死飛單車
_bicycle_locked_up.JPG)
死飛單車（粵拼：sei2 fei1 daan1 ce1，英文：Fixed-Gear Bicycle，日文：
歷史
[編輯]最早嘅死飛單車係出自美國紐約州嘅紐約市度，當時係啲另類嘅單車發燒友改裝出嚟嘅單車。而呢種單車之後係出現喺比賽場地度，到咗20世紀中葉，英國有部分單車發燒友就開始試下踹呢種單車喇[1]。
特徵
[編輯]呢種單車係有以下呢幾個特徵：
- 比較平、唔易畀人偷、速度快
- 呢種單車可以喺城市入面踹得好快下，而且唔使好多錢就買到，而呢種單車即使係賊仔偷咗之後，都好難踹得走，因為佢係一定要有好高嘅踹單車嘅技術先至使到。
- 造型簡單
- 呢種單車凈係用好少料就整到出嚟，而且幾舊嘅單車都好都可以裝番啲新時代嘅嘢響度，有好多時尚界嘅人用佢嚟做交通工具。
- 技術要求高
構造
[編輯]死飛單車係用咗以下呢19樣嘢整出嚟嘅：
- 車架、前叉
- 車頂圓組
- 豎桿
- 手把（佢分成彎把、牛角同、高把三種）
- 座管
- 座墊
- 中軸
- 曲柄、轉柄
- 踏板
- 靴套
- 皮帶
- 鏈
- 前轆
- 後轆
- 嵌轆
- 輪呔
- 刹掣杆
- 刹掣夾
- 刹掣線
揸死飛要注意嘅係
[編輯]雖然話呢種單車係好平，但係如估冇超級好嘅踹車技術，就好大機會出事。所以要注意：
- 踹死飛之前，一定要先學識點剎掣（重要滾瓜爛熟嗰隻，因為呢種單車一般係冇剎掣响度嘅）。
- 踹緊死飛嗰陣，一定要好集中精神去踹，半佬唔畀搞小動作。（因為死飛嘅最高時速可以去到50km/h且基本上都剎唔住掣嘅。）
- 由於死飛係冇剎掣同變速器响度，所以唔可以喺馬路度踹。
同單車、山地車嘅區分
[編輯]| 分類 | 山地車 | 公路車 | 死飛 |
|---|---|---|---|
| 煞掣力度 | 中 | 細 | 大 |
| 後座 | 冇 | 有 | 冇 |
| 外觀 | 複雜 | 簡單 | 超少材料 |
| 騎嘅過程 | 求穩 | 求快 | 求快 |
| 地形嘅適應 | 勁 | 渣 | 渣 |
| 長途嗰陣 消耗嘅體能 |
低 | 高 | 高 |
| 車柄線 | 直 | 彎 | 隨便 |
| 成部車嘅 風速阻力 |
大 | 細 | 大 |
| 上手最低要求 | 低 | 高 | 極高 |
| 價錢 | 貴 | 中 | 平 |
| 牙煙程度 | 低 | 中 | 高 |
| 剎掣功能 | 有 | 有 | 冇 |
| 公路入面 出事機會 |
低 | 低 | 高 |
| 倒轉踹嚟行 | 唔得 | 唔得 | 可以 |
| 控制速度 | 完全掂 | 一般 | 簡直唔掂 |
合法性
[編輯]雖然後生鍾意踹死飛，但由於安全隱患大，所以好多國家都出法規限制死飛入馬路度踹：
澳洲
[編輯]澳洲各個州都話單車係機動車之一，必須遵守交通法。而據澳洲交通法，單車一定要有至少一個可以控制部車嘅嘢。
丹麥
[編輯]冚唪唥嘅單車必須要有兩個轆，重有後面嘅反射燈以及要有唥鐘、刹掣。
法國
[編輯]單車必須要有2個刹掣，重要有前面嘅燈、後置嘅反射燈、以及唥鐘响度。
- 不過佢哋嗰邊冇咩人去執法，所以喺法國嘅交通度，成日都見到好多唔合規嘅單車响度。
德國
[編輯]喺德國嘅交通法入面，冚唪唥嘅單車必須要有兩個轆同反射燈、唥鐘同刹掣。雖然話喺波尼嗰邊，法院係畀有齒輪固定且有啱𠼻嘅後刹掣功能嘅單車喺條路度行，但喺柏林嗰邊，法院係禁止死飛嘅，話死飛係一樣好牙煙嘅嘢。
中國
[編輯]喺《中華人民共和國道路交通安全法實施條例》嘅第四章第三節入面嘅《非機動車通行規定》度規定咗單車嘅晒士同限重，但係就無規定單車係咪要有剎掣功能。雖然話無規定，但爲咗踹車時安全，重係裝返個剎掣。
紐西蘭
[編輯]根據紐西蘭嘅交通法，冚唪唥嘅單車最少要有個超好嘅後轆控制器。喺1988年1月1號開始，重要求必須要有超好嘅前刹掣功能。
