模控學
跳去導覽
跳去搵嘢
模控學（英文：cybernetics）係研究動物同機械嘅控制同通訊嘅應用數學，由美國數學家諾伯特維納响 1948 年頭一次提出。
模控學專門研究能夠接收、儲起同處理資訊嚟自我控制嘅系統，例如人同電腦都屬於呢種系統：原則上，人能夠用感官感應外界嘅資訊、記住見過嘅資訊、同埋用呢啲資訊控制自己嘅身體，而機械都可以用感應器同記憶體等嘅技術做到類似嘅效果；事實係研究表明咗，只要有方法將人嘅神經線駁落去曉解讀神經訊號嘅機械嗰度，就可以俾一個人齋靠諗嘢嚟控制機械，將人同機械結合為一體，例子可以睇吓能夠按照用家意願郁動嘅神經義肢[1]。
理論模型[編輯]
好似下圖就係模控學一個基本模型：感應器（sensor）接收外界資訊，跟手將啲資訊傳去控制器（controller）度，而控制器傳命令落去移動部件（例：手腳嘅肌肉）嗰度令身體郁，最後身體郁引致周圍環境狀態改變，呢啲改變會由感應器探測得到。人同機械人都可以抽象化噉想像成下圖噉嘅物體。
相關嘅文[編輯]
參攷[編輯]
- ↑ Arbib, Michael A. (1987). Brains, machines, and mathematics (2nd ed.). New York: Springer-Verlag.
