有一日喺某琴房入面彈緊琴，而學校的清潔工大勇則聽得好陶醉咁樣。湘倫喺上堂嗰陣時將便條傳俾小雨，不過晴依就誤會湘倫想約會自己。落堂之後，湘倫喺琴房陶醉咁瞇埋眼彈鋼琴，晴依入到去嗰陣，湘倫示意錫佢，之後先至發現意外咁錫咗晴依。大勇喺呢個時候大叫小雨個名，湘倫追出去但係見唔到佢去咗邊。小雨喺嗰次之後無再返學校上堂。好掛住小雨但係又一頭霧水嘅湘倫決心要搵呢個唔講得嘅秘密出嚟，佢之後去到小雨屋企搵佢，路媽媽話小雨唔舒服瞓咗，亦都退咗學嘞，勸湘倫唔好再去搵佢。時間過咗五個月之後，湘倫如常咁樣過生活。
到咗畢業典禮當日，湘倫去到台上表演之前，晴依將佢嘅手繩借咗俾佢嚟幫佢帶嚟好運。虛弱嘅小雨突然之間喺表演中途出現仲喺途中走咗去，湘倫亦都跟住追咗出去... 當佢返到去禮堂嗰陣時，表演已經結束嘞。湘倫後嚟喺學校周圍搵小雨嘅蹤影嗰陣，阿郎同阿寶就喺課室裡面做賊仔，當湘倫問到佢哋有無發現成日同佢一齊嗰個女仔嘅蹤影嗰陣，佢哋兩個異口同聲咁話佢從來都係自己一個，舞會嗰陣係咁，其他嘅時候都係咁，呢個令到湘倫諗返起呢一切所發生嘅事... 忽然，伏喺課室書枱上面嘅湘倫發現枱上面出現咗一啲由小雨由用塗改液寫嘅字，而湘倫嘅塗改液因為有問題而寫唔到，佢喺情急之下只係可以用點嘅方式嚟畫低心形圖案嚟表達，不過佢無得到回覆。
湘倫去到小雨屋企，佢入到去小雨間房，路媽媽喺小雨嘅素描入面發現畫裡面嘅人極似湘倫，湘倫更加發現佢老豆竟然係小雨喺1979年畢業班嘅老師...
當小雨喺琴房門口出面睇見晴依錫咗湘倫之後，佢返到去
湘倫趕到去小雨屋企嗰陣時發現佢間房係吉嘅，路媽媽終於認出湘倫就係廿年前阿女畫嘅嗰個男仔，而湘倫亦都終於知道小雨時空旅程嘅真相。知道咗呢一切嘅湘倫決意要心返到廿年前同小雨重逢... 不過要記住嘅係，琴樓係喺1999年畢業禮當晚被拆毀嘅。知道咗呢一切嘅湘倫，佢意識到小雨教自己嘅《Secret》，佢話時空旅程嘅時間係取決於彈奏者嘅演奏速度。湘倫闖入去就嚟被拆毀嘅琴樓... 與此同時，葉爸爸檢視小雨俾佢保管嘅琴譜，竟發現到小雨所俾秘密訊息嘅人竟然就係...
湘倫喺呢個時候已經闖咗入去就嚟被拆毀嘅琴樓，拆卸工程跟住就要開始。當佢開始憑住自己嘅記憶去彈《Secret》嗰陣時，佢記起小雨曾經講過：「我返去都彈得咁快啊」。就喺琴樓被完全摧毀之前，湘倫成功返到去1979年；就係時空旅程之中時間嘅回流係取決於彈奏者嘅速度，湘倫似乎返到去比小雨發現到《Secret》琴譜更加早嘅時間，佢終於見到小雨，小雨喺見到湘倫亦都同佢微笑。由於湘倫彈奏《Secret》嘅速度能夠返到去比小雨發現《Secret》琴譜更早嘅1979年，所以好可能比小雨彈得仲快，佢因為咁就成為咗學校裡面最好嘅鋼琴手之一。
電影入面嘅最後一幕就係1979年嘅淡江中學畢業相，當時葉湘倫同路小雨都喺度。喺琴樓同古老鋼琴被摧毀嗰一剎那，湘倫同小雨就永遠停留喺過去嘅時空，呢個就可以解釋到點解葉湘倫能夠出現喺1979年嘅畢業相上面。佢哋倆個就從此停留喺過去嘅時空，喺過去繼續正常咁生活。
製作
[編輯]呢套戲係講述一個好美好嘅愛情故事，但係周杰倫唔認呢個故仔係改編自佢嘅個人經歷[5]。周杰倫喺電影首映嗰時坦白咁講，雖然佢自己嘅故事並唔係咁浪漫，但佢係用自己嘅童年經歷嚟寫呢個故事嘅情節。
呢套戲喺2007年1月開始去拍，去到3月完成[6]。就算以前有拍MV嘅經驗，但係周杰倫承認由於故事情節嘅複雜性同時間上嘅限制，令到拍攝更加有挑戰性[7]。周杰倫亦都好擔心，如果佢真係由自己執導電影，電影會受到啲人嘅質疑。套戲喺開拍前亦都被好多業內嘅人唔睇好。最後呢套戲嘅票房橫掃兩岸，甚至喺之後傳遍咗全亞洲，甚至搏到荷李活嘅人嘅肯定。周杰倫喺2011年宣布佢拍續集電影嘅計劃，仲諗住邀請劉德華喺入面演出[8]，不過佢最後暫時擱置咗呢項計劃，佢喺2013年推出咗自己嘅第二部自導自演嘅歌舞片《天台》。
