廣州市美華中學

廣州市美華中學 Guangzhou Meihua Middle School
位置
西村西增路33號
明細
校訓	博　愛　精　誠
成立	1923年
停辦	2022年7月
校區	荔灣區
級別	廣州市一級學校
網站	http://gzmeihua.lwedu.net.cn

學校正門

 廣州市美華中學（粵拼：gwong2 zau1 si5 mei5 waa4 zung1 hok6） ，文革期間嗌過廣州市第59中學，係中國廣東廣州嘅一間初中三年全日制中學，1923年開辦，2022年2月18號同廣州市第1中學合併而停辦，位置喺荔灣區西村西增路33號（舊時西村美華崗一帶）。

校服色

美華中學曾經用過嘅校服
註：長衫有三個唔同品種，詳細睇維基同享。

棉褸

　　相間。領同袖口都係　，正背面係上　下　，分界線成鈍角嘅V字形；袖色上　下　，分界線成斜線，位置喺胳肋到第一關節之間。左右對稱。

長袖

• 衫：　　相間，領同正反面都係純　，袖口同兩袖都係　但兩袖上頂部分各有兩條中等厚度嘅　／　／　線。
• 褲：純　。

短袖

• 衫：　　　相間，左右對稱，有領冇紐扣。領同袖口都係　帶兩條　線；兩袖　，頂部帶兩條中等厚度嘅　線。正反面都係純　。
• 褲：純　。

史

19世紀尾，美國俄亥俄州公理宗基督徒組織咗個教會團體派教士到中國傳教，其中包括咗伍賴信。直到1919年，雖然個基督教團體準備結束傳教返去美國，但伍氏自願留咗落嚟，開始辦理教育同放棄傳教，同香港公理堂牧師——翁挺生、先施公司總經理——鄭干生，一齊出錢整間「美華學校」嘅平民學校出嚟。初期揀咗喺粵漢鐵路西村車站（今日嘅廣州西站）附近，但嗰時嚿地重係笪山旮旯地方，加上距離市區比較近。由於嗰時交通唔發達，凈得石板路先至去到呢間學校，而且要通過步行40～50分鐘路程先至到。由於嗰時孫文同伍廷芳贊助同支持起呢間學校而出動咗好多人，以公開價格賣咗菜地同山墳。1921年用咗「美華教育會」個名，將一細嚿地段同好多座山坟夾埋大概70畝地，以零星立契形式嚟收購嗮。隨後學校正式動工，直到1923年起好。

學校開辦初期由非中國大陸勢力睇實，直到1929年先至畀咗中國人睇住。抗日戰爭時期，受到廣州淪陷同埋日軍飛機狂轟濫炸嘅影響，學校搬到香港一帶繼續辦學，直到1945年日軍投降後先至返嚟廣州。返到廣州後，由於負責管理呢間學校啲人，好少甚至冇人知由美國教會出錢起嘅，加上重係美國教會睇實呢間學校，佢可以隨時變賣學校改成其它用途。所以決定喺美華學校買嘅地、起校舍都由中國人搞掂，重規定凈可以辦中國教育事業用途。伍賴信咗呢個主張之後以無條件形式畀咗中華基督教廣東公理傳導會嘅校導會睇實，甚至喺1949年10月14號研究同決定，1950年畀咗廣州市人民政府接收學校資產而避免俾美國基督教機構攞美華中學嚟改成其它非教育用途，1951年1月畀埋廣州市文教局（今日嘅廣州市教育局）嚟睇實校政，學校亦改名做粵秀師範學校。

學校改名後，1952～1955年變成廣州師範學校嘅初師部、幼師部、速師部，嗰時協和同真光一齊同辦。1956年改成幼兒師範學校，1962年加開附屬中學班。1968年，由於文革爆發，受到破四舊浪潮影響，學校亦改名做廣州市第五十九中學。1978年改革開放後，學校亦開始加速發展，2003年，荔灣區教育部門調整教育佈局後，學校亦改成初中三年全日制學校。

2005年升級成廣州市一級學校。2006年10月，學校改返之前嗌過嘅廣州市美華中學，同年亦評為廣東省綠色學校。

2022年2月18號，廣州市荔灣區教育局印發《2022年荔灣區中學佈局優化方案》，計劃將廣州市真光中學、廣州市第1中學、廣州市第4中學、廣州市西關外國語學校、廣州市南海中學分別對11間中學搞授權制辦學模式，促進新校、邊遠學校、相對薄弱學校教育教學品質同埋提升整體嘅辦學水準。重嗌廣州市第1中學負責收購呢間學校而正式落實。令辦咗99年嘅美華中學正式成為歷史。

註同攷

註

攷

連出去

• 广州美华中学史料 廣州文史

出面網頁

• 廣州市美華中學嘅官方網站