梁立人
梁立人，BBS（1948年4月22號—2020年7月11號），係香港傳媒人，喺中國大陸出世，祖籍廣東梅州。佢曾經做過紅衛兵[1]，文革後期又偷渡過嚟香港。嚟咗香港之後就報讀咗第一期嘅無線電視藝員訓練班，畢業後一年就轉任編劇，之後仲成為咗香港同華人影視界嘅編劇，亦都係香港同中文電視業嘅資深電視人、電影人，香港殿堂級嘅影視創作人，香港現代戲劇（電視劇、電影）創作鼻祖。梁立人都有從事平面新聞媒體評論主筆同管理層嘅工作，喺香港多家親建制派嘅平面媒體到開設專欄，就例如《東方日報》、《太陽報》、《文匯報》、《成報》等等，佢亦都曾經係《成報》嘅社長，係香港言論界嘅筆鋒人物。梁立人發明咗九方同快碼中文輸入法[2]，並將輸入法推廣到內地、台灣同東南亞。2020年7月11日，梁立人喺廣州醫院逝世，終年72歲[3]。
生平
[編輯]梁立人曾經做過香港麗的電視、香港亞洲電視、香港無線電視、新加坡新傳媒嘅管理層，亦都有做過好多間中文電視台電視劇創作部高管、新加坡廣播局戲劇處處長。佢曾經創作、主理咗過百部經典中文電視劇，例如香港電台電視部嘅《獅子山下》、《小時候》等等，香港亞洲電視嘅《大地恩情》、《變色龍》、《大內群英》、《我來自潮州》、《我同僵屍有個約會》等等，香港無線電視嘅《絕代雙驕》、《僵屍奇兵》、《大運河》、《成吉思汗》等等，新加坡電視劇《人喺旅途》、《霧鎖南洋》等等，台灣華視電視劇《包青天》等等，係香港首屈一指嘅編劇家，比人稱為「金牌編劇」、「香江戲劇神筆」。
梁立人主政香港同新加坡媒體期間，曾經協助香港麗嘅電視（及後嘅亞洲電視）、香港無線電視、以及新加坡廣播局組建戲劇創作組，為兩地電視文化帶入咗「創作主導製作」嘅方針策略同激活咗電視劇嘅創作文化。從此香港電視劇同新加坡電視劇就進入咗重視原創性、重視創新創意嘅階段。而梁立人亦都鼓勵唯才係用，喜歡起用新派模式同思維嘅創作人，令到香港電視劇喺七十年代開始至今進入題材鼎盛嘅百花齊放時代。
梁立人創造咗香港電視業嘅編劇制度，同時亦都創造咗香港電視劇「十字法」嘅編劇藍本同模式，並培育咗大批頂尖嘅編劇，例如張華標、陳靜儀、韋家輝、林超榮、黎文卓、鄭丹瑞、高志森、文雋、司徒慧焯、陳十三、周旭明、谷德昭等等嘅編劇名家，全部都係梁立人嘅徒子徒孫。梁立人幫助香港成立咗香港電影編劇家協會，並做咗副主席。目前梁立人穿梭中港兩地經常開班授徒，同埋香港中國內地好多個部門團體籌辦編劇訓練班，積極咁幫香港同內地培養優秀嘅編劇人才，激活香港同內地新生代嘅創意同創作能力[4][5]。
唔單止幕後人才，梁立人亦都擅長喺發掘幕前精英嗰到。其實唔少原本名唔經傳嘅明星，都係由梁立人發掘重用，並幫手塑造出彩角色令佢哋成為咗天王巨星，例如影帝萬梓良、杜汶澤、姜大衛、謝雪心、馮寶寶、陳庭威等等。
梁立人亦都係作詞人，曾經創作過好多首經典粵語歌曲。而其主編嘅電視劇《獅子山下》係香港電視史、中文電視史上膾炙人口嘅經典。
其父親係前中國國民黨軍官，家族顯赫，曾經喺內地文化大革命期間，家族比人打成右派，而梁立人亦都要成為知青，其後喺上山下鄉期間，游水偷渡嚟香港。之後佢喺著作《大逃港》到都有細細講當中嘅辛酸經歷[1] Wayback Machine嘅版面存檔備份。
梁立人政治立場極其親共同親建制派，梁立人喺香港好多家報刊都不斷發表親共同親建制派嘅言論，亦都利用專欄文章傳播中央政府同特區政府嘅觀點同方針。