引用個人經歷
[編輯]周杰倫加入去套戲嘅元素包括咗佢對自己高中母校同埋佢最鍾意嘅作曲家嘅致敬。
- 蕭邦
- 喺呢套戲開始嗰陣簡要咁喺背景播住蕭邦嘅圓舞曲《第64章第一A大調》；
- 喺呢套戲開始嗰陣，有一幕喺課堂上關於蕭邦嘅教學，老師形容為佢係一位天才音樂家同埋作曲人；
- 喺鬥琴嘅場景裡面出現咗《升C小調圓舞曲》同埋《黑鍵練習曲》。要注意嘅係，戲裡面《黑鍵練習曲》嘅旋律係包括入門黑鍵序列，同埋一個即興被調高半度嘅練習曲介紹主題，仲彈奏咗幾乎完全白鍵嘅部分；
- 琴房入面有兩幅油畫，據講係蕭邦同佢心愛嘅人 — 法國女作家喬治·桑。湘倫同小雨喺套戲裡面有一段關於蕭邦同佢情人嘅對話，湘倫慨歎兩個人最後分道揚鑣，不過小雨似乎幾羨慕呢對戀人可以喺埋一齊10年咁耐，對呢對情侶嚟講，呢個可能係一段好長嘅時間[11]。
- 就喺小雨談到蕭邦同喬治·桑之間嘅關係嗰陣時，湘倫彈緊《蕭邦夜曲第21章C小調》嘅節錄。
發行
[編輯]呢套戲喺2007年分別喺台灣、中國、馬來西亞、新加坡、香港、加拿大、英國、泰國、越南上映，而2008就分別喺韓國、日本同美國上映。
票房
[編輯]台灣嘅票房收入大概$2,700萬新台幣[12]。韓國票房上映同名嘅《
迴響
[編輯]- 2015年，呢套戲喺韓國票選做最想喺戲院重溫電影嘅第一名，仲喺嗰個國家重新上映[14]。
- 2016年，美國百老匯同中國百老匯聯合製作，將套戲改編做全新同名嘅舞台音樂劇。
翻拍
[編輯]日本版
[編輯]日本上映同名嘅《
韓國版
[編輯]韓國上映同名嘅《
相關作品
[編輯]電影原聲帶
[編輯]| 發行日期 | 發行商 | 專輯類型 | 曲目 |
|---|---|---|---|
| 2007年8月13號 | 杰威爾音樂 （由台灣索尼音樂娛樂發行唱片） |
專輯 | 不能說的·秘密電影原聲帶 曲目
|
電影改編小說
[編輯]- 書籍名稱：《不能說的秘密 (電影改編小說)》
- 作者：周杰倫、橘子
- 出版社：華人版圖
- 出版日期：2007年9月21號
- 語言：繁體中文
- ISBN：9789868219472
電影創作琴譜
[編輯]- 書籍名稱：《不能說的·秘密》電影創作琴譜[18]
- 作者：周杰倫
- 出版社：華人版圖
- 出版日期：2007年9月21號
- 語言：繁體中文
- ISBN：9789868219465
獎項
[編輯]| 年份 | 頒獎典禮 | 獎項 | 得獎者 | 結果 |
|---|---|---|---|---|
| 2007 | 第44屆金馬獎[19] | 最佳女配角 | 曾愷玹 | 提名 |
| 最佳視覺效果 | 黃宏達、黃宏顯、鄭耀明、賴俊羽 | 獲獎 | ||
| 最佳原創電影配樂 | 周杰倫、Terdsak Janpan | 提名 | ||
| 最佳原創電影歌曲 | 《不能說的‧秘密》 曲：周杰倫／詞：方文山／唱：周杰倫 收錄於《不能說的秘密原聲大碟》 |
獲獎 | ||
| 年度台灣傑出電影 | 《不能說的秘密》 | 獲獎 | ||
| 年度傑出台灣電影製片人 | 周杰倫 | 提名 | ||
| 2008 | 第27屆香港電影金像獎[20] | 最佳亞洲電影 | 《不能說的秘密》 | 提名 |
| 第19屆金曲獎 | 最佳專輯製作人獎（演奏類） | 周杰倫 不能說的·秘密 杰威爾音樂有限公司 |
獲獎 | |
| 最佳作曲人獎（演奏類） | 周杰倫、Terdsak Janpan 琴房（不能說的·秘密） 杰威爾音樂有限公司 |
獲獎 | ||
| 最佳專輯獎（演奏類） | 不能說的·秘密 杰威爾音樂有限公司 |
提名 |
參考
[編輯]- ↑ 〈不能說的秘密 - 臺灣電影網 Taiwan Cinema〉. 原著喺2016-03-04歸檔. 喺2013-04-25搵到.
