大連市交通局
| 大連軌道交通 | |
|---|---|
 | |
| 資料 | |
| 區域 | 大連 |
| 交通類型 | 有軌電車、地下鐵 |
| 路線數量 | 3 |
| 車站數量 | 27 |
| 每日乘客量 | 約 1.45 十萬（2012年） |
| 作業 | |
| 開始運作 | 1909年9月25號 |
| 營運商 | 大連地鐵運營有限公司 |
| 技術 | |
| 系統長度 | 103.83 千米（65 哩） |
| 軌距 | 1,435 mm（標準軌） |
 |
大連鐵路運輸按照建成先後順序，包括大連有軌電車、大連人號輕軌電車、大連快軌[1]同埋大連地鐵，其中大連快軌同埋大連地鐵相對於大連人號皆屬重型鐵路系统。目前報站語言僅有國語同埋英語兩種。截至2015年11月1號，大連軌道交通嘅總運營里程約170公里。
歷史
[編輯]
大連軌道交通喺大連嘅歷史可以追溯到1903年。當時嘅沙俄統治者出資喺而家大連火車站同埋寺兒溝住區之間鋪設一條有軌電車線路，即係201路嘅前身，亦係大連軌道交通歷史嘅開端。後來，由於戰爭原因，呢條線路喺日本接管以後一度被廢，直到1945年抗戰勝利後，大連市先至相繼恢復咗有軌2路（而家201路）、有軌4路（而家202路）、有軌5路（併入201路之前嘅203路）。
1909年9月25號，滿鐵運輸部電氣作業所喺當時已處於日本統治下嘅大連開通咗第一條有軌電車試驗線路，標誌住大連有軌電車同埋公共交通嘅開始，使大連成爲全中華地區最早擁有有軌電車同埋公交嘅城市之一。該線路由電氣遊園（原動物園，而家中心裕景）經大正通（而家中山路、人民路）至大棧橋（而家港灣橋），單程2.45公里。車輛爲30台11型電車，車體由美國布列斯頓制造，底盤由英國蒙天吉布森制造，電氣部分由德國制造，爲木制複車台，每輛車定員72人，滿載145人，當時俗稱美國大木籠子。此後不斷開闢新電車線路，喺民主廣場同埋解放廣場建成兩座軌線所。至1945年，電車共有11條線路，三個營業所，兩個維修廠。
1945年，蘇聯紅軍從日本手中接收大連，1946年4月1號接收大連都市交通株式會社並改造為大連市交通公司。1970年代，由於城市發展需要，開始大範圍拆除有軌電車。其中沙河口-周水子段3路有軌電車改為當時嘅3路汽車（而家BRT），今日15路汽車即係當時有軌1路電改汽嘅線路。
1980年6月，有軌2路同埋有軌5路實現聯運，1983年，201路名稱正式出現。同年，有軌4路正式改稱202路，運行線路係興工街-黑石礁。1985年4月27號，201路正式拆分為兩條線：今日沙河口火車站-今日大連火車站間嘅路線係201路，火車站-寺兒溝住區之間線路命名為203路。1996年夏季，3條線路先後宣布實行准無人售票。
2006年開始有軌電車201、203分別開始軌道改造。2007年年尾改造完成後，201、203兩線重新合併，取消咗沙河口火車站站，起止站改為興工街-海之韻公園，成為今日嘅201路（目前由於海之韻公園施工，201路區間運行，終點站係華樂廣場站。華樂廣場站-海之韻公園站定點發車，免費乘坐。去往興工街方向，需要喺華樂廣場換乘正常線路）。
2002年12月1號，202路將終點延伸至今日嘅河口軟件園，以後又進一步延伸至小平島前，形成咗今日嘅線路（目前由於地鐵施工，202路終點站臨時更改至七賢嶺站，七賢嶺站-小平島前站有免費擺渡車）。2002年11月8號，快軌3號線試通車，一年後正式運營。
通車歷程一覽
[編輯]- 1909年9月25號：大棧橋（之後嘅大連埠頭）-山縣通-監部通-日本橋-常盤橋-電氣遊園前區間開業。
- 1909年9月29號：電氣遊園前-西崗子-小崗子、日本橋-大連驛前、日本橋-露西亞町波止場區間開業。
- 1909年11月2號：大廣場-監部通、山縣通-滿鐵本社前-大廣場-常盤橋區間開業。
