吠 (太空狗)

一九五九年羅馬尼亞郵票紀念佢

紀念碑

太空衣

吠，蘇聯狗一隻，狗毑，世界第一隻動物上太空，第一隻行軌道環繞地球，音名黎卡。原本莫斯科街頭雜種狗流浪狗，嚴寒都自己生存到，而畀人揀做大空狗。蘇聯太空狗之一，喺升人上太空之前，少重力，多輻射，要監測動物能否上太空。

一九五七年十一月三號，紀念十月革命四十周年，佢搭太空船兼人造衞星伴侶二號，飛行到低軌道，一直傳送佢生命特徵，模疑人上太空情況。倉內窄同有鍊限住，只得企坐同瞓。有七日糧，有收屎尿。有供氧，有吸二氧化碳，過十五度會有風扇吹涼。

當時技術所限，有去無回，必死。飛咗五到七個鐘，環繞第四轉嗰陣，過熱中暑而死。佢死時兩三歲，重五公斤。早年蘇聯宣稱，話佢缺氧前安樂死。而真正死時死因，到二〇〇二年十月先公佈。二〇〇八年為佢設紀念碑。

伴侶二號，飛咗五個月，飛咗二千五百七十圈。一九五八年四月十四號，帶住佢條屍，跌落大氣層焚燬。

佢上太空軌道之前，已經有唔少實驗狗飛，祇不過未及軌道。

名

俄文寫Лайка，話佢吠得大聲，因而叫吠，拉丁字母寫Laika。佢之前有其他名，俄文Кудрявка，即卷仔，又俄文Жучка，蟲仔，又Лимончик，檸檬仔。