太古倉碼頭

出自維基百科,自由嘅百科全書
Jump to navigation Jump to search
太古倉碼頭
廣州市文物保護單位
TaiGuCong Wharf.jpg
喺邊 Flag of the People's Republic of China.svg 中國廣東省廣州市海珠區
鳳凰崗嘅金沙路最西邊嗰度
座標 23°5′28.87″N 113°14′50.14″E / 23.0913528°N 113.2472611°E / 23.0913528; 113.2472611座標: 23°5′28.87″N 113°14′50.14″E / 23.0913528°N 113.2472611°E / 23.0913528; 113.2472611
近現代緊要史跡同代表性建築
時代 近代
登錄 2008年
地圖

太古倉碼頭粵拼taai3 gu2 cong1 maa5 tau4);簡稱太古倉taai3 gu2 cong1);佢係廣州嘅一個遊船碼頭,喺海珠區金沙路最西邊嗰度。呢個碼頭係由英國太古洋行喺1904年起,喺20世紀20年代嗰時嘅廣州嚟講,佢係一個比較完善嘅倉運碼頭。而家呢個地區係用嚟做文化創意、展貿、會展、休閒娛樂同旅游觀光等等其它用途。呢個碼頭重係中國內地第一個喺市區入面嘅懷舊展示場所。

[編輯]

太古倉碼頭嘅門口嗰度嘅中英文大字

所謂「太古洋行」[編輯]

內文: 太古洋行

英國太古洋行係1867年由莊·沙妙奧·史懷雅(John Samuel Swire)嚟搞嘅一間嘢。嗰時一過嚫農曆新年,中國人嘅屋企就鍾意喺門口度黐「大吉」呢兩個字,而史懷雅嘅仔咁啱睇到「大吉」呢兩個字就話肯定係中國人都鍾意嘅嘢,結果佢哋決定就攞佢嚟做間公司嘅中文名。點知嗰個鬼佬因為唔係幾識寫中文字,就將「大吉」寫成「太古」,就變咗「規模龐大、歷史悠久」噉解,而呢個名就一直當成中文名而開始流傳[1]

碼頭嘅成立[編輯]

到咗1904年,英商太古洋行就開始起太古倉碼頭[2]。喺碼頭起好咗之後,太古洋行代理嘅黑煙囪輪船公司就負責遠東同中南亞往返廣州到香港上海海防等航線。而船隻數量就去到30部,其中26艘3000t到嘅貨船遊輪凈係停喺廣州嘅太古倉碼頭嗰度裝卸貨物。

陳濟棠睺緊廣東嗰陣[編輯]

喺1928年——1933年,太古倉碼頭又搞咗升級同整大咗。嗰時用高樁梁板式結構嚟起咗一個碼頭(而家係太古倉7座倉庫)嘅1、2、3號橋泊位(而家太古倉嘅3棟T字碼頭)同入面嘅2個碼頭(而家係大阪倉)。

抗日戰爭時期[編輯]

抗日戰爭時期,日軍出咗好多次飛機嚟炸廣州,搞到太古倉就出現咗一定程度破壞。喺廣州淪陷咗之後就畀咗蘿蔔頭嚟做咗比較緊要嘅軍事物資同人員轉運基地。

解放初期[編輯]

喺日本仔投咗降之後嘅1947年12月,廣東省國民政府就搞咗廣東省民食計劃委員會同廣東省糧食經理委員會,將廣州怡和(渣甸倉)、太古大阪嘅3個倉庫嚟做用於儲存糧食,後嚟因為嚟廣州嘅糧食越嚟越多,搞到糧倉入面成日爆滿,重借咗市區入面嘅米機倉庫嚟存糧食都有。之後重改成海員出口倉,由粵海關派專人嚟查倉。

直到廣州解放之前嗰幾日無耐,由於負責太古倉保衛工作嘅差佬都走嗮,搞到附近啲人猛咁喺度搶大米,直到解放軍入咗城之後先至停咗。

中華人民共和國成立咗之後[編輯]

喺1950年8月,廣州市政府為咗保管市政救濟糧同配合收購夏天嗰時嘅糧,結果又再租咗太古倉、大生倉同榮興堂倉庫,重有黃埔大道入面嘅2個民房倉庫嚟裝啲糧。到咗1953年2月24號,廣州市軍事管制委員會就霸咗太古倉嚟充公,甚至重轉咗佢去廣州港務管理局嚟睺實,後嚟又畀咗廣州港集團有限公司嚟營運。到咗1965年11月,國務院就批准咗廣州港成為對外開放港口,而太古倉碼頭就變成中國內地嘅國家一類口岸,用嚟裝卸出口貨物同儲存,為廣州市嘅對內對外貿易搞出咗比較緊要嘅貢獻。

文化大革命時期[編輯]

到咗1968年嘅上山下鄉浪潮入面,太古倉碼頭變成運廣州嘅知識青年湛江海南參加南疆建設嘅重要碼頭。就喺嗰時,太古倉遇到好大嘅經濟打擊。甚至喺1967年9月1——3號發生咗7死10幾傷嘅火燭。喺文化大革命入面,太古倉都試過俾砲彈射中[3]

轉型[編輯]