- 1909年11月18號：常盤橋-西公園町-逢阪町（之後嘅春日町）、大廣場-幼稚園-西公園町、播磨町-西公園町區間開業。
- 1910年8月31號：電氣遊園前-伏見臺中央試驗所區間開業。
- 1910年9月23號：沙河口線[2]、小崗子-沙河口神社前-沙河口工場前區間單線全通。
- 1911年1月17號：星個浦線、沙河口神社前-星個浦區間單線開業。
- 1911年8月16號：老虎灘線、逢阪町-老虎灘（之後嘅汐見橋）區間單線開業。
- 1918年：星個浦線、星個浦西門-星個浦區間復線化。
- 1920年：沙河口線、星個浦線全線復線化。
- 1921年12月30號：聖德街線、伏見臺中央試驗所-聖德街區間單線開業。
- 1922年2月16號：聖德街線向沙河口水源地延伸嘅同時，電氣遊園前-伏見臺中央試驗所區間復線化。
- 1922年8月27號：寺兒溝線、滿鐵本社前-朝日廣場-寺兒溝區間單線全通。
- 1923年：聖德街線全線、寺兒溝線全線、老虎灘線、逢阪町-平和臺區間復線化。
- 1924年：星個浦線向黑石礁延伸嘅同時，港橋-大連埠頭區間復線化。
- 1925年：柳町線、朝日廣場-播磨町區間全通。
- 1927年：老虎灘線全線復線化完畢。
- 1928年：柳町線、港橋-朝日廣場區間開通，大廣場-監部通、大廣場-幼稚園-播磨町、幼稚園-西公園町區間撤除。
- 1946年4月1號：大幅縮細路線。
- 2002年11月8號：3號線第1期區間，香爐礁驛〜金石灘驛試運行開始。
- 2003年5月1號：3號線香爐礁驛〜金石灘驛開通。
- 2004年9月29號：3號線第2期區間，香爐礁驛〜大連驛開通。
- 2006年12月18號：3號線小窯灣驛開業。
- 2008年7月7號：3號線開發區驛〜九里驛支線試運行開始。
- 2008年12月28號：3號線開發區驛〜九里驛開通。
- 2014年5月1號：202路軌道線路延伸工程蔡大嶺驛〜旅順新港驛開通。
- 2015年4月30號：2號線第1期區間，機場驛〜會議中心驛試運行開始，開啟針對大連市民嘅憑贈票試乘活動。
- 2015年5月22號：2號線機場驛〜會議中心驛開通。
- 2015年10月30號：1號線第1期區間，姚家驛〜富國街驛開通。
事故年表
[編輯]- 2011年3月10號上晝，大連交通大學路段發生塌方事故，一名河南籍施工人員喺塌方時隨塌陷落下失蹤。發生坍塌嘅掌子面距離地面17米，地面坍塌口約5平方米，土石方坍塌量約200立方米。失蹤人員喺遞日證實死亡。
- 2011年3月16號晚6點幾，大連工業大學成教學院門前發生塌方，坍塌部分直徑約10米，深6米。無人員傷亡。
- 2011年3月17號，山東路同埋松江路路口處嘅地鐵施工工地發生塌方，坍塌部分直徑逾一米。
- 2011年6月9號晏晝4點幾，山東路施工現場附近路面坍塌，出現直徑超過5米嘅深坑，部分地下管線斷裂。
- 2011年8月29號朝早5點幾，位於機場附近嘅虹港路同埋聖林路路口東北角發生塌方。塌方導致附近地區有線電視關閉。同時，維修亦造成事故附近路段嚴重擠塞。
由於大連地質嘅復雜性，大連地鐵喺修建過程中發生過多塌陷事故。亦有民間人士對大連地鐵嘅事故頻發同擾民提出批評。好多市民認為大連地鐵喺修建過程中涉嫌擾民，並且事故頻發，喺2011年8月14號嘅大連反對PX項目遊行中，一七旬老太更拎起含有「地鐵係破壞」字樣嘅標語。
路線
[編輯] | |||||||
| 代號 | 路線號 | 路線名 | 區間 | 里程（km） | 站數 | 開業時間 | 備注 |
|---|---|---|---|---|---|---|---|
| 營業線 | |||||||
