動態清零
動態清零又叫清零政策，係指一發現傳染病確診病例，醫學收治嘅同時進行流行病學調查、隔離密切接觸人士、控制病毒嘅影響範圍，以減少確診人數嘅一種防疫抗疫政策[1][2][3][4]。呢個政策喺中國共產黨應對武漢肺炎大爆發嗰陣用，又被媒體不停報道[5][6][7]。自從武漢肺炎病毒變種做傳播力極高但殺傷力極低嘅Omicron變種病毒之後，由於清零政策唔合時宜，無法阻止病毒大規模擴散，浪費人力物力之餘，又對經濟同社會運作產生極為嚴重嘅損害[8]，所以除咗中共喺習近平命令下，仲喺度夾硬搞所謂嘅「動態清零」之外，基本上清零政策已經畀世界各國抛棄，轉而推行更符合社會經濟現況嘅同病毒共存政策[9]。
中國國家衛生健康委員會主任馬曉偉喺2021年12月話「動態清零」嘅政策唔會動搖，佢又話防疫抗疫工作係「習近平總書記親自指揮，親自部署」[10]。2022年2月，香港嘅武肺疫情惡化之後，中共總書記習近平作出重要指示，下令特區政府要將穩控疫情作為「當前壓倒一切嘅任務」[11]。2022年11月，由於習近平夾硬搞嘅「動態清零」搞到經濟蕭條、天怒人怨[12]，中國大陸各地爆發反對清零政策嘅白紙革命[13]。
參考[編輯]
- ↑ 〈中國清零政策異常嚴厲為何仍受民眾支持〉. www.abc.net.au (中文). 2021-11-10. 原先內容歸檔喺2021-11-23. 喺2022-01-09搵到.
- ↑ 〈中國若改變新冠"清零"策略需達成的官民共識〉. 《BBC News 中文》 (簡體中文). 2021-08-06. 原先內容歸檔喺2021-12-03. 喺2022-01-09搵到.
- ↑ Welle (www.dw.com), Deutsche. 〈"清零"政策的成本和傷害 誰來買單？ | DW | 18.11.2021〉. DW.COM (中國中文). 原先內容歸檔喺2021-11-20. 喺2022-01-09搵到.
- ↑ 〈"動態清零"和"零感染"有何不同——國務院聯防聯控機制發布會針對疫情防控社會關注答疑解惑_滾動新聞〉. 《中國政府網》. 原先內容歸檔喺2022-01-09. 喺2022-01-09搵到.
- ↑ 〈人民至上，堅持"動態清零"策略不動搖——國家衛生健康委主任馬曉偉談當前疫情精准防控〉. 新華社. 原先內容歸檔喺2022-01-09. 喺2022-01-09搵到.
- ↑ 〈"清零"是有效低成本的疫情管控政策 訪復旦大學公共衛生學院教授姜慶五〉. 《中央紀委國家監委網站》. 原先內容歸檔喺2022-01-09. 喺2022-01-09搵到.
- ↑ 〈新華全媒+丨什麼是"動態清零"？我國怎樣實施這一防控策略？〉. 《新華網》. 原先內容歸檔喺2021-12-05. 喺2022-01-09搵到.
- ↑ 〈封城傷害驚人！上海4月工業產值暴跌61.5％〉. 自由時報. 2022-05-20.
- ↑ 〈歐洲多國放寬限制 開始與病毒共存〉. 大紀元時報. 2022-01-27.
- ↑ 〈人民至上，堅持"動態清零"策略不動搖——國家衛生健康委主任馬曉偉談當前疫情精准防控〉. 《國家衛生健康委員會》. 喺2021-12-01搵到.
- ↑ 〈文匯報：習近平總書記重要指示引領香港打贏疫情防控戰〉. 《香港中聯辦》. 喺2022-02-16搵到.
- ↑ 〈美聯社報道中共20大後習近平將不顧民眾反對繼續清零〉. 法國國際廣播電台. 2022-10-23.
- ↑ 〈白紙革命》中國各地掀反中共浪潮 「白紙」蔚成抗議象徵〉. 《自由時報》 (臺灣中文). 2022-11-27. 喺2022-11-27搵到.