晉城街

  提示：呢篇文講嘅唔係駿昇街。

晉城街係香港一街，喺石塘嘴皇后大道西，北低南高，成曲尺形，另一端掘頭，轉角位有小段曲尺梯級，上山道近加倫臺。街拆咗，化成石塘咀市政大廈，英文寫Chun Sing Street。原本市政局想叫晉城市政大廈，但至終決定現名，至終晉城個名無留落來。

香港年鑑有記，晉城街，「在大道西四六六號側」。大道西即皇后大道西。

條街亦稱為食街。成帶有租客，有貨倉。皇后大道東一頭，曾食檔林立，雲吞麪檔，又有賣其他嘢食。一九六五年，為交通而拆咗一啲住宅。

一九七四年市政局諗好要起大樓，綜合街市、文化同體育。之後收樓。一九七七年到七九年間拆樓，化成吉地當公園，而條街，要到一九八三年打後先至拆，正式起市政大廈。

晉城街梯級，再後先拆。市政大廈中間，又起過條新，做成山道出入口。

按將軍澳有條駿昇街，英文寫法一樣。

通道

市政大局新造山道條梯，就似替代晉城街條梯

晉城街可謂上落山涌道，由皇后大道，行過晉城街，再上樓梯，直上山道。再上樓梯，就上到般咸道。無咗晉城街，就行市政大廈，再出樓梯上山道。後來而言，就為街坊老人家集體回憶。

屋宇

舊時晉城街，唐樓滿街，唐樓要係戰前嗰隻，有啲內裏木搭，得幾層高。屋都有大露臺。

史

戰前，石塘嘴曾有塘西風月，妓院林立，有戲院，依帶甚旺。

街名可追到一九一九年十月十七號，當日刊憲，定名晉城街。

按播音人李我自述，街中有間私塾，叫凱銘學塾，儒生陳凱銘所開。陳先生大清翰林，成七十幾歲。李我後生時喺處讀書。

一九三四年五月十四號，晉城街同加倫臺，有場大火。話說晉城街尾以東，介乎皇后大道同加倫臺之間，有煤氣總局，內有火井，亦即煤氣鼓。當年，火井漏煤氣大火，氣火由鼓中第二層噴出，一時間燒，先有小聲，後有巨響，煤氣同火，波及周圍，乘風東南上升，遠燒至遇安台同保德街，火舌去到般咸道，熱氣迫到香港大學。至近晉城街，有牆阻擋，氣轉升燒着加倫臺，晉城燒得遲，只燒到十四、十五、十六、十七、十八號，有人傷，無人死。加倫臺燒得至勁，死傷至多。火燒兩三粒鐘，搞到幾百人無家可歸，或驚波及走難街上，金陵酒家同其他商家舖面，都塞滿衣衫。喺爆炸之時，巴基斯坦看更兩人，即刻走開咗緊急系統，放晒啲氣入海。無奈佢因而殉職，火井為此立咗神位。一九六五年，起成西環大廈，仍奉有神位。二〇一五年個拆埋，改建翰林峰，神位已失。

一九七四年，市政局打算收晉城街地，起市政大廈。拆咗樓並未即時起大廈，化成吉地，畀人當公園咁玩。