中華民國政區

  呢篇文章講嘅係中華民國立國以來嘅政區。想搵臺灣同附屬島嶼嘅政區劃，請睇「臺灣政區」。想搵中華民國喺1936年至2005年間所宣稱嘅政區，請睇「原中華民國法理疆域政區」。想搵中華民國領土嘅變遷同概況，請睇「中華民國疆域」。想搵中國歷代嘅政區，請睇「中國政區」。

中華民國自由地區嘅行政疆域圖

中華民國行政區 省（虛級化） 直 轄 市 縣 市 山 地 鄉 鄉 鎮 縣 轄 市 區 原 住 民 區 村 里 鄰 相關行政區 臺灣日治時期 中華民國大陸時期 原中華民國公告疆域

中華民國而家依據《憲法增修條文》同《地方制度法》嚟規範政區制度。如按照現行法律定義區層級，一級政區係省、直轄市；二級政區係縣、市；三級政區係鄉、鎮、縣轄市（僅限臺灣省）、區；四級政區係村、里；五級政區就係鄰。

依照1999年制定嘅《地方制度法》規定，一、二、三級政區具有公法人地位，四、五級政區就係附屬於上級政區嘅編組單位，冇公法人身分。而具有實施地方自治功能嘅政區（公法人）叫做「地方自治團體」，而家包括直轄市、縣、市同鄉、鎮、縣轄市。省原本係地方自治團體，喺《地方制度法》施行後被剔除，成為冇公法人身分嘅政區單位；縣同市嘅地方自治原受省政府監督同指揮，改係實務上由中央政府（行政院）直接負責，但喺部分法律同戶籍、國民身分證等政府文書上全稱依然係用「○○省○○縣（市）」。此外，行政院為咗便於地方民眾接洽中央業務，增設幾個「區域聯合服務中心」，由各部會以任務編組方式成立，取代省政府原有嘅功能。由於直轄市、縣、市係最主要嘅政區同基層政權單位，因而成日合稱「縣市」。