從啱啱入咗21世紀無耐開始,隨住廣州港集團先後起咗新沙、南沙港區同廣州港,搞到運貨嗰方面逐漸去嗮黃埔區同埋番禺區嘅南沙嗰邊(而家係南沙區),而嗰時太古倉嘅貨物輸送量就開始下跌,加上工業大道嗰帶從之前嘅工廠逐漸變成居民住宅區,而儲運碼頭嘅功能都變埋。甚至喺2003年底,嗰時嘅廣州市長張廣寧嚟咗太古倉碼頭嗰度睇,話要做好保護同利用;直到2007年6月6號嘅最後一部貨船離開咗碼頭之後先至結束咗1個世紀又3年嘅碼頭裝卸歷史;到咗2008年12月19號重俾廣州市人民政府話咗係第七批廣州市文物保護單位。到咗2008年4月,廣州港集團就開始丼咗8000幾萬蚊嚟重新搞太古倉碼頭嘅轉型改造工程。

敘述[編輯]

太古倉碼頭嘅面積方面:

  • 佔地:54888㎡
  • 水域:16348㎡
  • 總計:71236㎡

入面嘅區域包括咗:

  • T字型棧橋式混凝土碼頭×3
  • 英式建築風格嘅磚木結構倉庫(8個冧巴)×7
  • 後方場地建築

其中路域

建築風格[編輯]

碼頭[編輯]

碼頭邊線:長312米

  • 1號棧橋:長78米
  • 2號棧橋:長73米
  • 3號棧橋:長68米

碼頭水深:-5.4米 泊位:冚唪唥都係3000t級

倉庫[編輯]

排位順序:按珠江邊從南向北排,每兩倉為一組,屋頂有接埋。

  • 高度:差唔多6米
  • 每個倉庫之間有差唔多6米闊嘅通道響度

1號倉[編輯]

  • 位置:倉庫最南邊
  • 面積:1584.7㎡
  • 用途:存穀種糧食
  • 葳蕤史:太古倉碼頭入面最早起嘅一個倉庫
  • 而家係:葡萄酒採購中心

2號倉[編輯]

  • 面積:1615㎡
  • 用途:存同轉運到海南星架坡馬來西亞嘅各類雜貨
  • 之前係:冇屋頂嘅露天貨物堆放場,變成國有之後先至整成有屋頂嘅嘢。
  • 而家係:葡萄酒採購中心

3號倉[編輯]

  • 面積:1699.8㎡
  • 用途:儲存啲土特產貨同日用百貨
  • 而家係:展覽中心

4號倉[編輯]

  • 面積:1699.8㎡
  • 用途:存發去星架坡、馬來西亞等地嘅陶瓷工藝品
  • 而家係:服裝創意設計園

5號倉[編輯]

6號倉[編輯]

  • 面積:2996㎡
  • 用途:存圍繞大米嘅範圍啲糧食
  • 而家係:懷舊電影院

7號倉[編輯]

(同上面一樣)

8號倉[編輯]

  • 位置:倉庫最北邊
  • 面積:3386㎡
  • 用途:存白糖
  • 之前係:兩層樓嘅倉樓
  • 而家係:遊艇俱樂部

註:之前8號倉喺文革嗰時燒冧咗

主體功能[編輯]

太古倉碼頭嘅開發區域入面,一共搞咗碼頭、倉庫、露天經營區同埋娛樂綜合功能區呢4個大區嚟開發。

碼頭[編輯]

太古倉碼頭區域一共起咗20個遊艇泊位,全部都喺2012年12月25號開始投入營運使用。而佢啲遊艇嘅主營業務包括咗會籍銷售、遊艇銷售、遊艇靠泊、遊艇租賃、婚紗攝影、船牌培訓同配套餐飲等。

倉庫[編輯]

  • 1號倉:國際葡萄酒採購中心
  • 2號倉:國際葡萄酒採購中心
  • 3號倉:太古倉展示庫
  • 4號倉:太古倉時尚創意園
  • 5號倉:太古倉時尚創意園
  • 6號倉:太古倉電影庫
  • 7號倉:洛奇西餐酒廊
  • 8號倉:唐苑酒家
  • 保稅倉:南粵嘉宴大酒樓

碼頭邊同南廣場嘅露天經營區[編輯]

借鑒鬼佬地區嘅漁人碼頭嚟結合太古倉碼頭嘅工業遺址特性,再引入集裝箱嘅元素,最後通過有規則嘅拼裝同綠化先至起成有強烈項目印記兼可以滿足日常經營嘅戶外經營場地。重引入咗咖啡吧、酒吧、餐吧同遊艇銷售等業態而提供咗漁人碼頭式嘅時尚、休閒消費嘅嘢。

後邊嘅大區[編輯]

後邊嘅大區一般係搞高端展示、零售、休閒娛樂嘅嘢。

附近嘅交通[編輯]

睇埋[編輯]

[編輯]

  1. 见证广州历史变迁的八大古码头 IN岭南 金羊网
  2. 《近代廣州口岸經濟社會概況—粵海關報告彙集》就話咗:「太古公司呢呢間公司產業嘅白蜆殼地段起咗3個碼頭,分別喺1904年11月、1906年12月同1908年6月起好。」
  3. 广州 广府观澜:百年风雨太古仓 互聯網檔案館歸檔,歸檔日期2014-04-21.,城市联合网络电视台 华南电视 2013-01-14 转载羊城晚报

出面網頁[編輯]