椰棗（粵拼：je4 zou2；學名：Phoenix dactylifera）係棕櫚科刺葵屬嘅常綠喬木，原產地喺西亞同北非地區，而家喺澳洲、西班牙、北非加拿列群島、馬德拉群島、佛得角、毛里求斯、留尼旺、沙地阿剌伯、伊拉克、伊朗、阿富汗、巴基斯坦、印度、以色列、伊朗；中國嘅福建、廣東、廣西、雲南、海南；斐濟、新喀里多尼亞；美國嘅加利福尼亞州、內華達州、阿利桑那州、佛羅里達州；波多黎各、墨西哥北邊、薩爾瓦多，開曼群島同多米尼加共和國入面都可以搵到佢。呢種植物喺大部分嘅西亞同北非嗰邊話佢係「沙漠嘅面包」，而伊拉克嗰邊就話佢做「綠金」。佢喺阿剌伯國家入面有住緊要嘅地位。
呢種樹一般有35m高，莖部有宿存嘅葉柄基，上邊啲葉係斜升上去，下邊啲葉係沊落嚟，搞出過比較疏嘅頭狀樹冠。而樹幹係高大挺直；而樹葉方面，一般有6米長；葉柄長而纖細，大多數係扁平；樹葉係披針形，羽狀複葉品種，叢生喺樹頂嗰度；頂部係短而逐漸變尖噉，葉色係灰綠色。而花嘅方面，佢係密集嘅圓錐花序，花公同花乸唔單止唔同樹，甚至連個樣都唔同：花公係白色嘅長圓形或蛋形兼有短柄品種，質地比較脆；而花萼好似個杯噉，花頂有3條镼嘅齒響度；而花瓣係3嚿斜嘅蛋形品種，有6條雄蕊出嚟，而花絲比較短；花乸嘅樣差唔多好似嗰波噉加咗個短柄上去；花萼同花公差唔多樣，但花後邊比較大，係花冠嘅½——⅓長度，而花瓣係圓形，有6條雌蕊出嚟，好似啲鱗片噉；佢嘅開花時間係每年嘅3、4月份。而佢嘅果方面，個樣係長嘅圓形或橢圓形，好似個棗噉，熟咗嗰時係深橙黃色，果肉比較多、味道亦都比較甜。果實入面有1粒中間扁平兩邊尖嘅核。佢一般喺9、10月份結果。
椰棗有比較禁（kam1）旱同熱、潮濕嘅天氣，甚至都幾禁（kam1）堿性泥地。而佢嘅樹齡可以去到成1個世紀都有。而佢啲核喺合適嘅環境，八成可以發芽。
可以用嚟做公園或庭院、綠籬嘅觀景植物同埋行道樹。佢嘅果實都係叫椰棗，可以整成各種糖果、蜜餞、高級糖漿、餅乾同菜，唔單止食得，更可以整成醋同酒精。佢嘅樹枝可以整凳同床、筐。而葉可以用嚟整掃把、被鋪、甚至整托盤、燃料都得；樹幹可以用嚟整農舍同橋樑；而佢嘅核可以用嚟做飼料；而質素差嘅椰棗會用嚟整肥料或飼料。
椰棗嘅果重可以用嚟做藥，佢有止痰、止咳、補虛損，消食嘅功效。
 喺阿聯酋當地種嘅椰棗 | 喺阿聯酋當地種嘅椰棗 |
 喺西班牙當地種嘅椰棗 | 喺西班牙當地種嘅椰棗 |
 喺沙地阿剌伯當地種嘅椰棗 | 喺沙地阿剌伯當地種嘅椰棗 |
 喺土耳其當地種嘅椰棗 | 喺土耳其當地種嘅椰棗 |
 喺北非沙漠地區入面種嘅椰棗 | 喺北非沙漠地區入面種嘅椰棗 |
 樹苗 | 樹苗 |
 莖 | 莖 |
 樹皮 | 樹皮 |
 樹冠 | 樹冠 |
 葉 | 葉 |
 花 | 花 |
 果 | 果 |
 果（啱啱結果無耐） | 果（啱啱結果無耐） |
 果（就快熟嗰時） | 果（就快熟嗰時） |
 果（熟咗之後） | 果（熟咗之後） |
 喺街邊買到嘅椰棗果 | 喺街邊買到嘅椰棗果 |
|
 喺阿剌伯地區國家入面，用椰棗整出嚟嘅屋。 | 喺阿剌伯地區國家入面，用椰棗整出嚟嘅屋。 |
 椰棗嘅果仁 | 椰棗嘅果仁 |
 喺阿剌伯地區嘅街市啲椰棗舖 | 喺阿剌伯地區嘅街市啲椰棗舖 |
|
- Nasrallah, Nawal. Delights from the Garden of Eden. First Books Library, 2003.
- Salloum, Habeeb. Classic Vegetarian Cooking from the Middle East and North Africa. Interlink, 2000, Brooklyn, NY, USA.
- Simon, Hilda. The Date Palm: Bread of the Desert. New York: Dodd Mead, 1978.
