化療

化療
	一位女性乳癌病患正接受緊歐洲紫杉醇化療。手腳各別套上冷手套（手）同酒類冷卻裝置（英文：Wine accessory#Wine coolers）（腳）以減低對指甲嘅傷害。

化學療法（英文：chemotherapy），簡稱化療（chemo），係用化學合成嘅藥物嚟治療疾病，為目前治療腫瘤同某啲自身免疫性疾病嘅主要手段之一，不過喺治療入面，普遍會為患者帶嚟明顯嘅噁心同嘔吐等副作用，令患者唔舒服。化療係指應用藥物治療癌症。呢啲可以殺滅腫瘤細胞嘅藥物有時被叫做細胞毒藥物。好多化療藥物係天然，例如植物，其他就係人工合成。依家已經有超過50種化療藥物，常用嘅有：表阿黴素（英文：Epirubicin）、阿黴素、柔紅黴素、絲裂黴素、5-氟尿嘧啶等。呢啲藥物經常以唔同強度聯合應用。

化療係一種全身性治療手段。對原發竈、轉移竈同亞臨床轉移竈均有治療作用，但係化療治療腫瘤時，唔單只會殺傷腫瘤細胞，亦可能將正常細胞同免疫（抵抗）細胞一齊殺滅，所以化療係一種「兩害相權取其輕」嘅治療手段。

由於癌細胞嘅增長比正常細胞快，抗癌藥物嘅作用原理通常係阻斷細胞分裂以抑制癌細胞生長，例如一啲藥物可以抑制去氧核醣核酸嘅覆制。

當然，化療亦可以用喺非腫瘤治療，例如用嚟殺滅病菌（抗菌化療）。喺呢個意義入面講，首先應用化療劑嘅係保羅·埃利希，佢喺1909年用含砷化合物治療梅毒。其他化療方法仲有用嚟治療自體免疫性疾病，例如多發性硬化癥、類風濕性關節炎同抑制器官移植後嘅排斥反應等。

睇埋

電療

參考

出面網頁

呢篇同醫學相關係楔位文。歡迎幫維基百科擴寫佢。