{{cite web}}: Unknown parameter|dead-url=ignored (|url-status=suggested) (help) - ↑ 2.0 2.1 〈《不能说的秘密》公映 解密周杰伦的秘密(图)〉. 《新浪》. 2007-07-30. 原著喺2019-09-13歸檔.
- ↑ 〈不能說的秘密(Secret) - Yahoo!奇摩電影〉. Yahoo!奇摩電影. 原著喺2013-10-20歸檔. 喺2011-03-22搵到.
周杰倫首部自導自演的大銀幕作品，故事也是來自周杰倫本身創意，而籌劃拍攝的過程更是引發媒體及觀眾高度的好奇與期待……
- ↑ 劉希彤 (2019-12-21). 〈【不能說的秘密】桂綸鎂爆當年周杰倫親自來電︰上來我家聽故事〉. 《香港01》. 喺2023-12-27搵到.，香港01 2019年12月22日。
- ↑ "Jay Chow Takes Directorial Debut to Shanghai Festival" (英文). 中國國際廣播電台. 2007-06-22. 原著喺2019-05-13歸檔. 喺2007-07-01搵到.
- ↑ "Jay Chou the Director" (英文). 中國國際廣播電台. 2006-12-24. 原著喺2019-05-11歸檔. 喺2007-07-01搵到.
- ↑ 〈周杰伦首次执导 《不能说的秘密》回母校取景〉. 新浪. 2007-02-23. 原著喺2007-12-08歸檔. 喺2007-07-01搵到.
{{cite news}}: Unknown parameter|dead-url=ignored (|url-status=suggested) (help) - ↑ 〈周杰伦筹拍《不能说的秘密2》 找刘德华PK魔术〉. 騰訊QQ. 2009-02-01. 原著喺2016-11-30歸檔. 喺2010-09-29搵到.
- ↑ 〈周董導戲親情加持！外婆喜發開工紅包 周媽美食探班險軋一角〉. 2007-08-03. 原著喺2007-09-27歸檔. 喺2014-05-14搵到.
{{cite web}}: Unknown parameter|dead-url=ignored (|url-status=suggested) (help) - ↑ 〈周杰倫 藝人簡介〉. 原著喺2007-09-27歸檔. 喺2014-05-14搵到.
{{cite web}}: Unknown parameter|dead-url=ignored (|url-status=suggested) (help) - ↑ "Chopin - biography". 原著喺2009-04-23歸檔. 喺2014-05-14搵到.
{{cite web}}: Unknown parameter|dead-url=ignored (|url-status=suggested) (help) - ↑ 周杰倫二度監製吐悶氣 《叱咤》2天超越《天台》首週票房 互聯網檔案館嘅歸檔，歸檔日期2021年3月2號，. 2021/01/18 三立
- ↑ 韓版《不能說的秘密》即將翻拍 EXO成員D.O.都敬秀確定擔綱男主角！ 互聯網檔案館嘅歸檔，歸檔日期2021年2月25號，. 2021-02-15 噓！星聞
- ↑ 〈不能說的·秘密3度攻韓〉. 中國報. 2018-07-12. 原著喺2020-11-16歸檔. 喺2018-12-23搵到.
- ↑ 蘇國豪 (2017-11-24). 〈韓版《不能說的秘密》朴寶劍演出機會大 周杰倫都想演：我還年輕〉. 香港01.
- ↑ 유병철. 〈도경수, 영화 '말할 수 없는 비밀' 출연 확정〉. wowtv.co.kr (韓文). 喺2023-12-27搵到.
- ↑ SixTONES京本大我が「言えない秘密」で映画単独初主演、ヒロインは古川琴音. Eiga Natalie (日文). 2023-07-07. 原著喺2023-07-12歸檔. 喺2023-07-07搵到.
{{cite web}}: Unknown parameter|dead-url=ignored (|url-status=suggested) (help) - ↑ 周杰倫 (2007-09-21). 《不能說的秘密電影創作琴譜》. 華人版圖. ISBN 9789868219465. 原著喺2011-09-20歸檔. 喺2011-03-22搵到.
隱藏在琴鍵與指尖的愛戀秘密 穿梭在古典與流行的浪漫音符
{{cite book}}: Unknown parameter|dead-url=ignored (|url-status=suggested) (help) - ↑ （中文） Golden Horse Awards official homepage 44th Golden Horse Awards winners and nominees list 互聯網檔案館嘅歸檔，歸檔日期2011年9月28號，. Retrieved 2011-06-15
- ↑ （中文） Hong Kong Film Awards official homepage 27th Hong Kong Film Awards winners and nominees list 互聯網檔案館嘅歸檔，歸檔日期2017年9月15號，. Retrieved 2011-06-15