西班牙
[編輯]任何單車都要有個控到前後轆嘅嘢以及要有唥鐘。
英國
[編輯]喺英國規定生產、使用單車嘅標準嘅法律條文入面講到：「如估單車高過635mm，就必須要有2個獨立嘅控制系統嚟同時控到前轆同後轆」。
美國
[編輯]喺美國好多州度，響公路度踹無剎掣功能嘅單車係唔合法嘅，而個標準通常係「必須整咗控制，喺標準、乾淨嘅路度踹時，唔會搞到單車車轆跣低」。而美國消費產品安全委員會就無規定要禁售無剎掣功能嘅單車。
日本
[編輯]據日本嘅交通法：凡喺日本馬路踹單車，如估無裝控制裝置，就係違反交通法，原因係配件唔齊。[2]
踹死飛出交通事故案例
[編輯]
爾個係動態嘅未完成一覽表，內容可能隨時會變，所以呢個一覽表可能都唔會補充完整。歡迎你隨時修改並補返來源。呢度講嘅係全球各地出過嘅因為踹死飛而出嘅交通事故：
- 2013年3月16號：喺福建省漳州市琥珀路有一個踹住死飛嘅13歲女仔俾部私家車撞死咗[3]。
- 2014年5月3號：喺福建省廈門市環島路有個19歲嘅江西僆仔因為踹住部死飛，想避開台拖拉機，結果唔好彩撞咗落台拖拉機度而死[4]。
- 2014年5月10號：喺廣東省佛山市順德區容桂嘅鹿茵路同105國道嘅交界口度，有一個踹住死飛嘅16歲僆仔喺馬路度撞低咗個行人兼自己死咗[5][6]。
- 2011年2月11號：喺美國加州三藩市度，一位25歲嘅僆仔（白人）踹住部死飛單車喺銀色大道同作戰街嘅路口度撞低咗個61歲嘅伯爺婆，最後呢條僆仔俾當地嘅差佬指控。[7]
- 2013年5月19號：喺墨西哥京他拿盧州嘅伯利茲市托利多區嘅銀灣村度，一條14歲嘅僆仔踹住部死飛單車，結果喺銀灣路同東中心高速附近撞死銀灣高校嘅一位15~16歲嘅女學生。[8]
- 2015年12月25號，喺浙江温州嘅大羅山，有位踹住死飛嘅17歲學生——小洪，喺山上跌落懸崖死咗[9]
參攷
[編輯]
- ↑ Konopka, Peter (1982). The Complete Cycle Sport Guide. EP Publishing. pp. 70–71. "Top class riders spend the whole winter on such small gears (42×17 or 18)... to get good pedal training some adopt a "fixed wheel"..."
- ↑ 自転車の制動装置は道路交通法施行規則により「前車輪及び後車輪を制動すること」と定められている。
- ↑ 中學生騎單車「死飛」被撞身亡 沒剎車單車該怎麼騎 新浪閩南 喺2013-03-19搵到
- ↑ 小夥騎死飛自行車喪命 交警：杜絕車輛隨意銷售 互聯網檔案館嘅歸檔，歸檔日期2014年8月13號，. 人民網 喺2014-05-18搵到
- ↑ 2014年05月27號 佛山電視台中午新聞報道
- ↑ 「死飛」致少年事故身亡 業界建議勿騎上路 互聯網檔案館嘅歸檔，歸檔日期2014-09-07. 新浪廣東 喺2014-05-27搵到
- ↑ Fixie bike accident in San Francisco highlights danger of going brakeless 互聯網檔案館嘅歸檔，歸檔日期2013年6月23號，. The Examiner 喺2011-02-18搵到
- ↑ Silver Creek High School Cyclist Killed in San Jose NBC - BAY AREA 喺2013-05-23搵到
- ↑ 女大学生玩“死飞”坠崖 同学车店分别赔19万和47万 互聯網檔案館嘅歸檔，歸檔日期2017年3月16號，. 温州网 （2017-03-12）
