朝香宮鳩彥王

出自維基百科,自由嘅百科全書
跳去導覽 跳去搵嘢
Prince Asaka Yasuhiko.jpg

朝香宮鳩彥王(日文:朝香宮鳩彦王/あさかのみややすひこおうAsaka-no-miya Yasuhiko Ō1887年10月20號1981年4月12號)係朝香宮第一代當主,久邇宮朝彥親王第八個仔,同時係陸軍大將。響南京大屠殺入面,佢係一個重要、又好有爭議嘅負責人之一,但係最後麥克阿瑟決定唔起訴佢[1]。響皇籍脫離之後,佢改名叫朝香鳩彥(日文:朝香 鳩彦/あさか やすひこ )。

經歷[編輯]

響1887年,鳩彥王出世,係朝彥親王第八個仔。

響1906年,明治天皇批準鳩彥王另起一個宮家,命名為朝香宮,而靈感嚟自伊勢國嘅朝香山。1908年,鳩彥王畢業於陸軍士宮學校,同年年尾升上做陸軍少尉,任職近衛步兵第二連隊。1910年,鳩彥王同明治天皇第八個女允子內親王結婚,做咗明治天皇嘅女婿。

後生個陣嘅鳩彥王,當時佢啱啱陸軍士宮學校畢業

響1914年,佢畢業於陸軍大學校,同年畀人調去步兵第六十一連隊中隊長。1922年,佢去法國留學,同行嘅有堂大佬北白川宮成久王同埋細佬稔彥王。第二年響巴黎郊外,成久王同鳩彥王揸嘅車發生意外,成久王傷重死亡,而鳩彥王就背部受重傷。因為受咗傷,所以佢要留響法國治療。長期響法國生活,令到鳩彥王鍾意咗法國文化,影響埋佢後嚟嘅人生。

當時做緊上海派遣軍司令嘅鳩彥王

返嚟日本之後,佢先後升上陸軍少將同埋陸軍中將,做過步兵第一第團長、近衛師團長同埋軍事参議官。響1937年,日本發動侵華戰爭,而鳩彥王接替因病而唔做嘅松井石根,出任上海派遣軍司令,期間曾經指揮日本軍攻打南京,仲支持「殺死全部俘獲人員」,因而畀人話係南京大屠殺重要負責人之一[2][3]。1938年,佢同松井石根畀人召回日本,松井畀人調返嚟日本國內,而鳩彥王就繼續留響前線打仗。

響1939年,鳩彥王升為陸軍大將。之後響太平洋戰爭入面,鳩彥王堅持要日本海陸軍統一,同時佢仲要求換咗時任陸軍大臣杉山元。響1944年,鳩彥王聯同其他皇室成員加埋前首相近衛文麿,將當時日本首相東條英機趕落台[2]

響1945年,日本戰敗投降。雖然佢係指揮日本軍人攻打南京同埋有份導致南京大屠殺,但係最後麥克阿瑟決定唔起訴佢,原因之一係因為佢係皇室成員,起訴佢會引起騷亂。

1946年,佢辭任貴族院議員。1947年,響駐日盟軍總司令部指示底下,鳩彥王皇籍脫離,改名叫朝香鳩彥

皇籍脫離之後,佢移去熱海到住,過住休閒嘅生活,期間佢仲成日打高爾夫球(佢就係響法國學識打高爾夫)。響1952年,大仔孚彥個老婆千賀子過身,之後孚彥帶住一家大細去洗禮,而鳩彥都跟住一齊去受洗,做咗天主教徙。

響1981年,鳩彥過身,終年93歲。

屋企[編輯]

老豆:久邇宮朝彥親王

阿媽:妾侍角田須賀子

兄弟:大佬賀陽宮邦憲王---二哥久邇宮邦彥王---三哥梨本宮守正王---四哥多嘉王---五哥暢王---六哥無名(夭折)---老七鳩彥王(佢自己)---細佬東久邇宮稔彥王

老婆:允子內親王

[編輯]

  1. "日本皇室朝香宮鳩彥王為何能逃脫戰後的處罰?" (中文). 喺2020-08-22搵到.
  2. 2.0 2.1 World War II Database. Chen.
  3. David Bergamini (1971). Japan's imperial Conspiracy.
上一任
(新起)
朝香宮當主
1906年 - 1947年
下一任
朝香宮孚彥王