新世界七大奇蹟

新七大奇蹟最後入圍國家

新世界七大奇蹟由瑞士一個叫New Open World Corporation（簡稱NOWC）發起，全世界嘅人都可以上網或者電話設票，選出一個新嘅世界七大奇蹟，取代舊嗰個世界七大奇蹟，新七大奇蹟評選活動由1999年開始，結果喺2007年 7月7號喺葡萄牙里斯本當地時間 9 點半公布。

緣起[編輯]

1999年瑞士生意人兼探險家韋伯（Bernard Weber）發起新七大奇蹟評選，到2005年 11月24號總共有 177 件古蹟入圍。入圍資格包括：要係人工建築，要喺2000年之前落成，重要仲保存得好好。2006年 1月1號，選出最後 21 個入圍者^[1]。

廿一個候選奇蹟之中，埃及吉薩金字塔票數遠遠拋離對手。有埃及官員話，吉薩金字塔入選無可爭議，如果重要投票先當選會係一種「羞恥」^[2]，結果 NOWC 同意埃及金字塔「自動當選」。換言之，投票結果公佈時，會有八大奇蹟^[3]。

約旦佩特拉古城喺1月時只係排中間，但經皇室同民眾積極推，升咗入七大。

爭議[編輯]

有批評指韋伯搞呢次世界七大奇蹟選舉其實只係想自我推銷同乘機賺錢，而且選舉亦唔公平，因為咁樣選舉除咗無防止重複投票嘅機制之外，上唔到網嘅人亦投唔到票，而且投票動機多數出於民族情感，唔夠客觀。西班牙藝術史學家塞拉列爾（Francisco Calvo Serraller）就話：「藝術品邊可以用選舉嚟衡量架？」。亦有人擔心選出嚟嘅古蹟，會被只係掛住搵錢嘅人過度發展旅遊，而對呢啲古蹟造成損害^[4]。聯合國教科文組職（UNESCO）話個投票只係反映啲有能力投票嘅人嘅睇法，唔代表啲投唔倒票嘅人^[5]。

新七大奇蹟候選名單[編輯]

最後廿一個入圍者 ^[6]（跟英文名字母次序排）：

候選奇蹟	特質、買點	地點
雅典衛城	文明、民主	雅典，希臘
阿罕布拉宮	尊貴、對話（Dialogue）	格拉納達，西班牙
吳哥窟	靚、聖潔	吳哥，柬埔寨
瑪雅遺址	祟拜、智識	尤卡坦，墨西哥
耶穌像	歡迎、開放	里約熱內盧，巴西
羅馬鬥獸場	喜悅、痛苦	羅馬，意大利
復活節島石像	神秘	復活島，智利
艾菲爾鐵塔	挑戰、過程	巴黎，法國
萬里長城	堅定、迄立不倒	北京，中國
聖蘇菲亞大教堂	信心、尊敬	伊斯坦堡，土耳其
清水寺	簡潔，寧靜	京都，日本
克里姆林宮、莫斯科紅牆、聖巴索大教堂	堅毅、象徵	俄羅斯莫斯科
馬丘比丘（秘魯印加遺址）	社區	庫斯科，秘魯
新天鵝堡	奇幻、想像	富森，德國
佩特拉	工程、保護	約旦
吉薩金字塔（自動當選）	永恆	埃及
自由神像	寬容、希望	紐約，美國
巨石陣	神秘	阿姆斯伯利，英國
悉尼歌劇院	創意	悉尼，澳洲
泰姬陵	愛情、激情	阿格拉，印度
廷巴克圖	智慧、神秘	馬里