2020年香港南亞裔男被警察跪頸後喪命案
響2020年5月7號，一位南亞裔男人涉嫌喺香港尖沙咀刑事毀壞同藏毒，畀警察跪頸制服同拘捕，之後第二日死咗[1]。[a]
事發過程
[編輯]根據警方
[編輯]根據香港警察，有個南亞裔男人响5月7號帶住酒氣[b]，喺尖沙咀毀壞咗一架私家車同一部電單車。响下晝五點鐘倒，三個軍裝男警嚟咗捉佢，對方反抗。之後，有兩個南亞裔男途人幫手，一共五個人㩒低咗佢落地下，成功制服。
根據救援隊
[編輯]根據香港消防處，事發當日下晝5點55分接到救護召喚，9分鐘之後白車開到去，救護員喺警車入面檢查佢，發現呼吸同脈搏都停咗，於是即刻做急救……用10分鐘車咗佢去醫院[2]。
根據救護車同醫管局嘅紀錄，由差人發現傷者昏迷至救護員到場，相隔咗大約19分鐘，期間冇人幫傷者做心肺復甦[3]。雖然救護員成功令佢有返心跳，但係狀況依然極差，死前先後喺急症室同深切治療部受醫。
根據目擊者
[編輯]根據目擊者黃先生憶述，當時有個差佬用伸縮警棍打過個疑犯，其間有差佬多次用廣東話同英倫話大叫「唔好郁」、「calm down」同「stop」，對方亦一度停止反抗。（唔知係唔係同一個）目擊者黃先生話佢被制服時有嗌「好痛」同「唔好抝（手）」，不過對方冇收力，跟住見到佢被抬上警車時，腳重有郁動，之後送上救護車時已經冇咗知覺[4]。
根據目擊者文小姐，佢話雖然理解差人要制服疑犯，但係質疑無留意壓住人哋條頸好危險；文小姐提供嘅影片顯示，曾經有其他幫手制服疑犯嘅南亞男途人，用力㩒住疑犯頭同頸三十秒至鬆手，一個差佬就用膝頭跪壓住佢條頸側邊超過兩分鐘，期間一直叫佢冷靜。
死後報告
[編輯]不明：5月9號消息……初步檢驗顯示，死者出事前應該飲咗頗多酒精，身體有擦傷，可能係現場掙扎所致，發現唔到明顯骨折；因為身份重未確定得到，所以睇唔到病歷，死因就要等到驗咗屍，先至判斷得到。5月14號消息……法醫已經解剖死者驗屍，無睇到骨折或者內臟損傷，然而發現有心血管懷疑阻塞[5]，亦有資料顯示死者生前患糖尿病。
警察：6月2號消息……死者54歲，已經聯絡到佢嘅家屬，又安排為死者驗屍，等緊毒理化驗報告以及法醫嘅驗屍報告嚟確定死因，稍後亦會向死因裁判官提交報告。
各方反應
[編輯]警方反應
[編輯]香港警方強調，事發當時用嘅係適當武力；由疑犯身上搜出4克白粉，佢因涉嫌刑事毀壞、藏毒同襲警而被捕；佢有話唔舒服，於是即刻叫救護車嚟送去醫院……佢到第二日下晝大約5點45分死咗；稍後會驗屍以確定死因。
對警方嘅批評
[編輯]郭家麒認為，單嘢未經過死因研訊，差人就話制服疑犯時用所嘅係適當武力，懷疑佢哋一早定論嚟帶風向；批評差人冇由陳輝旺被殺案吸取教訓。馬宣立指出，壓頸制服呢招可以引致嚴重創傷；有機會搞到人哋窒息，或者刺激大動脈而整慢心跳，令到個腦缺氧，進而暈眩；嚴重時重會搞出人命。
响5月18號中午，簡浩名、譚香文、邱汶珊、呂智恆及錢志健去到灣仔警察總部外示威[6]。佢哋舉起「止警暴制警亂」標語，又大嗌口號，又向鄧炳強遞交請願信……抗議差人响過去十個月對市民所用嘅武力不斷升級，重整死埋上述嘅南亞男人添[7]。响6月12號，錢志健同簡浩名再做類似嘅嘢[8]。
