李百全

出自維基百科,自由嘅百科全書
李百全
Patrick Li Pak Chuen
2021年3月1號,廣播處長李百全喺香港電台廣播大廈正門外面履新。
香港電台廣播處長
現任
就任日期
2021年3月1號
前任梁家榮
個人資料
出世1968年(55–56歲)
 英屬香港

李百全英文Patrick Li Pak-chuen1968年—)係香港官員,2021年3月起做廣播處長

1990年8月,李百全加入香港政府政務職系。2019年4月晉升為首長級乙一級政務官。

2009年9月至2013年6月,佢做公務及司法人員薪俸及服務條件諮詢委員會聯合秘書處秘書長。2013年7月至2017年7月做民政事務總署副署長。2017年7月起做民政事務局副秘書長。[1]

2021年3月1號開始擔任廣播處長,接提前解約嘅梁家榮手。[1]佢一上任就郁香港電台嘅電視節目製作。[2]

爭議[編輯]

喺李百全上任香港電台台長之後,香港電台陷入咗好多關於編輯自主嘅爭議。民主派以及一啲溫和建制派嘅言論都試過畀人抽起或者過濾。

3月4號,李百全同港台各部門主管召開編輯會議,其中《鏗鏘集》、《視點31》同《香港故事》等重點節目被特別點名,要求之後播放嘅集數要經佢個人事先睇過,先可以對外廣播。其中《香港故事》嗰星期嘅受訪者、樂隊LMF歌曲夾雜住好多粗言穢語,佢認為「唔decent(唔體面)」,有「極端政治取態」,反問「點解唔揾另一種聲音」。佢明言,若果節目無法通過佢嘅公正測試,將無法廣播[3][4]。結果,李百全臨時抽起原定喺3月7號播出嘅《香港故事》,理由係指嘉賓主持、作家蔣曉薇曾經喺節目提到個人對反修例事件嘅睇法[5]

3月11號,李百全又再抽起原定喺當晚8點播出嘅《議事論事》,臨時改為重播行政長官卓越教學獎得主嘅舊節目《卓越教室》。節目網頁存檔顯示,當晚嘅節目會談及全國人民代表大會修改香港選舉制度,由港台記者陳月慧任主持,立法會主席曾鈺成喺「政事溫度計」環節中採訪前立法會議員李華明、國際政治學者袁彌昌,另外民主黨前主席劉慧卿亦會接受專訪,而喺同月18號播出嘅節目預告亦未見顯示[6]。據指,李百全喺節目播出前半個鐘決定抽起,並多次出通告,警告員工唔可以對外透露機密資訊,否則會視為違反《官方機密條例》或者《節目製作人員守則》[7]

3月17號,李百全抽起咗《卓越教室》、《環顧日常》、《聽出好戲勢》同《香港故事—幸福的繞道》四個節目,其中《卓越教室》由車牌查冊被控嘅港台編導蔡玉玲任編導,《環顧日常》有黃店渣哥」老闆娘譚小環出鏡,《幸福的繞道》訪問民主派初選案被捕人李芝融,以及因蠔涌爆炸品案被判入獄3年10個月嘅彭艾烈,《聽出好戲勢》由親民主派藝人黃秋生旁白[8][9]

原定喺3月29號播放嘅《鏗鏘集》節目《青春的一場修煉》被抽起,呢個節目探討反修例事件之後,八間資助大學只有香港理工大學學生會內閣當選並運作為嘅「斷莊」現象,受訪者包括香港中文大學學生會當選內閣「朔夜」、香港理工大學學生會成員、中文大學校董劉國勳同立法會教育事務委員會成員容海恩[10]。原定喺4月5號播放嘅《鏗鏘集》經過李百全睇過後亦不獲通過,或會被抽起。嗰集內容訪問前有線新聞中國組「過檔」眾新聞後嘅傳媒生存空間,內容無觸及各個傳媒政治光譜等議題。同樣由《鏗鏘集》團隊負責製作嘅《鏗鏘說》,主持蘇玉華被指「太黃」,遭到替換,改為民建聯兼中國聯合國協會理事林琳接任[11]。計劃4月2號播出嘅《鏗鏘說》同4月5號播出嘅《鏗鏘集》轉交綜合節目組和文教及康體組(原教育電視組)負責,但係同時未暫定原負責團隊公共事務組嘅工作,換言之兩個節目喺港台內部會有兩個製作版本[12]。另外,李百全計劃日後若果《鏗鏘集》同《鏗鏘說》唔符合要求,負責嘅製作人員將會被調查係咪涉及失職,甚至被追討製作費[13]

