游水泡

街邊成日賣嘅游水泡（喺廣州嘅街頭影）

游水泡（粵拼：jau4 seoi2 pou2）係一種可以充氣嘅圓環形水上玩具。有好多細路同後生男女仔成日喺游水嗰陣用佢嘅。

作用

游水泡嘅作用係將佢束喺條腰度跳落水就得。呢樣嘢重可以用嚟學點游水。重有個講法就係個肚噉解，啫係形容個人好肥。

游水泡喺水上遊樂園入面，成日都見到喺水上瀡滑梯度用嘅，用法就係一個人坐喺個環嘅中間，跟住對腳同對手放喺個游水泡嘅出面。有好多嘅游水泡係設計成重多個一管縫嘅品種，甚至重有2個或4個窿嚟畀啲人坐得舒服啲。

構造

游水泡係由2個同一曬士嘅平面塑料嚟整嘅，其中有個咀係用嚟裝氣嘅。每個平面層係用咗一嚿大嘅圓圈斬咗一嚿細嘅同心圓出去。而且佢嘅內外平面層都係撳實咗啲空氣入去。

其它游水泡嘅品種

喺其它嘅游水泡品種入面，重有專門整畀孲𤘅子用嘅腳版游水泡。

使用注意事項

• 充氣之前先擰開個白嘅旋蓋，充滿嗮氣之後重要睇下個旋蓋係咪插得既啱又完全噉入嗮去，用嗰陣冇掹走個旋蓋。
• 如估細路用游水圈嗰陣，一定要有大人睺實。
• 衝到一定氣嗰陣，充氣玩具會慢慢噉縮細個膨脹度。喺繼續玩之前一定要重新睇下充氣程度有冇去到飽和狀態。
• 玩呢個玩具之前，一定要睇下四周圍或地下嗰邊，有冇啲尖嘅嘢響度。因為游水泡係唔可以掂得尖嘅嘢。
• 兒童游水圈係唔可以畀≥2個細路去玩（因為好牙煙）。
• 游水圈係唔啱任何年紀嘅細路：

  一般嘅充氣游水圈凈係啱畀＞5歲嘅細路同成年用

  冚唪唥嘅座式游水圈凈係啱畀2——4歲嘅細路用

• 游水泡係唔可以用嚟救啲溺水嘅人
• 游水圈唔可以喺游水池嘅深水區或天然嘅江、河、湖、海度用。（因為會搞單意外出嚟）

優勢同劣勢

街邊成日賣嘅游水泡（喺雅加達嘅街頭影）

優勢

• 價錢比較平、圖好睇

  成日畀啲潮流嘅後生男女仔同埋細路鍾意佢

• 可以隨時充氣同攜帶

  用嗰陣可以隨時喺游水池度吹出嚟玩 唔用嗰陣可以放嗮啲氣嚟收埋。

劣勢

• 重量太輕

  成日掟唔準

• 抗壓能力差

  好容易爛同埋漏氣

• 塑膠表面一掂到水就變得好滑
• 有一部分嘅游水圈係三無產品

同救生水泡嘅區別

下面呢個表格係攞咗救生水泡同游水泡嚟區分咗下：

PK項	游水泡	救生水泡
重量	輕	重
爛嘅機會	高	低
漏氣機會	高	低
抗壓能力	差	好
漏氣機會	大	細
塑膠表面 掂到水	好跣	澥澀
可唔可以喺 深水區度用	×	√
生產工序	簡單	複雜
係咪有 熒光條	唔使	一定要
使用範圍	淺水區	邊度水 區都得

出面網頁

• 游泳圈 百度百科