屬人主義

屬人主義 (拉丁文：Jus sanguinis; 意為“血統嘅權利”) 係對國籍嘅基本概念之一，通常同屬地主義相對。屬人主義就係一個國家嘅公民應該由佢嘅血統，即係父母嘅國籍身份，而決定。除咗國籍之外，呢個概念亦都可以喺唔同嘅文化或者種族嘅認同上使用。^[1]相反，屬地主義嘅概念就係國籍應該由一個人嘅出生地而決定，而唔係取決於佢父母嘅國籍。^[2]

今時今日，基本上所有國家都合并呢兩個主義嚟決定一個人嘅國籍，不過比較著重邊個就視乎每個國家自己^[3]。有啲國家先考慮出生地，而有其他國家先考慮父母嘅國籍，如果冇或者不知名先至會睇出生地。

現代發展

喺19世紀尾，法德兩國喺呢件事情上面有爭議。德國學家 Johann Fichte 表示相信一個“客觀嘅國籍”，所以應該以一個人嘅血統、種族、或者語言而決定佢嘅國籍^[4]。不過，法國學家 Ernest Renan 就表示反對呢個睇法，話應該開放一個比較配合共和主義嘅國籍系統，所以應該以一個人嘅出生地而取決佢嘅國籍^[5]。呢個有可能同兩個國家當時對主要係講德文嘅阿爾薩斯-洛林（Alsace-Lorraine（英文：Alsace-Lorraine））嘅控制權爭議有關係。

主義兩用

好多國家都係兩用屬人主義同埋屬地主義。例如，美國國籍法容許基本上所有喺美國國内出世嘅人擁有國籍（屬地主義），亦同時為所有至少有一位父母係美國公民嘅人提供美國國籍（屬人主義）^[6]。同樣，英國為所有英國公民嘅後代提供國籍，不過喺出生地上面就有某啲其他條件嘅限制^[7]。

全球大約60%嘅國家都對屬地主義有部分條件嘅限制，主要同避免大量嘅生育旅行有關。同時，而聯合國呼籲所有國家都包含屬地主義作爲決定國籍的一部分，希望可以用呢個方法嚟解決無國籍嘅問題。^[8]

因爲國界而複雜化

有唔少現今嘅歐洲國家都係由奧匈帝國、鄂圖曼帝國、同埋蘇聯而獨立出嚟，唔過呢啲新嘅國家，因爲帝國時期嘅人口移動，而有唔同種族嘅人，唔能夠一刀切净係用血統嚟決定國籍。

喺好多情況，主要用屬人主義嚟決定國籍嘅國家都需要有其佢協定，嚟為國内嘅少數民族提供保護。歷史上，唔少人因爲冇呢個保護，而移民離開佢哋住嘅國家返籍貫嘅地方。到今日都主要用屬人主義嘅國家包括：意大利、希臘、土耳其、保加利亞、黎巴嫩、亞美尼亞、匈牙利、同埋羅馬尼亞。所有呢啲國家都有國際條約嚟延申國籍俾國内嘅少數民族^[9]。

睇埋

攷

↑ Kostakopoulou, Dora (2008). The Future Governance of Citizenship. Cambridge University Press. pp. 26–27. ISBN 9781139472449.
↑ Vink, Maarten Peter; de Groot, Gerard-René (November 2010). "Birthright Citizenship: Trends and Regulations in Europe" (PDF). Florence: European University Institute. p. 35. 原著 (PDF)喺26 November 2012歸檔. 喺23 August 2012搵到.
↑ Solodoch, Omer; Sommer, Udi (2020). "Explaining the birthright citizenship lottery: Longitudinal and cross‐national evidence for key determinants". Regulation & Governance. 14: 63–81. doi:10.1111/rego.12197. S2CID 158447458.
↑ Breazeale, Dan (2022), "Johann Gottlieb Fichte", 出自 Zalta, Edward N. (編), The Stanford Encyclopedia of Philosophy (第Spring 2022版), Metaphysics Research Lab, Stanford University, 喺2022-05-30搵到
↑ Renan, Ernest (1882). "What is a Nation?" (PDF). UC Paris.
↑ "Acquisition of U.S. Citizenship by a Child Born Abroad". travel.state.gov. 喺2023-07-02搵到.
↑ "Check if you're a British citizen". GOV.UK (英文). 喺2023-07-02搵到.
↑ "Ensuring that no child is born stateless" (PDF). UNHCR. 喺2023-07-02搵到.
↑ By Descent, Italian Citizenship. "Italian Citizenship by Descent - Italian Citizenship Jure Sanguinis | IDC". Italian Dual Citizenship.

[1] Kostakopoulou, Dora (2008). The Future Governance of Citizenship. Cambridge University Press. pp. 26–27. ISBN 9781139472449.

[2] Vink, Maarten Peter; de Groot, Gerard-René (November 2010). "Birthright Citizenship: Trends and Regulations in Europe" (PDF). Florence: European University Institute. p. 35. 原著 (PDF)喺26 November 2012歸檔. 喺23 August 2012搵到.

[3] Solodoch, Omer; Sommer, Udi (2020). "Explaining the birthright citizenship lottery: Longitudinal and cross‐national evidence for key determinants". Regulation & Governance. 14: 63–81. doi:10.1111/rego.12197. S2CID 158447458.

[4] Breazeale, Dan (2022), "Johann Gottlieb Fichte", 出自 Zalta, Edward N. (編), The Stanford Encyclopedia of Philosophy (第Spring 2022版), Metaphysics Research Lab, Stanford University, 喺2022-05-30搵到

[5] Renan, Ernest (1882). "What is a Nation?" (PDF). UC Paris.

[6] "Acquisition of U.S. Citizenship by a Child Born Abroad". travel.state.gov. 喺2023-07-02搵到.

[7] "Check if you're a British citizen". GOV.UK (英文). 喺2023-07-02搵到.

[8] "Ensuring that no child is born stateless" (PDF). UNHCR. 喺2023-07-02搵到.

[9] By Descent, Italian Citizenship. "Italian Citizenship by Descent - Italian Citizenship Jure Sanguinis | IDC". Italian Dual Citizenship.

[1]

[2]

[3]

[4]

[5]

[6]

[7]

[8]

[9]