| T1 | 201路 | 寺兒溝線[3] | 沙河口火車站 - 大連火車站 - 華樂廣場 | 11 | 17 | 1909年9月25號 | [4] |
| T2 | 202路 | 星個浦線 | 興工街 - 黑石礁 - 北河口 | 13 | 19 | 1911年1月17號 | [5] |
| R3 | 3號線 | 金州東線 | 本線：大連驛 - 保稅區驛 - 金石灘驛 | 28+21 | 13 | 2002年11月8號 | |
| 支線：大連驛 - 開發區驛 - 九里驛 | 28+14 | 15 | 2008年7月7號 | ||||
| R2 | 202路 | 旅順南線 | 河口驛 - 旅順新港驛 | 42 | 8 | 2014年5月1號 | [6] |
| M2 | 2號線 | 大連東西線 | 海之韻驛 - 大連北站驛 | 37 | 28 | 2015年4月30號 | |
| M1 | 1號線 | 大連南北線 | 河口驛 - 新機場驛 | 42 | 25 | 2015年10月30號 | |
| 起緊線 | |||||||
| R4 | 待定 | 金普線 | 大連北站驛 - 振興路驛 | 65 | 18 | 2015 | |
| 近期計劃線 | |||||||
| R1 | 待定 | 金州西線 | 營城子驛 - 世貿驛 | 14 | 4 | 2020 | [7][8] |
| M4 | 待定 | 待定 | 營城子驛 - 龍頭石驛 | 27 | 20 | 2020 | |
| M5 | 待定 | 待定 | 虎灘新區驛 - 後關村驛 | 24 | 18 | 2018 | |
| M7 | 待定 | 待定 | 百合山莊驛 - 港灣廣場驛 | 16 | 17 | 2019 | |
| 遠期計劃線 | |||||||
| R7 | 待定 | 待定 | 石河高鐵站驛 - 太平灣驛 | 待定 | 待定 | 待定 | [9] |
| R9 | 待定 | 待定 | 世貿驛 - 石河高鐵站驛 | 待定 | 待定 | 待定 | |
| R10 | 待定 | 旅順北線 | 營城子驛 - 待定 | 待定 | 待定 | 待定 | [8] |
| M6 | 待定 | 待定 | 夏家河子驛 - 虎灘新區驛 | 待定 | 26 | 待定 | |
| M8 | 待定 | 待定 | 小平島驛 - 棋盤磨驛 | 待定 | 16 | 待定 | |
| M9 | 待定 | 待定 | 新機場驛 - 待定 | 待定 | 待定 | 待定 | |
| M10 | 待定 | 待定 | 待定 - 待定 | 待定 | 待定 | 待定 | [10] |
T1 沙河口火車站 - 興工街 - 振工街 - 五一廣場 - 大同街 - 北京街 - 市場街 - 東關街 - 大連火車站 - 勝利橋 - 民生街 - 民主廣場 - 世紀街 - 三八廣場 - 二七廣場 - 寺兒溝 - 春海街 - 華樂廣場
T2 興工街 - 錦輝商城 - 解放廣場 - 功成街 - 和平廣場 - 會展中心 - 星海廣場 - 化物所 - 醫大二院 - 星海公園 - 黑石礁 - 弘基書香園 - 海事大學 - 萬達廣場 - 高新園區 - 中國華錄 - 七賢嶺 - 河口 - 北河口
R1 ●機場新區 - 金渤海岸地塊二 - 金州西 - 世貿（●係換乘站）
R2 ●河口 - 蔡大嶺 - 黃泥川 - 龍王塘 - 塔河灣 - ●旅順 - 鐵山 - 旅順新港（河口 係暫未開通站）
R3
●大連 - 香爐礁 - ●金家街 - 泉水 - ●後鹽 - 大連灣 - 快軌車輛段 - ●金馬路 - ●開發區 - ···
- ··· - 保稅區 - 高城山 - 雙D港 - 小窯灣 - 黃海大道 - 金石灘
- ··· - 通世泰 - 鴻瑋瀾山 - 東山路 - 和平路 - 十九局 - ●九里
