跳去內容

亞速營

出自維基百科，自由嘅百科全書
亞速營
Полк «Азов»
亞速營徽章
存在時期2014年5月5號—
國家／地區烏克蘭 烏克蘭
效忠烏克蘭內政部
部門 烏克蘭國民衛隊
種類準軍事步兵
規模團
駐軍／總部烏克蘭頓涅茨克州塢蘇夫、馬里烏普
基輔
灑波里時州比棧塞
專用顏色藍金
現任指揮官安德烈·比列茨基
兵力超過2,500（2017年）

亞速團（烏克蘭文：Полк «Азов»），以前叫「亞速營」，係烏克蘭其中一個準軍事志願營，喺烏克蘭衝突中戥烏克蘭東部嘅親俄分裂分子作戰，同時向烏克蘭內政部報告嘅。呢個由民族主義政治人物創立嘅團體着認為係極端民族主義嘅，並且引發有極大爭議，因好多領導人同成員部份噉公開右翼極端主義政治立場同使用相應嘅符號與及喺德國有聯繫同交流撈同樣係右翼極端分子嘅第三路線或者同一運動[1]。[2][3]2014年，亞速營總共有大約850名士兵。[4]2017年，觀察員估計兵力係有超過2,500 名僱傭兵。[5]不過亞速營官方否認同納粹主義有關連，堅稱其成員來自22個國家、甚至包括猶太人[6][7]，半數以上講烏克蘭俄語[8][9]，但承認組織內可能有10%－20%嘅人信奉新納粹主義[10]；同時亦話自己軍徽係「民族理念」（Ідея Нації）口號嘅縮寫[11]，同納粹主義無關。

歷史

[編輯]

建立

[編輯]

呢個民兵組織係喺2014年春由民族主義政治人物柯勵·離殊歌（en:Oleh Liashko）同德美突羅·哥展斯基（en:Dmytro Korchynsky）作為亞速營（Bataillon Asow）建立，來提供軍事支持畀烏克蘭軍隊來打擊烏克蘭東部啲親俄分裂分子。[12]成個夏季，呢個營不斷噉壯大，並喺2014年9月得內政部長啞申·亞華哥夫 ( en:Arsen Avakov ) 嘅法令擴大為「亞速特種作戰團」。[13]2014年10月，亞華哥夫對外宣布咗決定加呢個團入國民警衛隊。

呢個團駐紮喺灑波里時州南部比棧塞，座城毗臨亞速海，部隊名稱跟呢度來。[14]

部署

[編輯]

2014年6月13 號，個營參加咗馬里烏播戰役。[15]2014年8月上旬，呢個部隊參與咗頓涅茨克州瑪展卡嘅戰鬥。[16][2]

2019年亞速團因喺社交網絡Facebook上發表仇恨言論而着禁之後轉用Instagram。嗰度都做埋廣告畀喺馬里烏播嘅培訓課程，但冇提到有準軍事部隊嘅參與。因此並非所有啲參與者都知道到底邊個實際上組織咗啲培訓。2022年俄羅斯入侵烏克蘭之時，「亞速團」啲準軍事部隊就作為保衛馬里烏播市而執行戰鬥任務嘅志願部隊之一；個基地距離馬市約40公里。甚至喺2022年2月24號入侵開始之前，亞速團啲成員就幫訓練槍法畀啲老婦嚟自馬里烏播嘅（作為「巴布殊卡營」），啲喺逐日緊張就嚟着入侵嘅情勢下自願揸槍保衛城市嘅。有受訓老人話歸根結底「保衛祖國」係個唯一重要嘅宗旨，即使佢嘸理得直呢個團體啲極右翼觀點。[17]

組織結構

[編輯]

呢個部隊嘅指揮官係極右翼社會國民議會（ Соціал-Національна Асамблея ，SNA）嘅領導人安德烈·比列茨基（en:Andriy Biletsky）； 而Volodymyr Schpara 同 Ihor Mosijtschuk 着認為係其他領軍人物。除開比棧塞嘅總部，喺頓涅茨克州嘅塢蘇夫亦都有埋一個基地，笪埞喺馬里烏播座有重要戰略意義嘅港口城市西南約 35 公里。

戥其他烏克蘭準軍事部隊一樣，呢個團隸屬於烏克蘭內政部或者國民警衛隊，因此未併入烏克蘭軍隊。2014年春季當時嘅營員月薪喺150美金上下。[18]