簡浩名响6月1號之前冇幾耐，收到差人回信，內容只係複述向傳媒公布咗嘅嘢，同埋話調查緊，稍後會死因裁判官交報告，不過冇公佈死因、死者國籍及身分，亦冇交代有冇通知死者家人[9][10][11]。王浩賢同葉寬柔以佐治弗萊案嚟對比呢件事，批評跪頸等做法以及後續處理，都唔啱[12]。
响6月18號嘅油尖旺區議會常規會議期間，林兆彬援引本文所述事件及其他案例，提出臨時（無約束力）動議，「……要求警方立即禁止警員以膝蓋壓住頸部的方式制服疑犯，停止濫用武力……」，投票通過咗[13][14]。
朱凱廸响7月8號嘅立法會會議道，提及呢單案及其他死人事件，問李家超有冇計劃「禁止警務人員使用鎖頸式武力」，答案係否定嘅[15][16]。
睇埋
[編輯]註
[編輯]- ↑ 以下係某啲常用字眼嘅意思：
- 警察——香港警務處
- 消防——香港消防處
- 醫護——香港公立醫院醫護人員
- 不明——傳媒冇披露來源噉公布嘅消息
- ↑ 即係酒精嘅氣味，暗示一個人啱啱飲咗好多酒，甚至有可能係飲醉咗
參考
[編輯]- ↑ 〈非華裔男被捕後送院不治 警指以適當武力制服〉。東網。2020-05-09。
- ↑ 郭杏妤 (2020年5月11號)。〈男子疑遭警壓頸亡 救護：到場已無呼吸〉。《蘋果日報》。原著喺2021年3月14號歸檔。喺2024年10月24號搵到。
- ↑ 〈疑犯被警制服拘捕後送院死亡 消息：警車上心臟停頓，救護員到場前無人急救〉。立場新聞。2020-05-10。原著喺2021-09-27歸檔。
- ↑ 〈男子大鬧尖嘴涉刑毁藏毒 遭警武力制服送院後死亡〉。香港蘋果日報。2020-05-10。原著喺2021-06-21歸檔。
- ↑ 〈非華裔男被捕翌日死亡 解剖揭心血管疑阻塞〉。東網。2020-05-14。
- ↑ 〈【致命武力】南亞男疑遭警壓頸亡 巴裔港人警總抗議〉。香港蘋果日報。2020-05-18。原著喺2020-07-05歸檔。
- ↑ 〈南亞裔男被捕遭壓頸後身亡 社工轟違《酷刑條例》 區議員促鄧炳強交待〉。獨立媒體。原著喺2022-06-27歸檔。
- ↑ 〈南亞男遭警壓頸後身亡 巴裔港人斥鄧炳強無回應 再到警總抗議〉。獨立媒體。2020-06-12。原著喺2022-01-10歸檔。
- ↑ 〈【抗暴之戰】外籍男遭警壓頸後不治 警黑箱作業 三周後仍未公佈死因及死者身份〉。香港蘋果日報。2020-06-01。原著喺2020-07-14歸檔。
- ↑ 〈尖沙咀非華裔疑犯死亡事件 西九重案組徹查〉。東網。2020-06-02。
- ↑ 〈男子遭跪頸亡 警不提死因 簡浩名轟查三周無果︰香港真係咁落後？〉。香港蘋果日報。2020-06-02。原著喺2021-06-17歸檔。
- ↑ 〈人權組織斥警高層默許有罪不罰〉。香港蘋果日報。2020-06-02。原著喺2021-06-21歸檔。
- ↑ 〈2020至2023年度油尖旺區議會第四次會議 (續會) 會議錄音〉。《油尖旺區議會》。2020年6月18號。
- ↑ 〈香港油尖旺區議會通過 禁警方以膝壓頸動議〉。大紀元公報。原著喺2021-06-28歸檔。
- ↑ 〈立法會一題：警務人員制服被捕人士〉 (新聞稿)。香港特別行政區政府新聞公報。2020年7月8號。喺2024年10月24號搵到。
- ↑ 〈李家超：跪頸非「殺人武力」 無計劃禁止警員跪頸〉。立場新聞。2020-07-08。原著喺2021-12-29歸檔。