夜間拍攝

專業相機影相嘅部份效果

自動
（乜效果都唔開）

豐富色彩
（HDR）

夜間拍攝
（LLS）

夜間拍攝（粵拼：je6 gaan1 paak3 sip3；英文：Low-light photography／Night Photography），簡稱LLS，係喺挨晚或晚黑時分，喺戶外地方影相或拍攝嘅行為。一般嚟講，佢需要借人工曝光或長時間曝光攝影先至搞到。其中，曝光時間短嘅可以幾秒，長嘅可以成幾個鐘都得。有咗呢啲高靈敏性嘅圖像傳感器、高速攝影進度、闊光圈鏡或越多嘅鬧市燈光地方，將會越表達到夜間拍攝嘅效果。

另外，夜間拍攝亦可以喺光線比較暗嘅地方影相或拍片用。

發展史

全球第一個利用夜間拍攝功能嘅係達蓋爾喺1839年搞出嚟，嗰時佢用望遠鏡嘅長焦距影月球時出現循跡誤差，意味住影到張相會矇查查。後嚟紐約大學化學教授、物理學家同科學實驗家用咗5吋嘅反射望遠鏡，用咗1年時間，喺1840年3月23號成功影到個20分鐘長嘅月球銀板相。後嚟成功消息出街之後，喺19世紀後半，受到愛迪生成功發明電燈膽嘅影響，加上嗰時有越嚟越多街頭地方出現燈光，所以啲人開始喺晚黑時分搞影相工作。20世紀初，有好多報刊雜誌社成日喺晚黑著燈嚟點著鬧市街邊或地方。

1932年，匈籍法國攝影師——布拉西（法文：Brassaï）發佈嘅《巴黎夜遊佬》（法文：Paris de Nuit）本黑白雜誌，入面第一次用到晚黑時分影嘅相。喺打緊第二次世界大戰期間，英國攝影家——比爾布蘭德影咗一大堆晚黑時分，喺倫敦街頭嘅黑暗史。尤其喺1970年代，由於有好多狗仔隊加入夜間拍攝嘅工作，亦出現咗挨晚做背景嘅攝影。到咗1990年代，英國攝影家——米高堅拿（Michael Kenna）創辦咗佢最成功嘅商業化夜間相機嚟專門喺挨晚或晚黑影相用。

21世紀初，隨住數碼相機越嚟越流行，加上智能電話亦本身有影相，佢哋都帶咗「夜間拍攝」嘅功能，所以家下唔理係綫上定綫下，街頭巷尾都搵得到帶夜間拍攝功能啲相。