屠龍點數

出自維基百科,自由嘅百科全書

屠龍點數粵拼tou4 lung4 dim2 sou3英文dragon kill points,簡稱「DKP」)係常見於 MMOG用語,指按各玩家嘅貢獻分配戰利品嘅做法。喺 MMOG 當中,團隊作戰嘅玩家喺打贏之後,會得到一啲戰利品(遊戲內部嘅貨幣同道具等等),而啲戰利品要點樣喺玩家之間分係一個問題;屠龍點數係一種常見嘅做法,指遊戲程式用某啲指標量度玩家喺場對局當中作出嘅貢獻有幾大,並且按呢個指標決定點分配戰利品,例如係量度每個玩家嘅殺敵數量、對敵人總共造成咗幾多傷害、以及個人得分幾高等,跟手再將最正嗰啲戰利品分俾對團隊作出咗最多貢獻嘅隊友(分到幾多戰利品視乎喺「屠龍」過程當中得到幾多「點數」而定)[1]

屠龍點數嘅做法有人鍾意有人唔鍾意:有啲人覺得屠龍點數令到隻遊戲公平啲,每個玩家都會按佢嘅貢獻得到獎勵;但又有玩家認為,屠龍點數嘅做法搞到玩家好多時吓吓計住自己有幾多屠龍點數,而忽略咗玩遊戲最緊要係過癮引用錯誤 <ref>標籤開頭格式有錯或者個名唔啱

睇埋[編輯]

[編輯]

  1. Malone, Krista-Lee (2009). "Dragon Kill Points: The Economics of Power Gamers". Games and Culture. 4 (3): 296–316.