成員

[編輯]
右翼極端組織厭世師（Misanthropic Division）嘅旗幟；個組織跟尾併入咗亞速營

民兵領導人同好多成員係極右翼組織烏克蘭愛國者（烏克蘭文：Патріот України）、SNA 或者右柵（Prawyj Sektor）嘅成員 。[19]據《20分鐘》報導，啲人當中有嘸少係新納粹分子同反猶分子，好多着認為係極右民族主義者。[20]呢個團嘅財政支持包括烏克蘭寡頭Ihor Kolomojskyj 。[21]根據佢哋自己講法，個Unit喺2014年6月有大約 600 名成員。其中一半以上來自烏克蘭東部，以俄語為母語。[22][23]2014年11月，個部隊兵力着認定為有850名戰士，其中至少包括85名外國人。[24][25][26][27]

2014年11月上旬，內政部長啞申·亞華哥夫任命呢個團嘅指揮官華點·突羅因（Vadim Troyan）做警察局局長管基輔地區。[28]2014年12月，烏克蘭總統波羅申科授予烏克蘭公民身份畀白俄羅斯部隊戰士社希·歌律基遲。1990年代後期以來，歌律基遲一路係白俄羅斯同俄羅斯新納粹運動嘅成員。[29]

營長於2014年8月29號宣布烏克蘭政府嘅閃電戰戰術失敗，宣稱： 「喺設備嘸夠嘅情況下幾週內我哋本來都應該解放得到盡可能多城市。着毀壞嘅材料，死亡嘅人冇得到補充。雖然插得烏克蘭旗畀好多城市，但嘸保證得佢哋嘅安全。」

右翼極端組織厭世師併入亞速營。隻組織仲設有團體喺俄羅斯、白俄羅斯、幾個西歐國家以及北美。[30]

外國支持

[編輯]

喺2014年嘅 850 架戰鬥機中，約有 85 架來自國外。佢哋有來自希臘、愛爾蘭、意大利、瑞典同俄羅斯等國家。[31] [32]克羅地亞戰爭嘅法國老兵加士東·壁淞 (Gaston Besson) 積極擔任招募外國人嘅協調員。[33]

2017年，觀察員估計兵力係有超過2,500 名僱傭兵，其中包括一啲德國人啲可能係喺右翼rock活動中招募嘅。[5]

根據Belltower 新聞雜誌嘅研究，亞速營同厭世師招募成員跟國際國家社會主義黑金屬現場。聯絡人係着判謀殺罪嘅新納粹Hendrik Möbus 、M8l8th 樂隊嘅歌手同 NSBM 音樂節Åsgårdsrei嘅組織者 Alexey Levkin以及法國黑金屬樂隊Peste Noire嘅歌手 Famine。進一步嘅聯繫仲有戥同一運動與及第三道路隻右翼極端主義政黨。[34]2019年Levkin 同 Möbus 嘅活動已經着週報 Der Freitag提到過。[35]

批評

[編輯]

侵犯人權

[編輯]

聯合國人權高專辦喺2015年11月至2016年2月期間份報告入便列舉到亞速團同烏克蘭軍隊一齊喺施羅奇尼（Широкине）使用公民建築並掠奪公民財產，引致公民流離失所。另外，馬里烏播啲捱拘留者罵怨講，佢哋捱安全局官員同亞速團成員虐待、單獨韞監（德文：Isolationshaft）同埋透過酷刑取證；報告指出，佢哋冇得到醫療援助畀酷刑造成嘅傷害，亦冇得到相應嘅法律顧問。[36]

意識形態接納

[編輯]
亞速營嘅徽章直到2015年8月改咗之前。白色顯示嘅黑太陽符號係國際上使用嘅識別特徵畀新納粹場景嘅，有歷史拏褦畀國家社會主義時期黨衛軍嘅意識形態；黑狼鉤（帶有破折號嘅 N）係武裝黨衛軍部門嘅標誌.

亞速營着認為係啲極端民族主義者。[37]呢個團使用嘅標誌性標誌係黃色背景上嘅藍色狼鉤（Wolfsangel）。Wolfsangel 亦都着親衛隊第2師使用。另外，呢個單位隻舊標誌，隻一直使用到2015年8月11號嘅，上高有一隻黑太陽，係右翼場景裏頭廣泛使用嘅符號。之但係，指揮官比列茨基否認所使用嘅象徵有拏褦畀國家社會主義。

喺2014年9月8號嘅ZDF今日新聞播放有一條片，片中呢個部隊嘅兩名成員喺鋼盔上佩戴有國家社會主義符號似納粹萬字同黨衛軍 Siegrunen之類。[38][39]

