大馬站煲，即係蝦醬火腩豆腐煲，係傳統廣府菜，主要材料包括火腩、豆腐同韭菜，主要調味就有蝦醬、薑同蒜，做法係將爆香咗嘅材料放入個瓦煲度煲熟。
大馬站煲個名嚟自廣州一笪叫大馬站嘅地方。相傳大清光緒年間，時任兩廣總督張之洞行經大馬站，見到嗰度嘅人食緊蝦醬火腩豆腐煲，就叫下屬問佢哋食緊乜，對方以為係問呢度係乜地方，就答「大馬站」，所以就做咗呢味菜個名。
