固定成本
固定成本（粵拼：gu3 ding6 sing4 bun2；英文：fixed cost）係成本一種，指就算盤生意產出同賣出嘅貨品服務嘅量升，都唔會升跌嘅成本。
基本概念[編輯]
做生意要賺利潤，梗要投入資本，用資本創造經濟價值同收入（投資）。舉例說明，想像家陣要開發一隻視像遊戲，遊戲開發者實要使錢，請人返嚟做寫程式同埋製作電腦圖像等嘅工作；順利嘅話，佢哋會開發出一隻好賣嘅遊戲，吸引到夠多人買，最後賺到利潤。
旁置成本都係固定成本，但固定成本唔一定係旁置成本：旁置成本指已經發生咗或者應承咗人要支付、所以無得收返嘅成本支出；定義上，呢啲噉嘅成本就係定死咗冇得變嘅，所以一件旁置成本實會係固定成本；而家想像買咗部機器返嚟幫手做生產，部機器係固定成本，因為就算賣得多咗貨，買入部機同（例如）維修部機要用嘅錢都係固定咗唔會變嘅，不過假如部機有得退貨而且仲會原銀奉還，噉買呢部機造成嘅成本就唔係旁置成本[1][2]。
睇埋[編輯]
參考[編輯]
- ↑ （英文） 乜嘢係旁置成本—同埋旁置成本謬誤？，投資百科。
- ↑ Navarro, A. D., & Fantino, E. (2005). The sunk cost effect in pigeons and humans. Journal of the experimental analysis of behavior, 83(1), 1-13.