英國政治學家理查·沙夸（Richard Sakwa）寫到，亞速營建立成員安德烈·比列茨基作為SNA領導曾經有陳述畀個「歷史使命」，即領導「白人種族進行一場最終東征，以圖自身生存，……場東征會對抗啲閃米人領導下嘅次等人類（Untermenschen）」 ；佢話種意識形態可以追溯返20世紀20年代到30年代嘅民族整體主義（National Integralism）。[40]政治學家伊環·卡查挪符斯基將呢個團體嘅意識形態做比較畀個團體烏克蘭愛國者（PU）嘅意識形態，話到「SNA/PU倡導到一種新納粹嘅意識形態，帶埋極端民族主義同種族主義嘅。呢層都適用喺……啲成員喺亞速營、好多足球狂熱團體（football ultras）同埋另開一啲服務於呢個團隊嘅人。」[41]

因容忍右翼極端主義作戰部隊，烏克蘭政府受到過批評。[2]烏克蘭政治學家 Anton Shekhovtsov 捉呢個營描述為公開嘅右翼極端分子。目前嘅烏克蘭政府照舊係呢個部隊成員嘅敵人。[42]喺2014年10月嘅一次採訪中，內政部長亞華哥夫證實，「大多數」亞速戰士係有「佢哋自己嘅世界觀」，但否認佢哋使用嘅符號撈納粹有拏褦，而強調佢哋係保衛緊國家免受啲納粹親俄羅斯分裂分子破壞。佢反駁咗個擔憂係個志願組織有可能反對政府嘅。[43]喺2014年6月20 號嘅一次採訪入便，比列茨基講到烏克蘭總統波羅申科臨時實施單方面停火係「戰略錯誤」。[44]

《紐約時報》嘅一篇文章寫有描述「混亂、暴力同無節制」畀各種準軍事烏克蘭民兵嘅軍事進攻風格同支持巷戰嘅態度。[45]

2015年6月11號，美國國會決定停止嗮啲援助畀亞速營嘅。國會援引嘅原因係公開佩戴右翼極端主義符號（徽章）同埋佢哋嘅新納粹觀點。

戥反猶太主義嘅拏褦

[編輯]

40幾位以色列人權活動家有簽名畀一份請願書停止賣售武器畀烏克蘭嘅，詏告到話以色列明知部份武器最尾都會入到右翼亞速團民兵手，都仲係要賣售軍用Tavor同Negev自動武器畀烏克蘭政府。[46]

儘管呢個團經常着認為具有反猶太傾向，但公開嘅猶太社區成員亦都有喺其中服役過。最突出嘅例子之一係納坦·夏先，佢領導過猶太百人隊喺Euromaidan期間，亦都認為自己係亞速營嘅聯合創始人之一。[47]亞速營指揮官安德烈·比列茨基強調，佢本人嘸係反猶太人或者種族主義者。佢喺接受采訪陣時表示，佢捉以色列同日本都睇作係好榜樣畀烏克蘭嘅未來發展。[48]

書

[編輯]
  • Andreas Heinemann-Grüder. Geiselnehmer oder Retter des Staates? Irreguläre Bataillone in der Ukraine. [人質劫持者抑係國家救星？烏克蘭嘅非正規營]. In: Osteuropa, 3-4,2019, Pp. 51-80. Pp. 58f.