R4 ●大連北站 - ●後鹽 - ●陶瓷城 - 金州 - 八一路 - 十九局 - ●九里 - 十三里 - ●二十里堡 - 三十里堡 - 石河高鐵站 - 海洋大學 - 石河北 - 長店堡 - 掛符橋 - 公交總站 - 三十四中 - 振興路
M1 ●新機場 - ●机场新区 - ●後關村 - 姚家 - ●大連北站 - 華北路 - 華南北 - 華南廣場 - 千山路 - 松江路 - 東緯路 - 春柳 - 香工街 - 中長街 - ●興工街 - ●西安路 - 富國街 - ●會展中心 - 星海廣場 - 星海公園 - 黑石礁 - 學苑廣場 - 凌水 - 七賢嶺 - ●河口
M2 海之韻 - 東港 - 會議中心 - ●港灣廣場 - ●中山廣場 - 友好廣場 - 青泥窪橋 - 一二九街 - 人民廣場 - 聯合路 - ●西安路 - 西南路 - 遼師 - 馬欄廣場 - 灣家 - 紅旗西路 - ●虹錦路 - 虹港路 - 機場 - ●辛寨子 - 前革 - 中革 - 革鎮堡 - 後革 - 衛生中心 - ●體育新城 - 南關嶺 - ●大連北站
M4 ●營城子 - 幸福村 - 前牧 - 牧城驛水庫 - ●周家溝 - 辛藝街 - 辛萍街 - ●辛寨子 - 工業大學 - 澤龍湖 - 新達街 - ●西北路 - ●松江路 - 華東路 - ●金家街 - 東方路 - ●梭魚灣 - 大石化 - 黃山炮臺 - 龍頭石
M5 ●虎灘新區 - 老虎灘 - 景山街 - 桃源 - 石葵路 - ●勞動公園 - 友好街 - ●大連 - 梭魚灣南 - ●梭魚灣 - 甘井子 - 甘北路 - 山花街 - 中華路 - 泉水東 - 前鹽 - ●後鹽 - ●後關村
M6 ●夏家河子 - 欣博街 - ●周家溝 - 生態科技城 - 辛水路 - 殷家屯 - 張前路 - 區政府 - ●虹錦路 - 錦繡 - ●錦江路 - 新生路 - 綠波橋 - 長興街 - ●興工街 - 振工街 - 大同街 - 市場街 - ●大連 - 勝利橋 - ●中山廣場 - ●三八廣場 - 石葵路 - 迎賓路 - 老虎灘 - ●虎灘新區
M7 百合山莊 - ●學子街 - 理工大學 - 文萃街 - 數碼廣場 - 高家村 - 西南路 - 南沙街 - ●會展中心 - 成仁街 - 建築設計院 - 長春路 - 茂田路 - ●勞動公園 - 兒童公園 - ●三八廣場 - ●港灣廣場
M8 小平島 - ●河口 - 七賢嶺 - ●學子街 - 廟嶺村 - 淩水客運 - 紅淩橋 - 富民路 - ●錦江路 - 迎客廣場 - ●西北路 - 泡崖北 - 合子橋 - ●體育新城 - 棋盤磨南 - 棋盤磨
運費
[編輯]大連嘅電車同埋快軌嘅運費起步價都係1元；地鐵嘅運費起步價係2元[11]，起步里程6公里（含6公里），晉級里程“6、6、8、8、10、10”。同時，2016年4月1號前對持大連明珠公用卡乘坐地鐵1、2號線乘客統一實行8折優惠。
| 區間 | 運費（元） | 明珠卡（元） |
|---|---|---|
| 1區（00 - 06km） | 2.00 | 1.60 |
| 2區（07 - 12km） | 3.00 | 2.40 |
| 3區（13 - 18km） | 4.00 | 3.20 |
| 4區（19 - 26km） | 5.00 | 4.00 |
| 5區（27 - 34km） | 6.00 | 4.80 |
| 6區（35 - 44km） | 7.00 | 5.60 |
| 7區（45 - 54km） | 8.00 | 6.40 |
- 電車
201路、202路全程12公里左右，201路以大連火車站分段，全程2元，每段1元（IC卡全程1.3元，每段0.9元），202路全程1元（IC卡全程0.95元）。
- 地鐵
