京杭運河

出自維基百科,自由嘅百科全書
跳去: 定向搵嘢
今日嘅京杭運河

京杭運河粵拼ging1 hong4 wan6 ho4),又嗌京杭大運河大運河,係隋代開通嘅運河,由廣通渠山陽瀆通濟渠永濟渠江南河組成,用洛陽做中心,西到大興城(長安),北到涿州,南到餘杭。佢全長1794公里,係世界上最長嘅運河。

[編輯]

大隋到大金時期嘅運河

京杭運河早喺春秋戰國時期,吳王夫差為咗北伐齊國而稱霸中原,就喺公元前485年開咗條邗溝(邗城東南至末口,今日嘅江蘇揚州到江蘇淮安)將長江淮河連埋一齊。公元605年,隋煬帝為咗從外地調運糧食到京師(今日嘅北京),同埋去揚州睇「琼花」,就喺洛陽調咗幾百萬民工挖通濟渠,同時從洛陽附近挖水濟渠去到天津,之後跟住永定河通到薊(今日嘅北京東南)。公元610年整闊咗深江南河(京口到余航,今日嘅江蘇鎮江浙江杭州),至此將南北大運河工程搞掂。

元朝定都北京之後,運河從原先到洛陽一帶取消咗,改成從江淮開始,經過山東後到南運河。而南延段從杭州錢塘江位置喺1950年代開通咗。

經濟[編輯]

京杭運河通航之後,一直係中國內地漕運同商旅往返嘅緊要通道,由於運河冇獨立嘅水系,所以流經地區嘅地勢高低都唔一樣。1911年嘅津浦鐵路通車之後,曾經一度拋棄,直到1949年之後幾次分段整治,大部分嘅河都通返航。

出面網頁[編輯]