考

[編輯]
  1. ↑ LSA Rechtsaußen (2018-06-13). "Das Regiment Asow zu Gast in Halle : Vortrag im IB-Hausprojekt". Sachsen-Anhalt Rechtsaußen. 喺2020-10-05搵到. {{cite web}}: line feed character in |title= at position 35 (help)
  2. ↑ 2.0 2.1 2.2 Linda Wurster (2014-08-01). "Schmutziger Kampf in der Ukraine : Neonazis im Dienst der Regierung". Focus Online. 喺2014-08-14搵到. {{cite web}}: line feed character in |title= at position 33 (help)
  3. ↑ "Azov Battalion Is Not Neo-Nazi, But Some People In Battalion Are - Umland". 2015-01-19. 喺2015-02-23搵到. 〈存档副本〉。歸檔時間2015-02-23。喺2022-02-28搵到。{{cite web}}: CS1 maint: bot: original URL status unknown (link)
  4. ↑ „Es ist doch besser, wenn es knallt.“ Artikel in der Frankfurter Rundschau vom 18. November 2014
  5. ↑ 5.0 5.1 Deutsche heuern bei rechtsextremem ukrainischen Bataillon an, Spiegel Online vom 11. November 2017, abgerufen am gleichen Tage
  6. ↑ Peterson, Nolan (2015-08-10). "How a Swedish Sniper Found Redemption in the Ukraine War". dailysignal.com. 原先內容歸檔喺2019-11-02. 喺2018-04-11搵到. But the overwhelming majority of Azov soldiers say they're fighting for Ukraine's sovereignty and to repel what they call a "Russian invasion" of their homeland. Those with far-right convictions live and fight side-by-side soldiers from 22 countries and various backgrounds, including Arabs, Russians, and Americans—as well as Christians, Muslims, and Jews.
  7. ↑ Червоненко, Виталий (2018-05-14). "Антисемитизм или манипуляция: усиливается ли притеснение евреев в Украине?". BBC. 原先內容歸檔喺2019-03-22. 喺2019-10-19搵到.
  8. ↑ Ayres, Sabra (2014-07-24). "Driven by far-right ideology, Azov Battalion mans Ukraine's front line". Al Jazeera America. 原先內容歸檔喺2016-07-26. 喺2016-06-23搵到.
  9. ↑ Dorell, Oren (2015-03-10). "Volunteer Ukrainian unit includes Nazis". Usatoday.com. 原先內容歸檔喺2019-11-22. 喺2015-06-25搵到.
  10. ↑ Pugliese, David (2015-06-26). "Ukrainian unit accused of Neo-Nazi links wants Canada's help". Ottawa Citizen. 原先內容歸檔喺2019-07-01. 喺2017-12-20搵到.
  11. ↑ РБК-Україна (22 June 2015), Комбат "Азова" заперечує зв'язок символіки батальйону з нацизмом. 互聯網檔案館嘅歸檔，歸檔日期2019年12月5號，. Template:Uk icon
  12. ↑ "Die gegen die Separatisten kämpfenden ukrainischen Partisanen erwecken Bedenken". Financial Times (英文). 2014-05-22. 喺2014-09-21搵到. Originaltitel: Ukraine partisans battling separatists raise concerns
  13. ↑ "„Asow" erweitert und betont, dass es nicht an Wahlen teilnimmt". Ukrajinska Prawda (烏克蘭文). 2014-09-18. 喺2015-02-11搵到. Originaltitel: "Азов" розширився до полку і наголошує, що на вибори не йде
  14. ↑ Askold Krushelnycky: The Battle For Mariupol, in: Atlantic Council vom 16. Juni 2014, abgerufen am 17. Februar 2015 (englisch)
  15. ↑ Hal Foster (2014-06-21). "A special-forces unit, started from scratch, wins a key battle in Ukraine" (英文). Tengrinews.kz. 原著喺2014-08-20歸檔. 喺2014-09-21搵到. 〈存档副本〉。歸檔時間2014-08-20。喺2022-02-28搵到。{{cite web}}: CS1 maint: bot: original URL status unknown (link)
  16. ↑ Christian Esch (2014-08-10). "Neonazis im Häuserkampf". 喺2014-09-21搵到.
  17. ↑ Nail Akkoyun (2022-02-15). "„Babushka Bataillon" will Ukraine gegen Russland verteidigen – mit Ausbildung von Neonazis". Frankfurter Rundschau. 喺2022-03-05搵到.
  18. ↑ Christopher J. Miller (2014-05-14). "Freiwilligenbataillon Donbass hebt die Waffen um die Ukraine zu verteidigen und die Separatisten zu besiegen". Kyiv Post (英文). 喺2014-09-21搵到. Originaltitel: Volunteer Donbass Battalion takes up arms to defend Ukraine, defeat separatists
  19. ↑ Askold Krushelnycky (2014-06-25). "Ein ukrainischer Sieg". National Review. 喺2014-09-21搵到.
  20. ↑ "Ukraine setzt Neo-Nazis gegen Separatisten ein". 20 Minuten. 2014-08-13. 喺2014-09-28搵到.
  21. ↑ http://www.algemeiner.com/2014/06/24/ukraine-jewish-billionaires-batallion-sent-to-fight-pro-russian-militias/#
