廣東協和神學院

廣東協和神學院
Guangdong Union Theological Seminary
校訓	靈性　信德　慧覺　尚行
開辦	1914年
類型	公立
校址	白雲區東平中路9號
網站	http://www.gduts.org

 廣東協和神學院（粵拼：gwong2 dung1 hip3 wo4 san4 hok6 jyun2） （英文：Guangdong Union Theological Seminary）係中國廣東廣州嘅帶有宗教性嘅專科學院，1914年創辦，位置喺白雲區永平文盛莊，東平中路9號。

學校主要圍繞基督教同天主教嘅教學為主。

名

校名係由美國長老會、加拿大長老會、紐西蘭長老會、英國倫敦會、美國公理會、美國同寅會、英國聖公會同埋英國循道會、中華基督教會廣東協會、中華聖公會華南教區、中華基督教循道公會華南教區呢11間公會一齊聯手搞時改出嚟。

史

1914年，美國長老會、加拿大長老會、紐西蘭長老會、英國倫敦會、美國公理會、美國同寅會、英國聖公會同埋英國循道會、中華基督教會廣東協會、中華聖公會華南教區、中華基督教循道公會華南教區呢11間公會先後加入而一齊開辦咗呢間學校，專門解決嗰時廣東地區太少基督徒基督教會傳導人士嘅問題，期間嗌過廣州基督教高等協和神導學校，位置喺西關寶盛沙地大街（今日屬荔灣區逢源路一帶）倫敦會嘅大樓開辦。1918年搬到芳村白鶴洞繼續辦，重先後起咗好幾間堂解決咗學生住宿問題，1919年改名做廣州協和神學院（英文：Canton Union Theological College）。後嚟兩廣浸信會聯會、粵贛信義會總會、崇真會總會同埋禮賢會總會加入，令學校一度成為嶺南大學（今日嘅中山大學）屬下嘅學院——嶺南大學協和神學院。雖然學校喺1960年停辦，但1986年複辦。複辦無耐，主辦方為咗表示對神學院嘅歷史傳承同服務廣東教會嘅意思而改名做廣東協和神學院，期間凈得兩年制專科，位置喺東山區（今日嘅越秀區）寺貝通津嘅基督教東山堂入面開辦，1992年改成三年制專科，1994年搬到荔灣區沙面嘅聖公會主教樓繼續辦。2001年11月30號向北搬到白雲區永平文盛莊入面繼續開辦。2009年初開始招收本科學生。

出面網頁

• 廣東協和神學院嘅官方網站