梁立人亦都係一位發明家，早年同劉文建合作，發明瞭快碼及九方輸入法，並且創立咗九方科技控股有限公司 Wayback Machine嘅版面存檔備份，仲做咗公司主席總裁。梁立人亦都將科技公司業務推廣到內地同東南亞。
生前部分公職
[編輯]- 香港編劇家協會副會長[6]
死亡
[編輯]2020年7月11日，梁立人上個月先換腎，本身好哋哋，不過出院嗰陣就有腸胃炎同低血壓，之後仲昏迷入ICU，最後佢就喺今朝早病逝，終年72歲。
評論文章
[編輯]- 《吃屎狗自白 Wayback Machine嘅版面存檔備份》－ 2004年3月4日香港太陽報
- 《司法獨立有如賭命 Wayback Machine嘅版面存檔備份》－ 2004年12月2日香港太陽報
- 《香港的耶穌 Wayback Machine嘅版面存檔備份》－ 2005年3月13日香港太陽報
- 《嫌貧愛富才是正確方向 Wayback Machine嘅版面存檔備份》－ 2005年3月20日香港太陽報
- 《令人作嘔的美式民主 Wayback Machine嘅版面存檔備份》－ 2005年3月25日香港太陽報 bad link
- 《大律師沒資格談公義 Wayback Machine嘅版面存檔備份》－ 2005年3月26日香港太陽報
- 《誰可以提請釋法？ Wayback Machine嘅版面存檔備份》－ 2005年3月29日香港太陽報
- 《一封卑鄙的來信 Wayback Machine嘅版面存檔備份》－ 2005年3月30日香港太陽報
- 《收了錢，不賣帳 Wayback Machine嘅版面存檔備份》－ 2005年4月21日香港太陽報
- 《端正紀綱 撥亂反正》－ 2005年4月21日香港文匯報
- 《平機會違法鼓吹同性戀》－ 2005年5月19日香港文匯報
- 《同志，請珍惜你的愛》－ 2005年5月19日香港太陽報
- 《冠名權風波》－ 2005年5月27日香港經濟日報
- 《彩虹搞事號》－ 2005年10月12日香港東方日報
- 《我們不會被燒死》－ 2006年1月25日香港東方日報
- 《壓力豈能作遊行理由》－ 2006年1月26日香港東方日報
- 《我做了很多好事》－ 2006年1月27日香港東方日報
- 《公平對待港台》－ 2006年1月28日香港東方日報
- 《Google做得對》－ 2006年1月29日香港東方日報
- 《民主就是亂源 Wayback Machine嘅版面存檔備份》－2006年2月27日香港東方日報
- 《千萬不要民主[失咗效嘅鏈]》－ 2007年11月2日香港東方日報
- 《愛國就要支持共產黨》－ 2010年10月26日香港文匯報
- 《廿四味：艾未未是個什麼東西》－ 2011年4月18日香港文匯報
新聞組道嘅文章存檔
[編輯]參考
[編輯]- ↑ 大眾文存。〈電腦專家——「包青天」〉。原著喺2004-08-22歸檔。
- ↑ 〈上個月剛換腎 「幫主」梁立人廣州病逝〉。《聯合早報》。
- ↑ 〈資深電視人梁立人逝世 終年72歲曾任《我來自潮州》編劇〉。《香港01》。原著喺2020-12-25歸檔。喺2020-07-17搵到。
- ↑ 〈香港亞進内地辦編劇班〉。sina.com.cn。原著喺2015-02-17歸檔。喺2012-06-24搵到。
- ↑ 〈亞視編劇培訓班廣州開班 梁立人教學生「搵食本領"〉。ycwb.com。原著喺2005-09-13歸檔。喺2012-06-24搵到。
- ↑ 〈公道說話 - 香港文匯報〉。paper.wenweipo.com。喺2024-11-23搵到。