檸檬七喜

出自維基百科,自由嘅百科全書
(由檸七跳轉過來)
Jump to navigation Jump to search
檸檬雪碧

檸檬七喜,通常簡稱檸七,係一種香港嘢飲,做法係直接將新鮮檸檬切片,放入七喜度,類似檸檬可樂,大概喺二十世紀末喺茶餐廳出現,佢嘅起源已經冇人知。茶餐廳嘅樓面為咗加快落單嘅速度,檸檬七喜會以佢簡稱檸七嘅廣東話諧音寫成「07」。

汽水放入檸檬嘅做法,喺東南亞都幾常見。其中越南就有一種青檸梳打嘅嘢飲,當地人將新鮮青檸切片,混入梳打水,再放入砂糖飲。不過梳打水喺香港並唔流行,港人一般習慣用七喜或同類飲品雪碧代替。 

鹹檸七[編輯]

鹹檸七,意思即係鹹檸檬七喜,係檸檬七喜嘅變化,做法係將鹹檸檬加入七喜汽水度,香港人相信呢種嘢飲品可以化,同樣受到歡迎。

大概1990年代後期,一啲茶餐廳開始推出鹹檸七,每杯價錢約十幾港紙。

睇埋[編輯]