廣州市腦科醫院

出自維基百科,自由嘅百科全書
Jump to navigation Jump to search
廣州市腦科醫院(周門門診部)

 廣州市腦科醫院粵拼gwong2 zau1 si5 nou5 fo1 ji1 jyun2 ,又嗌廣州市精神病院gwong2 zau1 si5 zing1 san4 beng6 jyun2廣州市惠愛醫院gwong2 zau1 si5 wai6 oi3 ji1 jyun2,係中國廣東廣州地區,專門醫精神病腦科疾病為主嘅三甲醫院,大清光緒廿四年二月初七(1898年2月28號)創辦,有兩個院區同一個門診部。

佢係中國大陸最早嘅西醫精神病醫院[1]。其中佢嘅芳村院區喺廣州老街坊心目中出嗮名。因為廣州街坊口頭上講嘅「芳村癲狂院」或「從芳村出嚟」、「捉你去芳村」、「傻十」呢啲鬧人短語都係指呢間醫院[2][3]

詳細位置[編輯]

[編輯]

間醫院係由美國基督教長老會喺1898年2月28號開始創辦,初期嗌過基爾氏醫院英文John Kerr’s Hospital)兼隸屬教會機構。1926年,廣州市政府成立咗間複性醫院,第二年因為基爾氏醫院爆出經費短缺及工人罷工,令醫療業務一度停辦,加上嗰時嘅醫務領事會冇心去搞呢單嘢而畀咗廣州市政府[註 1]睇實。1927年3月1號開始接手惠愛醫院而將醫院分別改名做廣州市立第一、第二神經病院。1935年6月又收購咗惠愛醫院冚唪唥物業[註 2]。同年12月26號將第一神經病院撤銷兼合併,變成廣州市立精神病療養院。1938年10月廣州淪陷,政府撤走之前,醫院畀咗廣州天主教會睇實直到日軍投降為止。1949年10月14號解放軍攻入廣州,同年12月俾廣州市軍管會派人接手,改名做廣州市市立精神病院。5年半後改名做廣州市精神病院,三年又一季後又改名做廣州市精神病防治院

1969年因受破四舊浪潮影響而改名做廣州市第十人民醫院,直到1973年改叫廣州市精神病院。但院方後嚟考慮到個名喺廣州街頭有一定鬧人含義,喺2000年又改名做廣州市腦科醫院

註同攷[編輯]

  1. 呢度講嘅廣州市政府係民國時期嘅稱呼,唔係1949年由中共接手嘅廣州市人民政府
  2. 惠愛醫院冚唪唥物業當中,亦包括咗惠愛二院同培英中學初中部。
  1. "广州市文化广电新闻出版局-广州市文物保护单位-惠爱颠医院旧址". 广州市第三次全国文物普查领导小组办公室. 广州市文化广电新闻出版局. 喺2013-06-19搵到. 
  2. 历史悠久的广州市精神病院 360Doc个人图书馆
  3. ""十下十下"咩来由". 南方都市報. 南都网. 2014-05-21. 

出面網頁[編輯]