廣州購書中心
廣州購書中心（粵拼：gwong2 zau1 kau3 syu1 zung1 sam1）係中國廣東省廣州市嘅一間比較出名嘅大型實體書店，喺天河區天河路123號。呢間書店喺1994年11月23號開業，喺2014年9月29號[1]到2015年2月16號期間[2]試過閂門裝修。而家已經發展到搞賣圖書為主同賣一系列文化用品喺埋一齊嘅大型文化企業。呢間嘢嘅年銷售額去到3.8億蚊，排喺中國內地嘅大型書城第二。呢間書城係廣州新華書店屬下嘅一間大型購書中心，有「神州第一書城」嘅名。
廣州購書中心有10層樓咁高，營業面積去到1.8萬平方米，入面主要搞埋圖書、音像製品、電子出版物同配套文化用品。大樓入面重有成幾十家經營品種同埋唔同風格嘅民營書店同場快餐廳、咖啡檔、眼鏡廊、鋼琴城、畫廊、藝坊、文化體育用品等配套經營嘅商舖響度。呢間嘢重有黃埔分店同埋肇慶嘅時代廣場店。