  22. ↑ Sabra Ayres (2014-07-24). "Driven by far-right ideology, Azov Battalion mans Ukraine's front line". Al Jazeera. 喺2014-09-21搵到.
  23. ↑ "New volunteer recruits head east to fight in Ukrainian army's Azov Battalion". Kyiv Post. 2014-06-24. 喺2014-09-21搵到.
  24. ↑ „Es ist doch besser, wenn es knallt.“ Artikel in der Frankfurter Rundschau vom 18. November 2014
  25. ↑ David Chater (2014-06-09). "Neo-fascists train to fight Ukrainian rebels. Volunteers believing in national socialism are joining a battalion raised by the interior ministry". Al Jazeera. 喺2014-09-21搵到.
  26. ↑ Fausto Biloslavo. "Gli Uomini Neri". 喺2014-09-21搵到. 〈存档副本〉。歸檔時間2019-12-28。喺2022-02-28搵到。{{cite web}}: CS1 maint: bot: original URL status unknown (link)
  27. ↑ Dina Newman (2014-07-16). "Ukraine conflict. 'White power' warrior from Sweden". BBC News. 喺2014-09-21搵到.
  28. ↑ Rechtsradikaler wird Polizeichef in Kiew. Die Welt vom 12. November 2014
  29. ↑ Wie Vetternwirtschaft ukrainischen Neonazis nützt, Artikel von Anton Shekovtsov in Die Zeit vom 11. Dezember 2014
  30. ↑ Des Romands soutiennent des combattants en Ukraine 互聯網檔案館嘅歸檔，歸檔日期2017年9月21號，., letemps.ch, 8. Februar 2015
  31. ↑ http://www.telegraph.co.uk/news/worldnews/Europe/ukraine/11025137/Ukraine-crisis-the-neo-Nazi-brigade-fighting-pro-Russian-separatists.html
  32. ↑ http://www.aljazeera.com/video/europe/2014/06/neo-fascists-train-fight-ukrainian-rebels-20146916493486659.html
  33. ↑ https://www.fr.de/politik/doch-besser-wenn-knallt-11171028.html
  34. ↑ "Wie ein rechtsextremes Freiwilligenregiment mit Black Metal Nachwuchs rekrutiert". Belltower.News. 2020-08-12. 喺2020-08-13搵到.
  35. ↑ "Die Einsicht kommt spät". der Freitag. 2019. 喺2020-08-13搵到.
  36. ↑ "Report on the human rights situation in Ukraine 16 November 2015 to 15 February 2016" (PDF; 851 KB). Office of the United Nations High Commissioner for Human Rights. 2016-03-03.
  37. ↑ "Ukrainische Rebellen : Zivilisten flüchten aus Kampfgebiet". Der Standard. 2014-06-03. 喺2014-09-21搵到. {{cite web}}: line feed character in |title= at position 21 (help)
  38. ↑ Matthias Meisner (2014-09-09). "Hakenkreuz und SS-Rune – Protest von Zuschauern". Der Tagesspiegel. 喺2014-09-21搵到.
  39. ↑ Armand Presser (2014-09-18). "Mit Nazis gegen Putin – Das ZDF lässt Hakenkreuze auf den Helmen des Asow-Bataillons unkommentiert". Jüdische Allgemeine. 喺2014-09-21搵到.
  40. ↑ Sakwa, Richard (18 December 2014). Frontline Ukraine: Crisis in the Borderlands. I.B.Tauris. p. 158. ISBN 978-0-85773-804-2. 喺23 June 2016搵到.
  41. ↑ Katchanovski, Ivan (19 June 2014). "My Interview with the Radio Sweden Concerning the Azov Battalion in Ukraine". academia.edu. 喺23 June 2016搵到. {{cite journal}}: Cite journal requires |journal= (help)
  42. ↑ "Die Zukunft der Ostukraine hängt von Russland ab". Der Standard. 2014-08-23. 喺2014-09-21搵到. Interview mit Anton Schechowzow
  43. ↑ Interview of Arsen Avakov with the Focus magazine: "We need peace, but not at any cost", 互聯網檔案館嘅歸檔，歸檔日期2015年4月6號，. vom 6. Oktober 2014, abgerufen über die Webseite des ukrainischen Innenministeriums am 17. Februar 2015 (englisch)
  44. ↑ "Russland erhöht den Druck auf die Ukraine". 2014-06-21. 喺2014-09-21搵到.
  45. ↑ Andrew E. Kramer (2014-08-09). "Ukraine Strategy Bets on Restraint by Russia". The New York Times. 喺2014-08-22搵到.
  46. ↑ "Rights Groups Demand Israel Stop Arming neo-Nazis in Ukraine". Haaretz (英文). 喺2021-12-13搵到.
  47. ↑ Червоненко, Виталий (2018-05-14). "Антисемитизм или манипуляция: усиливается ли притеснение евреев в Украине?". BBC. 喺2019-10-19搵到.
  48. ↑ "Билецкий: Половина людей, которые воевали за Украину, разговаривает на русском языке". gordonua.com. 2018-11-20. 喺2019-10-19搵到.

連出去

[編輯]
由「https://zh-yue.wikipedia.org/w/index.php?title=亞速營&oldid=2204084」收