審查憂慮同反對《港區國安法》嘅意見[編輯]

5月21號,香港電台播出時政節目《議事論事》,自由黨榮譽主席田北俊提及美國商會喺5月嘅調查,指商界憂慮《港區國安法》撤走嘅部分,被港台聲稱唔中立刪走。當時田北俊提及商界嘅憂慮,受訪嘅在港美國會員入面,超過4成計劃離開香港。田北俊又談及47名民主派初選案被告,保釋一度全部被拒。之後田北俊傳媒查詢嘅時候,表明唔樂見內容被刪走,港台工會批評高層編委會,多次無視同事意見同編輯決定,踐踏團隊專業製作,而之前接受訪問之後被審查,最後訪問被抽起嘅袁彌昌亦指,田北俊陳述事實都唔得,而田北俊已是「安全系數」好高嘅親中派人物都俾人禁言,反映批評「國安法」是港台紅線[14]

參考[編輯]

  1. 1.0 1.1 . www.info.gov.hk. 喺2021-03-11搵到.
  2. 降廣播處長李百全要求過目鏘集《視點31節目 斥訪問 LMF 樂隊 decent | 立場報道 | 立場新聞. 場新聞 Stand News (英文). 原著喺2021-03-12歸檔. 喺2021-03-11搵到.
  3. 降廣播處長李百全要求過目鏘集《視點31節目 斥訪問 LMF 樂隊 decent. . 2021-03-04. 原著喺2021-03-12歸檔. 喺2021-03-13搵到.
  4.  . . 2021-03-04. 喺2021-03-13搵到.
  5. 港故事集抽起 員工:涉嘉賓提反修例心情. . 2021-03-09. 喺2021-03-13搵到.
  6. 事論事改選舉制度面控制 李百全再出刀抽起. 果日報 (香港). 2021-03-12. 原著喺2021-03-11歸檔. 喺2021-03-13搵到.
  7. 事論事抽起 多名港台員工封口不提 消息:廣播處長曾警告不能對外透露. . 2021-03-11. 原著喺2021-04-17歸檔. 喺2021-03-13搵到.
  8. 息指李百全再抽最少四集節目 包括蔡玉玲編導越教室 譚小環參演顧日常. . 2021-03-17. 原著喺2021-03-18歸檔. 喺2021-03-28搵到.
  9. 處長突抽走黃秋生旁白節目及譚小環短劇 腰斬多2集港故事. . 2021-03-18. 原著喺2021-03-17歸檔. 喺2021-03-28搵到.
  10. 晚播出鏘集抽起 內容涉大學學生會斷莊 - RTHK. . 2021-03-29. 喺2021-03-29搵到.
  11. 長李百全DQ蘇玉華嫌民建聯林琳主持鏘說 閹埋鏘集監製. . 2021-03-25. 原著喺2021-03-25歸檔. 喺2021-03-28搵到.
  12. 息:鏘集節目如未能過關被抽起 管理層擬懲罰編採團隊賠製作費. . 2021-03-27. 原著喺2021-03-27歸檔. 喺2021-03-28搵到.
  13. 台鏗鏘集屢惹是非 傳製作人員失職將被追討製作費. . 2021-03-27. 喺2021-03-28搵到.
  14. 頓港台《議事論事商界憂安法刪 田北俊:港台高層沒知會我. Radio Free Asia (英文). 喺2021-05-26搵到.