跳去內容

歐洲共同語言參考標準

出自維基百科，自由嘅百科全書

歐洲共同語言參考標準[註 1]（英文：Common European Framework of Reference for Languages，CEFR），又叫歐洲語言共同參考架構[註 2]、歐洲語言教學與測試標準[註 3]（Common European Framework of reference for languages: learning, teaching and assessment[註 4]），係廿一世紀初常用嘅一套語言熟練度評估方案；由歐洲評議會喺2001年制定，2020年更新[2]。

CEFR 入面嘅語言程度等分 6 個等級，但係呢啲等級嘅準則都係 ｢去到邊個程度能夠做到乜｣，易於評估或者自我評估，比起傳統嘅分高中低級易用[3]。

標準

[編輯]
睇埋：語言熟練度

套方案將對一隻語言嘅熟練程度分做 6 個等級，並且對每個等級有一段詳細嘅描述，等語言老師可以輕易噉評定每個學生嘅語言熟練度去到邊個水平。

呢套方案假定咗學生喺度學緊一隻歐洲語言做第二語言，當中「歐洲語言」包括英文、法文、意大利文或者加泰羅尼亞話... 呀噉。套方案將「溝通能力有幾高」分咗做 6 個等級，並且對每個等級有一段詳細嘅描述，等語言老師可以輕易噉評定每個學生嘅溝通能力去到邊個水平[註 5]。以下係 CEFR 整體量表（global scale）嗰 6 等[4][5]：

等級組別 等級 描述
A
基本使用者 		A1
起步
  • 識得明同用熟悉嘅日常表達語句，能夠用啲好基本嘅短語嚟滿足實用需要。
  • 識得做自我介紹同介紹其他人，識得問同答有關「自己住邊」、「識得邊個人」同埋「擁有咩物品」等嘅個人資料相關提問。
  • 識得做簡單嘅互動，不過前題係對方肯慢慢同清楚噉講嘢而且有意慾幫手。
A2
途中
[註 6]
  • 識得理解句子同埋常用嘅表達語句，前題係啲句子語句係同即時用到嘅範疇（例如好基本嘅個人同家庭細節、買嘢、身處區域嘅地理、做嘢）有啦更嘅。
  • 識得喺簡單同例行嘅工作當中溝通，達致簡單直接噉交流一啲有關熟悉例行嘢嘅資訊。
  • 識得簡單唔花巧噉描述自己嘅背景、周圍環境同埋即時需要嘅嘢。
B
獨立使用者 		B1
跨進
[註 7]
  • 對於一啲有關工作、學校、休憩當中成日遇到嘅嘢嘅清楚標準語句，識得理解呢啲語句嘅要點。
  • 能夠喺嗰隻語言嘅使用地區度旅遊，並且能夠應付大部份嘅可能狀況，
  • 能夠就熟悉或者自己有興趣嘅題材，寫段簡單同連串嘅短文。
  • 能夠描述體驗同事件、描述自己有乜夢想、願望同埋志向，並且簡短噉為自己嘅意見同計劃畀理由同解釋。
B2
展望
[註 8]
  • 識得理解講實在或者抽象課題嘅複雜文章，能夠理解呢啲文嘅主要諗頭，包括係自己做嗰範嘅技術討論。
  • 能夠以有返咁上下高嘅流暢度同自主度互動，就算成日同母語使用者互動都唔會令其中一方覺得有困難。
  • 能夠就多種課題寫出清楚、詳細嘅文，並且就一個議題解釋一個觀點，講吓唔同選擇各有乜嘢利弊。
C
熟練使用者 		C1
進階
  • 能夠理解比較嚴峻同長嘅子句，並且認得到啲冇直接講明嘅意思。
  • 能夠自然流暢噉表達諗頭，同時冇明顯嘅詞窮狀況。
  • 識得有彈性同有效噉用語言嚟達致社交、學術同專業嘅目的。
  • 能夠就複雜課題寫出清楚、結構良好、詳細嘅文，展示收放自如嘅組織形式、連接詞同語句內聚。
C2
精通
  • 能夠輕易理解任何聽到或者讀到嘅嘢咁滯。
  • 能夠總括嚟自唔同書面或者口語來源嘅資訊，重構論證同解釋，並且有意思噉表達返出嚟。
  • 能夠自主、好流暢同精確噉表達自己，識得喺最複雜嘅環境下都分到一啲有微妙差異嘅意思。

睇埋

[編輯]

註釋

[編輯]
  1. ↑ 譯名見：〈歐洲共同語言參考標準 (CEFR)中的各個等級包含甚麼意思?〉 (香港中文)。香港大學專業進修學院。喺2024年8月30號搵到。。語言又譯語文。
  2. ↑ 譯名見：〈英語水平〉 (香港中文)。英國文化協會。喺2024年8月30號搵到。
  3. ↑ 譯名見：〈EnglishScore – 免費簡易英語測試〉 (香港中文)。英國文化協會。喺2024年8月30號搵到。
  4. ↑ 原文見：歐洲評議會 (2020)，頁 11。有時省略冒號[1]。
  5. ↑ 溝通能力好多時會當係等同熟練度，但呢種睇法唔係個個都贊成。
  6. ↑ 譯名參考：van Ek & Alexander (1977)
  7. ↑ 譯名參考：van Ek & Alexander (1977)；又："threshold". 《goo 辞書》 (日文)。喺2024年8月30號搵到 。Threshold 指入門程度，A 級係入門都未到。
  8. ↑ 譯名參考：歐洲評議會 (2001)，頁 35

參考書目

[編輯]

攷

[編輯]
  1. ↑ 歐洲評議會 (2020)，頁 19
  2. ↑ "Common European Framework of Reference for Languages: Learning, Teaching, Assessment" (英文). 歐洲評議會. 喺2024年8月30號搵到.
  3. ↑ Demirezen, Mehmet; Bakla, Arif (August 2007). "Testing the efficiency of a CEF-based Waystage (A2-level) syllabus" (PDF). The Reading Matrix. 7 (2): 82. 喺2024年8月31號搵到.
  4. ↑ 歐洲評議會 (2001)，頁 24, 33–36
  5. ↑ Introductory Guide to the Common European Framework of Reference (CEFR) for English Language Teachers (PDF). Cambridge University Press.
由「https://zh-yue.wikipedia.org/w/index.php?title=歐洲共同語言參考標準&oldid=2174236」收