法查斯嘉希活

出自維基百科，自由嘅百科全書
法查斯嘉希活
法查斯嘉希活參加2020年5月救救舞天鵝行動嘅畫面
舞者
原名Francesca Hayward
國籍英國 英國
出世 (1992-07-04) 1992年7月4號（31歲）
肯雅 肯雅賴羅比
母校皇家芭蕾舞學校
相關團體皇家芭蕾舞團

法查斯嘉希活（英文：Francesca Hayward；1992年7月4號—），係一名喺肯雅同英國出身嘅女芭蕾舞者兼演員，而家做到咗皇家芭蕾舞團首席（舞者）。喺2019年參演咗音樂劇改編電影《Cats》後開始俾外界認識。

早年[編輯]

希活係1992年7月4號喺賴羅比出世，老竇係英國人，媽媽係肯雅人。到2歲時畀父母帶返西修適士郡，跟埋祖父母一齊住[1][2]。3歲嘅時候祖父母帶咗佢去睇《胡桃夾子》，跟著希活就開始咗學跳舞[3][4][5]。開頭佢響Le Serve School of Ballet同埋Theatre Dance呢兩間學校讀書，直到一位老師鼓勵佢去White Lodge（皇家芭蕾舞學校嘅初級班）試境。2003年佢正式入讀皇家芭蕾舞學校，[6] 2008年成功升上高中，但後嚟由於受咗傷最尾係冇正式畢業，淨係拎返張肆業紙[7]。

職業生涯[編輯]

到2010年希活獲選入咗皇家芭蕾舞團，[8][9][10] 跟著連續幾年升位到2016年，就做到咗首席（舞者）[11]。

到2018年11月，希活加入咗電影《CATS》嘅劇組，出演一位名叫「維多利亞」嘅白貓[12][13] ，為咗演角佢係要同皇家芭蕾告返假[14][15][16]。佢返返皇家芭蕾之後，就做咗施沙高雷力士（後發展成情侶）喺《羅密歐與茱麗葉》嘅首演拍檔[17][18]。

到2020年因為武漢肺炎，希活原本預定首演嘅《天鵝湖》被迫取消咗[19]。佢跟住就響應咗米茜高普蘭嘅呼籲參與「救救舞天鵝」行動，將跳《天鵝之死》嘅影片擺上網，再將籌到嘅善款捐助返各大舞團同藝術基金[20]。喺皇家芭蕾復演直播度，希活再同高雷力士演出咗一段全新編排嘅雙人舞[21]。

攞獎[編輯]

喺入讀皇家芭蕾舞學校嘅時期，佢分別喺2009年同2010年贏得Lynn Seymour Award for Expressive Dance同英國年度舞者獎[22]。

希活曾經喺2010年參與咗皇家舞蹈學院主辦嘅珍妮爵士國際芭蕾大賽，斬獲銀獎同最受觀眾歡迎大獎[23]。佢仲喺英國舞評人大獎度攞過好多次榮譽，包括2014年嘅最佳新人獎，同2016嘅最佳女舞者[24]。

喺2019年9月出、由修適士公爵夫人美謹主編嘅《英國 Vogue》雜誌，佢獲選為15位有影響力嘅封面女性之一[25]。到2020年佢畀《權力榜》選為英國百名最有影響力嘅非裔名人之一[26]。

參考[編輯]