M1線、M2線嘅平均站距係1.3公里，官方初定每8站漲價，1.3公里乘以8站約等於10公里，相當於每10公里漲價。3號線嘅平均站距係3.3公里，3.3公里乘以3站約等於10公里，相當於平均每3站漲價。R2線嘅平均站距同埋3號線差唔多，大約係3公里，理論上都應該係平均每3站漲1元，由於現階段預留站數同埋實際站數對半，所以現階段每站間嘅平均運費係2元，但係河口驛到蔡大嶺驛、黃泥川驛嘅間距唔夠10公里，運費理應係1元，河口驛到龍王塘驛嘅間距平均係10公里，運費係2元係合理嘅。
車輛
[編輯]
- DLoco FG型交流傳動大連城市快軌列車
- 客室電動塞拉門，司機室手動塞拉門。
- 大連機車車輛有限公司研發製造 四輛編組 (+Tc－Mp－Mp－Tc+)
- 車體長19.0m，車體闊（最大處）2.8m，車輛定距12.6m[12]。
- 設備類東芝製VVVF逆變器（IGBT）控制式，而家呢種列車有好多已經改成咗大連電牽嘅VVVF產品。
- 最高時速100km/h，平均時速60km/h。出廠臺數28列。
經營狀況
[編輯]1號線
[編輯]運營單位：大連地鐵運營有限公司
2號線
[編輯]- 運行模式：雙線單方向大交路折返運行[13]
- 運用車數：11列
- 運行時間：47分鐘
- 發車間隔：10分鐘
- 日運行車次：205列次
- 日運行里程：4753公里
- 始末車時間：
- 旅行速度：30.7公里/小時
- 技術速度：37.1公里/小時
3號線
[編輯]乘客量：日均12萬人次，最高紀錄20萬人次
人身事故對策
[編輯]安檢
[編輯]大連地鐵2號線嘅一二九街驛嘅地鐵通道由於設計、佈局等問題，即使市民唔入站，兼夾人流唔多、僅有一兩個普通市民正常行使過街地下通道功能嘅時候，都要進行飲水等安檢，鑑於要站嘅安檢員反映此為有關公司嘅硬性規定，提醒廣大大連市民、遊客等注意。
月台幕門
[編輯]大連地鐵1號線及2號線月臺都會安裝全高月臺幕門。
大連快軌3號線及其支線月臺都未設有月臺幕門，由此引發，2013年11月27號，大連一名外地男子喺雙D港驛下月臺去廁所被列車夾死[14]。
註
[編輯]- ↑ 相對運行於市區、地下、站數較多嘅地鐵，大連將運行於市域、地上、站數較少並且同樣係重軌嘅電車叫做「快軌」以示區別。然而隨著快軌入地改造工程嘅進行，能夠預見未來大連將唔會再嚴格區分快軌同埋地鐵。
- ↑ 西崗子-沙河口神社前、沙河口神社前-沙河口工場前間係“沙河口線”；沙河口神社前-星個浦-黑石礁間係“星個浦線”；春日町-汐見橋間係“老虎灘線”；伏見臺中央試驗所-聖德街-沙河口水源地間係“聖德街線”；滿鐵本社前-朝日廣場-寺兒溝間係“寺兒溝線”；港橋-朝日廣場-播磨町間係“柳町線”；除此之外，第一次根據計劃被整備嘅係“第一期線”。
- ↑ 相當於原先“第一期線”+原先“沙河口線”+原先“寺兒溝線”。
- ↑ 沙河口火車站至興工街區間終止運行；華樂廣場至海之韻公園區間暫停運行。
- ↑ 七賢嶺至小平島前區間暫停運行，恢復在即。
- ↑ 河口驛至蔡大嶺驛區間建設緊。
- ↑ 機場新區驛至世貿驛區間係一期工程；R1,R7,R9,R10彼此貫通，全長約180公里。
- ↑ 8.0 8.1 大連民意網-大連旅順北路會建輕軌嗎？
- ↑ 大連民意網-遠景規劃有R5以上的快軌嗎？
- ↑ 〈大連市城市軌道交通建設規劃（2014-2020年）環境影響評價第二次公示〉。原著喺2015年1月13號歸檔。喺2014年6月17號搵到。
- ↑ 〈大連地鐵票價確定 明年4月1日前持明珠卡坐地鐵打8折〉。原著喺2015年5月18號歸檔。喺2015年5月21號搵到。
- ↑ 〈FG型交流傳動大連城市輕軌客車〉。原著喺2014年7月3號歸檔。喺2014年6月19號搵到。
- ↑ 這個周五，11時18分大連地鐵正式試運營
- ↑ 大連農民工下站臺上便所被快軌夾死