危秋潔

危秋潔（粵拼：ngai4 cau1 git3；閩南話：Guî-tshiu-kiat，簡化字：危秋洁；1990年10月17號—2017年7月24號）係中國大陸嘅女先生，福建南平邵武市人。喺四川師範大學畢業之後曾經喺邵武嘅一間小學做過語文課嘅先生。2017年7月24號俾日本媒體報道佢失蹤，俾中國大陸同日本社會關注。

失聯

危秋潔喺2017年7月18號一個人去日本玩一個禮拜先至返。期間先搭飛機去到北海道函館，2日後去到札幌玩，入住OCHO旅館（日文：オチョゲストハウス^{(Ochogesutoha'usu)}），第三日天光無耐又搭JR去到阿寒湖嘅一間麵包檔買包。期間亦喺微信轉發過車士打·班寧頓死咗同埋孫燕姿生日嘅消息，同月23號喺釧路出現之後一直冇嗮聲氣，令網友一度懷疑佢失聯。事發後好快俾中國大陸同日本嘅媒體同社會關注，中華人民共和國駐札幌總領事館亦關注咗呢單嘢。札幌當地差人收到喺OCHO旅館嘅波士第一時間報警話有中國大陸旅客失聯之後開始發佈通知，喺成個北海道地區猛咁搵危秋潔。期間重喺危秋潔嘅行李箱發現咗佢份遺書，入面寫咗「星星」同埋「遙遠」兩關鍵詞。

後續

2017年8月27號，日本差人打撈咗條女性鹹魚，第二日證實係危秋潔本人。後嚟根據GPS定位定出佢嘅行程，好有可能喺北海道釧路嘅桂戀漁港（日文：桂恋漁港かつらこいぎょこう^{(Katsurakoi Kyokō)}）附近扠錯腳跌落太平洋浸死咗。