  1. ↑ Mackrell, Judith (19 October 2014). "Francesca Hayward: the next great British ballerina?". The Guardian.
  2. ↑ Meakin, Nione (29 July 2019). "Francesca Hayward on her journey from a recital at Worthing Pavilion to the Royal Ballet". Sussex Life. 原著喺2020年10月27號歸檔. 喺11 March 2020搵到.
  3. ↑ Winship, Lyndsey (11 November 2019). "Francesca Hayward Steps Into Hollywood's Spotlight". Dance Magazine.
  4. ↑ "Francesca Hayward — People — Royal Opera House". Royal Opera House. 原先內容歸檔喺13 May 2020. 喺25 June 2020搵到.
  5. ↑ Winship, Lindsey (29 March 2016). "Francesca Hayward, interview: 'I just want always to move people. If someone cries, that's brilliant'". Evening Standard. 喺18 August 2016搵到.
  6. ↑ "The Ballet Association". www.balletassociation.co.uk. 原著喺2016年4月7號歸檔. 喺2021年10月19號搵到.
  7. ↑ Norman, Neil (2 March 2020). "Francesca Hayward: 'Criticism of Cats never upset me, the performers all share a sense of humour about it'". The Stage.
  8. ↑ Cappelle, Laura (29 January 2016). "Francesca Hayward: The Royal Ballet's Next Crown Jewel". Pointe.
  9. ↑ Pearce, Lucy (12 December 2015). "Worthing ballerina Francesca Hayward as Clara in The Nutcracker". The Argus.
  10. ↑ Kavanagh, Julie (10 December 2013). "A firefly among moths". 1843.第January/February 2014號.
  11. ↑ "Francesca Hayward — People — Royal Opera House". Royal Opera House. 原先內容歸檔喺13 May 2020. 喺25 June 2020搵到.
  12. ↑ "Miaow! Royal Ballet star Francesca Hayward joins Cats movie". BBC News. 2 November 2018.
  13. ↑ Vlessing, Etan (24 October 2019). "Andrew Lloyd Webber Talks Working With Taylor Swift on New 'Cats' Song". The Hollywood Reporter. 喺25 October 2019搵到.
  14. ↑ McNary, Dave (2 November 2018). "Film News Roundup: Royal Ballet's Francesca Hayward Joins 'Cats' Movie". Variety.
  15. ↑ Spencer, Mel (10 January 2018). "Royal Ballet Principals Francesca Hayward and Steven McRae to star in Cats". Royal Opera House.
  16. ↑ Escoyne, Courtney (2 November 2018). "UPDATED: Two of Our Fave Royal Ballet Principals Just Got Tapped for Roles in the CATS Movie!". Dance Magazine.
  17. ↑ "Romeo and Juliet — stars at their peak in Kenneth MacMillan's ballet". The Financial Times. 23 May 2019. 喺26 July 2019搵到.
  18. ↑ "Royal Ballet back for first performance since lockdown". ITV via Youtube. 2020-06-12.
  19. ↑ "My Splendid Isolation: Francesca Hayward – 'I fell over doing ballet practice on my wonky kitchen floor'". The Telegraph. 2 April 2020.
  20. ↑ "32 Ballerinas From Around the World Perform "The Dying Swan" for COVID-19 Relief". Dance Magazine. 6 May 2020.
  21. ↑ Veale, Sara. "Sensual and silky: the Royal Ballet returns to Covent Garden". The Spectator.
  22. ↑ Ellie Pithers, Senior Fashion News & Features Editor. "Francesca Hayward: meet the Royal Ballet's diminutive star-in-waiting". The Telegraph (英國英文). 喺2021-10-20搵到. {{cite web}}: |first= has generic name (help)
  23. ↑ Stahl, Jennifer (30 November 2001). "2010 Genee Results". Pointe (英文). 喺26 July 2019搵到.
  24. ↑ "2016 National Dance Awards – Winners Announced". DanceTabs.com (美國英文). 6 February 2017. 喺26 July 2019搵到.
  25. ↑ Singer, Jenny (19 December 2019). "Francesca Hayward on Cats, Living Without Regrets, and Getting a Phone Call From Meghan Markle". Glamour.
  26. ↑ Lavender, Jane (17 November 2020). "Lewis Hamilton ends incredible year top of influential Black Powerlist 2021". mirror (英文). 喺19 January 2021搵到.
由「https://zh-yue.wikipedia.org/w/index.php?title=法查斯嘉希活&oldid=1917505」收