氣候變化

氣候變化（粵拼：hei3 hau6 bin3 faa3）通常係指喺一段比較長嘅時間內，地球喺氣候方面整體嘅變化，無論係自然原因或者係人類科學同工業化造成嘅，比如話全球變暖，而聯合國氣候變化綱要公約「氣候變化」定義為人類所造成：

除咗喺類似時期內所觀測到氣候嘅自然變遷之外，由於直接同間接嘅人類活動改變咗地球大氣嘅組成而造成嘅氣候變化。

個案

Info：紅葉

紅葉會受氣候變化影響，而且又影響返氣候變化轉頭：紅葉嘅產生機制源自伴隨秋天而嚟嘅溫度改變；全球暖化嘅現象令到世界各地平均溫度上升，而全球暖化係一個受關注嘅課題－例如係溫度上升令兩極嘅冰溶化，造成海平面上升同危害好多沿海城市；氣候變化同相關現象（溫室效應等）因為涉及溫度上升，所以會延遲紅葉出現嘅時間，令到植物綠得更加耐；實驗顯示，隨住二氧化碳水平提高，就算溫度不變，楊樹維持綠色嘅時間都會變長；充滿葉綠素嘅植物係最能夠做光合作用嘅，所以二氧化碳水平提高可能會引致森林（做光合作用）吸二氧化碳嘅能力提升，從而壓抑二氧化碳水平。因為噉，氣候變化會點樣影響秋葉變化，而秋葉變化又有冇可能影響返氣候變化係一個相當重大嘅學術問題。

• 
  呢幅地圖顯示美國各地喺邊個月傾向最多紅葉，喺 2009 年整嘅。