港人講地

  提示：呢篇文講嘅唔係港人港地。

港人講地係一個香港親北京派嘅網媒同互聯網平台，由梁振英齊心基金旗下子公司經營。

根據香港中文大學傳播與民意調查中心喺2019年11月嘅民調，港人講地嘅公信力評分為4.29，喺網上媒體中排名倒數第一，係10間網上傳媒中公信力最低。

爭議

喺2021年，有學術期刊分別發表文章，話港人講地雖然自稱係新聞平台，但實際係散播政治宣傳嘅平台，可信度備受質疑，而且被中文維基百科列作唔可靠嘅資料來源。

涉及中共發放假新聞系統

美國獨立社交平台研究公司Graphika喺2021年2月發表報告，指出有數以百萬計嘅虛假社交平台帳戶有組織同有系統咁幫中共唱好，呢啲戶口，2019年起集中攻擊香港反送中運動，去到2020年武漢肺炎疫情爆發後，呢啲網軍又將重點改為幫中國講好話，同時抵毀美國喺武漢肺炎期間嘅抗疫工作。報告點名提到，包括港人講地在內嘅多名親中派人士同網媒，仲有中國外交部發言人趙立堅、多位中國駐外大使等，有份參與散播垃圾假資訊（spamouflage）。報告又話，有關活動有幕後組織同資金支持。