儒家

出自維基百科,自由嘅百科全書
(由儒敎跳轉過嚟)
跳去導覽 跳去搵嘢

儒家粵拼jyu4 gaa1,Confucianism)係一種哲學思想體系,由孔子提出,亦有以呢種哲學做類宗敎,叫儒敎或者孔敎。個哲學涉及政治道德社會。喺東亞各國好有影響力。

儒家初頭只係屬諸子百家之一,喺秦代大受迫害,但係由漢代起就得到朝廷獨尊,成為官學同國教,掌握文化教育同入仕之途,奠定儒家喺中國歷史文化嘅地位。喺兩晉南北朝同唐朝,儒家同佛教道教合稱「三教」。儒學試過一度冇咗喺哲理思想領域嘅領導地位,後嚟經宋儒重新闡釋,形成理學,得以重振聲勢,倫理思想滲透到中國社會各個層面,並且流傳到朝鮮日本越南琉球等地,大受尊崇,成為咗東亞一大學術思想體系。

歷史[編輯]

儒家嘅歷史可以追溯到春秋時代,由孔子創立。孔子以前曾經做過官,研究出一套理論向各國推銷,之但係唔成功。後來戰國時代,孟子又將儒家改良,再成為新一套理論去推銷,結果一樣冇人理。

儒家喺漢朝之前並唔受到重視,直到漢武帝「罷黜百家,獨尊儒術」,儒家就成為中國學術思想嘅重心。

學說[編輯]

儒家嘅內容基本上就係一個道德觀念嘅大雜燴。佢嘅核心思想係「仁」,即係做人要仁慈。孟子話「無惻隱之心,非人也」,就係主張人天生就係善良嘅。因為人天生善良,君王只需要發揮仁慈嘅心,就可以治國平天下。

儒家另外一個主張就係「復古」,即係要返番到舊陣時。孔子成日都強調「克己復禮為仁」,本意就係走返遠古時代嘅規範。

代表人物[編輯]