江南大道 (廣州)
呢篇文講廣州市嘅江南大道。想搵其它城市嘅江南大道嘅話，請睇江南大道。
| |||||||||||||||||
 江南大道中嘅路牌 | |||||||||||||||||
| |||||||||||||||||
江南大道（粵拼：gong1 naam4 daai6 dou6）係中國廣東省廣州市嘅一條主幹道，喺海珠區入面。成條馬路南北走向，南邊從江泰路開始，一直向北去到南華東路嘅海珠橋口嗰頭。而另外一條江南大道南喺工業大道南嗰頭開始，一直去到新滘西路嗰頭。
概要
[編輯]全長4.5公里[1]，闊40米，雙向6車道。
名
[編輯]其實呢條馬路唔係一早就嗌「江南大道」，而係嗌「江南中路」嘅名。不過到咗1966年嘅文革時期，受到破四舊嘅思想影響先至改咗名嗌「躍進路」，但係到咗1981年，由於呢條大道喺珠江嘅南邊，所以就改咗名嗌「江南大道」重一直用到而家。實際嘅江南路就喺而家嘅江南西地鐵站冇幾遠嗰度。
江南大道嘅三條道路，起點到終點
[編輯]- 江南大道北：從南華東路嘅海珠橋口嗰度開始，一直去到同福東路同小港路嘅交界嗰頭。
- 江南大道中：從同福東路同小港路嘅交界開始，一直去到昌崗中路同昌崗東路嘅交界嗰頭。
- 江南大道南：從昌崗中路同昌崗東路嘅交界開始，一直去到江泰路嗰頭。
- 江南大道南（第條）：從新滘西路開始，一直去到工業大道南嗰頭。
經過嘅道路
[編輯]呢度啲路順序係從北去到南嚟排嘅，其中加粗咗嘅字係主幹道，灰色嘅字係未通嘅路：
特色
[編輯]呢條馬路入面都算有比較特色嘅，雖然話江南大道南嗰邊係一條掘頭路兼城中村範圍，但係近幾年因為嗰度開發咗好多樓盤，所以已經有好多人氣響度。而江南大道中嗰度係商業集中地，入面有好多百貨商場同酒店、賓館響度，嗰度甚至係商業一條街。而江南大道北嗰頭因為馬路兩邊都係啲婚紗舖，所以嗰度又俾人話成係「婚紗街」，嗰度重係家陣成個廣東省入面，最大賣婚紗嘅交易雜散地區。而成條馬路兩邊都有好多木棉樹響度。
斷頭路問題
[編輯]喺2007年，廣州市政府諗住話將江南大道嘅江泰路口嗰頭打通佢，向南同新滘路口南邊嗰度嘅工業大道南嗰頭，但係廣州市嘅有關部門組織專家去查過吓，話要拆好多屋嗰度要出好多錢，加上規劃緊嘅道路要經過部隊嘅營區，加上傾咗好多次都未達成共識，所以到咗2015年初就冇繼續搞落去[2]。
註
[編輯]- ↑ 本嚟規劃係全長6.9公里（從海珠橋最南邊開始一直去到工業大道南路口嗰頭）嘅，但係因為江南大道南最南邊（江泰路口嗰度）嗰度一直都未打通。
- ↑ http://www.gz.gov.cn/sofpro/gecs/webview_hotline.gecs?hotline.hotlineSeq=417956&token=1409799322316832000&flag=view